Janis Joplin

Na Galipedia, a Wikipedia en galego.
Janis Joplin
Janis Joplin no 1970
Nome completoJanis Lyn Joplin
AliasPearl, Bruxa Cósmica, Dama branca do blues
Data nacemento19 de xaneiro de 1943
Port Arthur Texas
Estados Unidos de América Estados Unidos
Nado enPort Arthur
Falecemento4 de outubro de 1970
(27 anos)
Os Ánxeles California
 Hollywood
Causaintoxicação por opioides
SoterradaOcéano Pacífico e sepultamento no mar
OcupaciónCantante, compositora
XéneroBlues / Rock/ rock psicodélico/ Hard rock
Instrumento(s)Voz, guitarra
Selo(s) discográfico(s)Columbia
Relacionado con
  • Big Brother and the Holding Company
  • Jimi Hendrix
  • Erma Franklin
  • Bessie Smith
  • Aretha Franklin
  • Big Mama Thornton...
  • Tempo en activo1963 - 1970
    Na rede
    http://www.janisjoplin.com/
    IMDB: nm0429767 Rottentomatoes: celebrity/janis_joplin TV.com: people/janis-joplin IBDB: 495465
    Facebook: janisjoplin Twitter: janisjoplin Instagram: janisjoplin MySpace: janisjoplin Youtube: UCFlM0rQaEvMGxNQtXhYhTnQ TikTok: janisjoplin Souncloud: janis-joplin-music Spotify: 4NgfOZCL9Ml67xzM0xzIvC iTunes: 365673 Last fm: Janis+Joplin Musicbrainz: 76c9a186-75bd-436a-85c0-823e3efddb7f Songkick: 19445 Discogs: 120232 Allmusic: mn0000177060 WikiTree: Joplin-40 Find a Grave: 555 Deezer: 1658 Editar o valor em Wikidata
    editar datos en Wikidata ]

    Janis Lyn Joplin, nada en Port Arthur (Texas) o 19 de xaneiro de 1943 e finada nos Ánxeles (California) o 4 de outubro de 1970, foi unha cantante estadounidense.

    Traxectoria[editar | editar a fonte]

    Cantante de coro dende nena, comezou a súa carreira musical na Universidade de Texas, onde colaborou cunha banda chamada 'Waller Creek Boys', na que se mesturaba o blues co rock. As súas influencias polo blues viñeron da man de Leadbelly e Bessie Smith, as cales transmitiu ó seu propio rock, xunto coa influencia de Otis Redding.

    En 1963 marchou a San Francisco, onde cantaba en locais nocturnos. Alí afeccionouse ás anfetaminas e os seus amigos devolverona á súa casa dous anos máis tarde. En 1966 regresou a San Francisco e uniuse á banda Big Brother And The Holding Company. Fixéronse moi coñecidos na cidade. O prestixio de Janis Joplin creceu, e chegaron a tocar no Monterrey Pop Festival, o que lles valeu que unha importante discográfica se fixara neles e lles propuxera publicar un disco. Pronto sacaron á luz o segundo traballo da banda, que se converteu nun grande éxito: "Cheap Thrills".

    En 1968 Janis abandonou o grupo por discrepancias co resto dos membros. O éxito non lles sentou demasiado ben. En 1969, a cantante deu un paso adiante creando un grupo chamado Janis and the Joplianaires, xunto ao Big Brother Sam Andrew e outros músicos. Posteriormente cambiarían o nome da banda polo de Kozmic Blues Band.

    Coa Kozmic Blues Band gravou un novo álbum: I Got Dem Ol'Kozmic Blues Again, Mama!, o cal foi recibido con frialdade polo público. Ademais, os concertos en directo eran un desastre. A pesar de que no disco se notaba o mal estado de Janis, vítima do seu consumo desmedido de alcohol, o disco tiña algunha boa interpretación da vocalista.

    A súa fama foise deteriorando pouco a pouco, mentres que a súa adicción á heroína aumentaba. Morreu por mor dunha sobredose de dita droga. A título póstumo publicouse o último disco no que traballaba, Pearl, que contaba con colaboracións de Kris Kristofferson e de Bobby McGee, ademais dunha renovada Kozmic Blues Band.