Madame de Pompadour

Madame de Pompadour
Nome completo	Jeanne-Antoinette Poisson
Nacemento	29 de decembro de 1721
Lugar de nacemento	París
Falecemento	15 de abril de 1764
Lugar de falecemento	Versalles
Causa	tuberculose
Nacionalidade	Francia
Ocupación	salonnière, política, dama de companhia e amante real
Pai	Charles François Paul Le Normant de Tournehem
Nai	Madeleine de La Motte
Cónxuxe	Charles-Guillaume Le Normant d'Étiolles
Fillos	Alexandrine Le Normant d'Étiolles
Na rede
[ editar datos en Wikidata ]

Madame de Pompadour.

Jeanne-Antoinette Poisson, Marquise de Pompadour, nada en París o 29 de decembro de 1721 e finada en Versalles o 15 de abril 1764, foi amante do rei Luís XV de Francia.

Traxectoria

Sospéitase que o seu pai biolóxico era o rico financeiro Le Normant de Tournehem, que se converteu no seu titor cando forzaron ao seu pai oficial a saír do país en 1725 logo dun escándalo e ela viviu coa súa nai e irmá. Muller intelixente e educada, tamén aprendeu bailar, gravar e tocar a guitarra. Casárona en 1741 (á idade de 19) con Charles-Guilaume Le Normant d'Etiolles, sobriño do seu titor. Con el tivo dous nenos, un raparigo que morreu o ano logo do seu nacemento en 1741, e Alexandrine-Jeanne, nada o 10 de agosto de 1744 e alcumada "Fanfan". Polo seu matrimonio puido frecuentar a corte , onde coñeceu ó rei Luís XV, de quen, a partir de 1745, se converteu en amante.

Logo de divorciar, trasladouse a vivir ó Palacio Real e adquiriu unha considerable influencia política (conseguiu desfacerse dos ministros Orry, Monrepas, Argenson e Machault, e protexeu a Bernis, Choiseul e Soubise), motivo polo cal ese período foi chamado «reinado Pompadour». Foi xenerosa mecenas do saber e das artes e creou a famosa fábrica de porcelana en Sévres. Amiga de Voltaire, favoreceu ós enciclopedistas.