Janis Joplin

Janis Joplin
	; (1970)
Biografía
Nacemento	(en) Janis Lyn Joplin ; 19 de xaneiro de 1943 ; Port Arthur, Estados Unidos de América (pt)
Morte	4 de outubro de 1970 (27 anos); Hollywood, Estados Unidos de América
Causa da morte	morte accidental, intoxicação por opioides (pt)
Lugar de sepultura	Océano Pacífico ; sepultamento no mar (pt)
Educación	Universidade de Texas en Austin ; Kenmore West Senior High School (en) ; Lamar University (en) ; Thomas Jefferson High School (en)
Actividade
Campo de traballo	Composición musical
Ocupación	cantante, guitarrista, compositora, cantautora, artista discográfico
Período de tempo	Século XX
Período de actividade	1962 - 1970
Xénero artístico	Rock psicodélico, Blues, Blues rock, Soul, Acid rock, hard rock, folk e Música country
Movemento	Contracultura da década de 1960 (pt) e Hippy
Tesitura	Mezzosoprano ; ;
Instrumento	Guitarra, guitarra acústica e voz
Selo discográfico	Columbia Records ; Mainstream Records (en)
Obra
	Obras destacables Me and Bobby McGee; (1970) Mercedes Benz (en) ;
Familia
Cónxuxe	sen valor
Nai	Dorothy Bonita Joplin
Premios
	(2005) Grammy á carreira artística; (1995) Salón da Fama do Rock; estrela no Paseo da Fama de Hollywood ;
	Sinatura
Páxina web	janisjoplin.com

Janis Lyn Joplin, nada en Port Arthur (Texas) o 19 de xaneiro de 1943 e finada nos Ánxeles (California) o 4 de outubro de 1970, foi unha cantante estadounidense.

Traxectoria

Cantante de coro dende nena, comezou a súa carreira musical na Universidade de Texas, onde colaborou cunha banda chamada 'Waller Creek Boys', na que se mesturaba o blues co rock. As súas influencias polo blues viñeron da man de Leadbelly e Bessie Smith, as cales transmitiu ó seu propio rock, xunto coa influencia de Otis Redding.

En 1963 marchou a San Francisco, onde cantaba en locais nocturnos. Alí afeccionouse ás anfetaminas e os seus amigos devolverona á súa casa dous anos máis tarde. En 1966 regresou a San Francisco e uniuse á banda Big Brother And The Holding Company. Fixéronse moi coñecidos na cidade. O prestixio de Janis Joplin creceu, e chegaron a tocar no Monterrey Pop Festival, o que lles valeu que unha importante discográfica se fixara neles e lles propuxera publicar un disco. Pronto sacaron á luz o segundo traballo da banda, que se converteu nun grande éxito: "Cheap Thrills".

En 1968 Janis abandonou o grupo por discrepancias co resto dos membros. O éxito non lles sentou demasiado ben. En 1969, a cantante deu un paso adiante creando un grupo chamado Janis and the Joplianaires, xunto ao Big Brother Sam Andrew e outros músicos. Posteriormente cambiarían o nome da banda polo de Kozmic Blues Band.

Coa Kozmic Blues Band gravou un novo álbum: I Got Dem Ol'Kozmic Blues Again, Mama!, o cal foi recibido con frialdade polo público. Ademais, os concertos en directo eran un desastre. A pesar de que no disco se notaba o mal estado de Janis, vítima do seu consumo desmedido de alcohol, o disco tiña algunha boa interpretación da vocalista.

A súa fama foise deteriorando pouco a pouco, mentres que a súa adicción á heroína aumentaba. Morreu por mor dunha sobredose de dita droga. A título póstumo publicouse o último disco no que traballaba, Pearl, que contaba con colaboracións de Kris Kristofferson e de Bobby McGee, ademais dunha renovada Kozmic Blues Band.