José Ángel Antelo

José Ángel Antelo
	;
Biografía
Nacemento	(es) José Ángel Antelo Paredes ; 7 de maio de 1987 (39 anos); Noia
Concelleiro de Murcia
	15 de xuño de 2019 – ; Electo en: eleccións municipais de 2019 en Murcia
Datos persoais
Altura	203 cm
Peso	102 kg
Actividade
Ocupación	baloncestista
Período de actividade	2004 - 2019
Partido político	Vox
Nacionalidade deportiva	España
Deporte	baloncesto
Posición de xogo	Ala-pivote
2003–2007
Traxectoria

José Ángel Antelo Paredes, nado en Noia o 7 de maio de 1987, é un ex xogador galego de baloncesto profesional e político ultradereitista. Xogaba de ala-pivote e mide 203 centímetros.

Traxectoria

Formado na canteira do C.B. Noia, aos dez anos marchou para as categorías inferiores do Real Madrid, que era o club propietario do seu contrato. Na campaña 2004-05 xogou cedido no Cáceres CB e na 2005-06 no CAI Zaragoza, xogou posteriormente co Bilbao Basket (ACB): 2006-2007, Club Bàsquet L'Hospitalet (LEB): 2007-2008, Tenerife Club de Baloncesto (LEB Ouro): 2008-2009, Baloncesto Fuenlabrada (Liga ACB): 2008-2010, Baloncesto León (LEB Ouro): 2010 e Cáceres 2016 Basket (LEB Ouro): 2010-2011.

Antelo Paredes formou parte da primeira selección nacional de baloncesto de Galicia, que debutou fronte ao Xapón, o 28 de xuño de 2006. Tamén integrou a segunda convocatoria desta selección, o 21 de xuño de 2007, contra Cuba.

En 2019 retirouse do baloncesto profesional logo de varias lesións no tendón de Aquiles.

Traxectoria política

Tras a súa retirada deportiva pasou a militar no partido político Vox^[1]. Entrou na corporación municipal de Murcia como concelleiro e presidiu Vox Murcia dende decembro de 2019^[2].

Encabezou a lista autonómica da formación ultradereitista ás Eleccións autonómicas de 2023, e conseguiu máis que dobrar os escanos, pasando de 4 a 9. En 2026, no medio dunhas disputas coa cúpula nacional do partido, foi presionado para que presentase a súa dimisión^[3]. Ao non o facer, foi expulsado do partido o 6 de marzo^[4], se ben conservou o seu escano.

Títulos

Campión de Europa júnior, 2004, coa selección española. Na final, España-Turquía (89-71), Antelo anotou 22 puntos.
Cuarto no campionato de Europa júnior, 2005, coa selección española.
Campión de España cadete, 2002 e 2003, co Real Madrid.

Vida persoal

Está casado^[4].

Notas

↑ "VOX confirma el fichaje de José Ángel Antelo tras su retirada". Marca (en castelán). 12 de abril de 2019.
↑ "Abascal nombra a José Ángel Antelo presidente de la gestora de Vox en la Región de Murcia". La Opinión de Murcia. 4 de decembro de 2019.
↑ Almagro, Elisa M. (2026-02-27). "El líder de Vox en Murcia reta a Abascal y se aferra al escaño: "Sigo siendo portavoz"". elDiario.es (en castelán). Consultado o 2026-02-27.
1 2 Ferrán, Jaime (2026-03-07). "La semana de pasión de José Ángel Antelo". El Correo Gallego (en castelán). Consultado o 2026-03-08.

Véxase tamén

Ligazóns externas

Perfil en ACB.com (en castelán)

[1] "VOX confirma el fichaje de José Ángel Antelo tras su retirada". Marca (en castelán). 12 de abril de 2019.

[2] "Abascal nombra a José Ángel Antelo presidente de la gestora de Vox en la Región de Murcia". La Opinión de Murcia. 4 de decembro de 2019.

[3] Almagro, Elisa M. (2026-02-27). "El líder de Vox en Murcia reta a Abascal y se aferra al escaño: "Sigo siendo portavoz"". elDiario.es (en castelán). Consultado o 2026-02-27.

[:0-4] 1 2 Ferrán, Jaime (2026-03-07). "La semana de pasión de José Ángel Antelo". El Correo Gallego (en castelán). Consultado o 2026-03-08.

[1]

[2]

[3]

[4]