Jordi Pujol

Na Galipedia, a Wikipedia en galego.
Jordi Pujol
Jordi Pujol.JPG
Jordi Pujol i Soley
126º President da Generalitat de Cataluña
Período 19802003
Antecesor Josep Tarradellas
Sucesor Pasqual Maragall
Datos persoais
Nacemento 9 de xuño de 1930
Lugar Barcelona
Organización Convergència Democràtica de Catalunya
Profesión Médico

Jordi Pujol i Soley, nado en Barcelona o 9 de xuño de 1930, é un político catalán, líder de Convergència Democràtica de Catalunya (CDC) entre 1974 e 2003 e Presidente da Generalitat dende 1980 ata 2003. É doutor en medicina pola Universidade de Barcelona. Casado con Marta Ferrusola no ano 1956, xuntos teñen 7 fillos.

Traxectoria[editar | editar a fonte]

Franquismo[editar | editar a fonte]

Pujol foi arrestado o 1960 polas súas actividades antifranquistas, e foi sentenciado a sete anos de prisión, dos cales cumpriu dous e medio na prisión de Zaragoza e un de confinamiento na cidade de Xirona. Liderou as campañas contra o director de La Vanguardia Luis de Galinsoga, o os Feitos do Palacio e "Queremos Bispos Cataláns". Unha vez en liberdade, volveu á actividade política co obxectivo de organizar un movemento nacionalista catalán. Presidiu a entidade financeira Banca Catalana a cal foi un centro de finanzamento de actividades culturais catalás, como o grupo Enciclopèdia Catalana, Òmnium Cultural ou a Llibreria Ona.

Fundación de Convergència[editar | editar a fonte]

Un dos impulsores da Asemblea de Cataluña, en 1974 foi un dos fundadores de Convergència Democràtica de Catalunya, e foi elixido Secretario Xeral. Foi Conselleiro da Generalitat de Catalunya en tempo do Presidente Josep Tarradellas.

Presidencia da Generalitat[editar | editar a fonte]

Foi elixido Presidente da Generalitat en 1980, e reelixido no 1984, 1988, 1992, 1995 e 1999. No ano 2003 ao acabar o seu último mandato, retirouse da primeira liña política, deixando a dirección do partido en mans de Artur Mas.

Seal of the Generalitat of Catalonia.svg
Generalitat de Cataluña

Segue a:
Josep Tarradellas
Jordi Pujol
Precede a:
Pasqual Maragall
President