John Latham

Na Galipedia, a Wikipedia en galego.
Saltar ata a navegación Saltar á procura
John Latham
Latham John 1740-1837.png
Nacemento27 de xuño de 1740
 Eltham, Gran Londres
Falecemento4 de febreiro de 1837
 Winchester, Hampshire
SoterradoInglaterra
Nacionalidadeinglesa
Alma máterMerchant Taylors' School
Ocupaciónornitoloxía
Linguainglés, latín
Coñecido/a porA General Synopsis of Birds
PremiosMembro da Royal Society, membro da Sociedade Linneana de Londres, membro da Leopoldina
editar datos en Wikidata ]

John Latham, nado o 27 de xuño de 1740 en Eltham, Gran Londres, e finado o 4 de febreiro de 1837 en Winchester, Hampshire, foi un médico, un naturalista especializado en ornitoloxía e un escritor inglés.

Traxectoria[editar | editar a fonte]

John Latham naceu o 27 de xuño de 1740 en Eltham, no sueste de Londres. Era o fillo máis vello de John Latham, un ciruxián alí establecido,[1] e da súa esposa, unha descendente dos Sothebys, en Yorkshire.[2]

Foi educado na Merchant Taylors' School, e estudou anatomía baixo a dirección de William Hunter. Practicou a medicina durante moitos anos en Dartford. Pronto adquiriu unha considerábel fortuna e, retirándose da práctica en 1796, estableceuse en Romsey, Hampshire. Recibiu o título de doutor (M.D.) en Erlangen en 1795.[1]

Obras[editar | editar a fonte]

As súas principais obras foron A General Synopsis of Birds e A General History of Birds. Examinou espécimes de aves australianas que chegaron a Inglaterra nos últimos vinte anos do século XVIII, e foi o responsábel de nomear moitas delas. Entre outras, o emú (Dromaius novaehollandiae, a Cacatua galerita, a aguia audaz (Aquila audax), a ave lira soberbia (Menura novaehollandiae) e a pega australiana (Gymnorhina tibicen). Tamén foi o primeiro en describir o guacamayo xacinto (Anodorhynchus hyacinthinus). Por todo iso, Latham foi chamado o "avó" da ornitoloxía australiana.

Abreviatura[editar | editar a fonte]

A abreviatura Latham emprégase pare recoñecer a John Latham como autoridade na descrición e taxonomía en zooloxía.

Notas[editar | editar a fonte]

  1. 1,0 1,1 Watkins, Morgan George (1892): "Latham, John (1740–1837)". En Lee, Sidney (ed.) Dictionary of National Biography. 32. London: Smith, Elder & Co.
  2. Anónimo (1838–1839). "John Latham, MD, FRS, AS, LS". The Naturalist 4: 26–33. 

Véxase tamén[editar | editar a fonte]