Lina Wertmüller

Lina Wertmüller
	; (2011)
Biografía
Nacemento	(it) Arcangela Felice Assunta Wertmüller von Elgg Spañol von Braueich ; 14 de agosto de 1928 ; Roma, Italia
Morte	9 de decembro de 2021 (93 anos); Roma, Italia
Educación	Academia Nacional de Artes Dramáticas Silvio D'Amico (pt)
Actividade
Campo de traballo	Dirección de cine e guión cinematográfico
Ocupación	guionista, realizadora, letrista, directora de cinema, dramaturga
Período de actividade	1963 -
Participou en
1989	1989 Cannes Film Festival (en)
1973	1973 Cannes Film Festival (en)
1972	1972 Cannes Film Festival (en)
Familia
Cónxuxe	Enrico Job
Fillos	Zulima
Parentes	Massimo Wertmüller, sobriño
Premios
	(1987) Berliner Kunstpreis (en) ; (1985) Premio Crystal; Óscar Honorífico; estrela no Paseo da Fama de Hollywood; Cabaleiro da Gran Cruz da Orde ao Mérito da República Italiana; David di Donatello Award for Lifetime Achievement (en) ;
Descrito pola fonte	Lina Wertmüller, Italian Director of Provocative Films, Dies at 93 (en) ; Women film directors : an international bio-critical dictionary (en) ; The St. James women filmmakers encyclopedia
Sitio web	linawertmuller.com

Arcangela Felice Assunta Wertmüller von Elgg Spanol von Braueich, nada en Roma o 14 de agosto de 1928 e finada na mesma cidade o 9 de decembro de 2021,^[1] foi unha directora de cinema e guionista italiana.

Traxectoria

Descendente dunha familia aristocrática suíza, comezou a súa carreira como actriz. En 1962 traballou como axudante de dirección no filme de Federico Fellini 8½. O ano seguinte debutou na dirección con I Basilischi, filme cun tema principal (a vida das xentes do sur de Italia) que foi recorrente nos seus traballos posteriores.

A este filme seguírono outros que tamén tiveron certo éxito, mais non foi ata 1972 cando Wertmüller recibiu o recoñecemento internacional cunha serie de catro filmes protagonizados por Giancarlo Giannini. O último foi Pasqualino Settebellezze (1976), que recibiu catro candidaturas aos premios Oscar e foi un éxito internacional. Con este filme, Wertmüller pasou á historia por ser a primeira muller en ter unha candidatura ao Oscar á mellor dirección.^[2]

A pesar de seguir tendo unha carreira prolífica dende entón, ningún dos seus filmes posteriores logrou tanta repercusión como estes catro con Giannini.

Política

En xeral, os filmes de Wertmüller reflicten os seus propios compromisos políticos, sendo os seus principais protagonistas ou ben anarquistas ou ben feministas (ou ambos), e a acción principal céntrase en conflitos de natureza política ou socio-económica. A pesar diso, os filmes de Wertmüller raramente son didácticos, e adoitan reflectir as súas propias sensibilidades iconoclastas. En Travolti da un insolito destino nell'azzurro mare d'agosto (1974), por exemplo, conta a historia da dona dun rico industrial que só se sente realizada logo de ser «dominada» por un mariñeiro comunista.

Filmografía

I basilischi (1963)
Questa volta parliamo di uomini (1965)
Rita la zanzara (1966)
Non stuzzicate la zanzara (1967)
Il mio corpo per un poker, co-regia di Piero Cristofani (1968)
Mimì metallurgico ferito nell'onore (1972)
Film d'amore e d'anarchia - Ovvero "Stamattina alle 10 in via dei Fiori nella nota casa di tolleranza..." (1973)
Tutto a posto e niente in ordine (1974)
Travolti da un insolito destino nell'azzurro mare d'agosto (1974)
Pasqualino Settebellezze (1975)
La fine del mondo nel nostro solito letto in una notte piena di pioggia (1978)
Fatto di sangue fra due uomini per causa di una vedova. Si sospettano moventi politici (1978)
Scherzo del destino in agguato dietro l'angolo come un brigante da strada (1983)
Sotto.. sotto.. strapazzato da anomala passione (1984)
Un complicato intrigo di donne, vicoli e delitti (1985)
Notte d'estate con profilo greco, occhi a mandorla e odore di basilico (1986)
In una notte di chiaro di luna (1989)
Sabato, domenica e lunedì (1990)
Io speriamo che me la cavo (1992)
Ninfa plebea (1996)
Metalmeccanico e parrucchiera in un turbine di sesso e politica (1996)
Ferdinando e Carolina (1999)
Peperoni ripieni e pesci in faccia (2004)

Notas

↑ È morta Lina Wertmüller, grande protagonista del cinema italiano: aveva 93 anni (en italiano)
↑ Pingitore, Silvia (2020-06-22). "The first woman nominated for Best Director in 1977: interview with Academy Honorary Award winner Lina Wertmüller". the-shortlisted.co.uk (en inglés). Consultado o 2022-02-11.

[1] È morta Lina Wertmüller, grande protagonista del cinema italiano: aveva 93 anni (en italiano)

[2] Pingitore, Silvia (2020-06-22). "The first woman nominated for Best Director in 1977: interview with Academy Honorary Award winner Lina Wertmüller". the-shortlisted.co.uk (en inglés). Consultado o 2022-02-11.

[1]

[2]