Marco Bellocchio

Marco Bellocchio
Marco Bellocchio
Nacemento	9 de novembro de 1939
Lugar	Bobbio (Italia)
Nacionalidade	Italia
Relixión	ateísmo
Educado en	Centro Sperimentale di Cinematografia
Fillos	Pier Giorgio Bellocchio
Profesión	Director de cine
Na rede
[ editar datos en Wikidata ]

Marco Bellocchio, nado o 9 de novembro de 1939 en Bobbio, é un director de cinema italiano.

Biografía

Xa de rapaz, na escola salesiana onde estudaba mostrou interese polo mundo do cinema. En 1959 desprazouse ata Londres para estudar cinematografía. Ós 26 anos dirixe en Bobbio o seu primeiro filme, I pugni in tasca (1965), no cal se nota o seu anticonformismo, o que tamén sucede nos dous seguintes La Cina è vicina (1967) e Il popolo calabrese ha rialzato la testa (Paola) (1969). Nese mesmo ano participou cun episodio no filme Amor e rabia (1969) xunto con Pasolini, Bertolucci, Lizzani e Godard.

En 1971 foi un dos sinatarios do manifesto de intelectuais contra o comisario Luigi Calabresi ó que acusaban da morte do anarquista Giuseppe Pinelli.

No filme Nel nome del padre (1972) con Laura Betti evocou a súa infancia en clave grotesca e nese ano tamén dirixiu a Gian Maria Volonté en Sbatti il mostro in prima pagina (1972). En Pianeta Venere (1974, dirixido por Elda Tattoli), Bellocchio actuou como actor. A súa seguinte película é unha dura acusación contra os manicomios, Nessuno o tutti - Matti da slegare (1975) e realizou unha versión da novela de Anton Chekhov Il gabbiano (1977).

En 1978 coñece o psiquiatra Massimo Fagioli, co que mantivo unha longa e frutífera relación: Fagioli participou activamente na realización de catro filmes de Bellocchio (Il diavolo in corpo, La visione del Sabba, La condanna e Il sogno della farfalla).

Logo de Armonica a bocca (1979) e Vacanze in Val Trebbia (1980) dirixiu a Marcello Mastroianni en Enrico IV (1984), baseado nunha comedia de Luigi Pirandello, e de seguido Il diavolo in corpo (1986) baseada nun libro de Raymond Radiguet e ó ano seguinte roda La visione del Sabba (1987).

Na súa produción dos anos noventa son de salientar La condanna (1990) e La balia (1999).

En 2002 dirixiu a Sergio Castellitto en L'ora di religione, coa que recibe o Nastro d'Argento ó mellor director, ó ano seguinte evocou o secuestro de Aldo Moro en Buongiorno, notte.

En 2006 foi candidato para a Cámara dos Deputados na lista da Rosa nel Pugno constituída por radicais e socialistas, abandonando o seu histórico apoio ós comunistas.

Ese mesmo ano realizou o filme Il regista di matrimoni (2006), novamente con Castellitto.

En Bobbio dirixe o Laboratorio Farecinema e o Festival cinematográfico Bobbio film festival.

En 2008 dirixiu Vincere, un filme que dá conta da atormentada vida de Ida Dalser, amante de Benito Mussolini e nai do seu fillo Benito Albino.

Filmografía

Curtametraxes

• 1961:
  • Abbasso il zio
  • La colpa e la pena
• 1962: Ginepro fatto uomo, mediametraxe
• 2000: L'affresco

Longametraxes

Filme para TV

• Il gabbiano (1977)

Filmes para o cinema

1. I pugni in tasca (1965)
2. La Cina è vicina (1967)
3. Discutiamo, discutiamo (episodio de Amor e rabia, 1969)
4. Nel nome del padre (1971)
5. Sbatti il mostro in prima pagina (1972), con Gian Maria Volontè
6. Matti da slegare (1974)
7. Marcha triunfal (1976)
8. Salto nel vuoto (1978)
9. Vacanze in Val Trebbia (1979)
10. Gli occhi, la bocca (1982)
11. Enrico IV (1984), con Marcello Mastroianni
12. Il diavolo in corpo (1986)
13. La visione del Sabba (1988)
14. La condanna (1991)
15. Il sogno della farfalla (1994)
16. Il principe di Homburg (1996), con Gabriele Lavia, Fabrizio Bentivoglio
17. La religione della storia (1998)
18. La balia (1999)
19. L'ora di religione (2002), con Sergio Castellitto
20. Buongiorno, notte (2003)
21. Il regista di matrimoni (2006), con Sergio Castellitto
22. Sorelle (2006)
23. Vincere (2008)

Documentais

• 1969:
  • Il popolo calabrese ha rialzato la testa (Paola), documental producido pola Unión dos Comunistas Italianos (marxistas-leninistas).
  • Viva il 1° maggio rosso proletario, documental producido pola Unión dos Comunistas Italianos (marxistas-leninistas)
• 1974: Nessuno o tutti - Matti da slegare (documental cordirixido con Silvano Agosti, Sandro Petraglia e Stefano Rulli)
• 1979: La macchina cinema (documental de TV codirixido con Silvano Agosti, Sandro Petraglia e Stefano Rulli)
• 1995: Sogni infranti
• 2002: …addio del passato… (documental de TV sobre a música de Giuseppe Verdi)

Ligazóns externas

• Entrevista a Bellocchio sobre "L'ora di religione"
• Bobbio film festival