María Faraldo

Na Galipedia, a Wikipedia en galego.
Saltar ata a navegación Saltar á procura
María Faraldo
Nacemento1959
 Galicia
NacionalidadeEspaña
Alma máterUniversidade de Santiago de Compostela
Ocupaciónpolítica
editar datos en Wikidata ]

María Dolores Faraldo Botana, nada en Betanzos en 1959, é unha política galega do PPdeG, foi alcaldesa de Betanzos, sendo a primeira muller en ocupar este cargo na historia da vila brigantina.

Traxectoria[editar | editar a fonte]

Licenciada en Medicina, e cun máster en Xestión Sanitaria, accedeu como funcionaria á Administración Autonómica, onde chegou a ocupar o cargo de Directora Provincial do Sergas, cargo de designación política.

A súa traxectoria política iniciouse como concelleira polo PPdeG en Betanzos, formando parte da lista encabezada por Jaime Pita en 1991 e 1995. A designación do cabeza de lista como conselleiro da Xunta de Galicia propiciou que fose a número un nas listas de 1999, nas que o PP perdeu dous concelleiros (pasou de 7 a 5). No ano 2003 Faraldo foi novamente a candidata do PP, recuperando os dous escanos que perdera, pero con menos votos que os obtidos en 1995 por Jaime Pita. eleccións municipais de 2003 o PSdeG-PSOE, perdeu a maioría absoluta que revalidaba consecutivamente desde 1983, debendo formar unha coalición de goberno co Bloque Nacionalista Galego para conservar a alcaldía. Deste período destaca a súa oposición ó Plan de Rehabilitación e Peonalización do Casco Histórico, impulsado polos nacionalistas desde o goberno municipal.

Con posterioridade, tras gañar o Congreso Provincial da Coruña a lista que encabezaba o por entón alcalde de Ferrol, Juan Juncal, auspiciada por Romay Beccaría en contra do parecer de Manuel Fraga, Faraldo foi nomeada Secretaria de Organización do Partido Popular na provincia da Coruña. Desde ese cargo Faraldo foi autora de controvertidas misivas ós alcaldes do seu partido, como a que daba directrices de atrasar a sinatura dun convenio coa Xunta de Galicia para crear brigadas anti-incendios nun verán marcado polo lume, ou a que invitaba a non asinar o convenio de adhesión ó Consorcio Galego de Servizos Sociais.

Nas eleccións municipais de 2007, e malia sufrir unha importante perda de votos e acadar un concelleiro menos, Faraldo foi investida alcaldesa da vila co apoio da formación independente Ciudadanos por Betanzos (CxB), liderada por un ex-concelleiro do PP que abandonara a disciplina do partido por discrepancias coa propia Faraldo. Con todo, o seu partido afronta a lexislatura gobernando en minoría, dada a negativa de CxB a integrarse no goberno municipal tras facilitarlles a Alcaldía.

Foi elixida deputada do Parlamento de Galicia nas autonómicas de 2012.


Predecesor:
Manuel Lagares Pérez
 Coat of Arms of Betanzos.svg
Alcaldesa de Betanzos
 
2007 - 2011
Sucesor:
Ramón García Vázquez

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]