Maria Montessori

Maria Montessori
Nacemento	31 de agosto de 1870
Lugar de nacemento	Chiaravalle
Falecemento	6 de maio de 1952
Lugar de falecemento	Noordwijk
Nacionalidade	Italia e Reino de Italia
Relixión	Igrexa católica
Alma máter	Universidade de Roma La Sapienza
Ocupación	psicóloga, filósofa, inventora, médica, pedagoga, psiquiatra, conferenciante, matemática, mestra e escritora
Fillos	Mario Montessori
Premios	Officer of the order Orange-Nassau
Na rede
[ editar datos en Wikidata ]

Maria Tecla Artemisia Montessori, nada o 31 de agosto de 1870 en Chiaravalle na (provincia de Ancona) e finada o 6 de maio de 1952, foi unha educadora, científica, médica, filósofa, feminista, e humanista italiana.

Traxectoria

Montessori foi a primeira muller médica italiana na era moderna, e desde o seu posto dedicouse a tratar de educar os considerados ineducables na Roma do seu tempo e abriu a súa primeira escola, en Roma, o 6 de xaneiro de 1907.

O Método Montessori de educación que se derivou da súa experiencia, aplicouse con éxito os nenos e é moi popular en moitas partes do mundo. Sen importar as críticas ao seu método nos inicios das décadas de 1930-1940 o seu método educativo seguiuse aplicando e actualmente vive unha revitalización.

En 1907 Montessori estableceu a primeira Casa dei Bambini en Roma. Xa en 1913 houbera un intenso interese no seu método en Norteamérica, que máis tarde decreceu. (Nancy McCormick Rambusch reviviu o método en América, establecendo a Sociedade Americana Montessori (American Montessori Society en 1960). Montessori estivo exiliada desde 1936 nos Países Baixos e trasladouse á India por invitación da Sociedade Teosófica, durante a segunda guerra mundial viviu en Madrás e Karachi e abriu a súa propia escola Kodaikanal. Tras a guerra regresou ós Países Baixos, país no que actualmente está a sede da AMI ou Association Montessori Internationale. Morreu en Noordwijk aan Zee. O seu fillo Mario encabezou a A.M.I. ata a súa morte en 1982.

Véxase tamén

Outros artigos

• Método Montessori