Islamabad

Islamabad
	‏اسلام آباد;
Localización
	; Islamabad
País	Paquistán
Rexión	Punjab
Distrito	Territorio da Capital Islamabad
Xeografía
Altitude	457-1.604 msnm
Superficie	120 km²
Demografía
Poboación	1 151 868 hab. (2011)
Densidade	1.271 hab/km²
Outros datos
	www.islamabad.gov.pk

Este artigo amosa letras urdús. Sen o soporte axeitado, o texto pode mostrar símbolos sen sentido, coma caixas, marcas e outros.

A cidade de Islamabad (en urdú ‏اسلام آباد que significa: "Cidade do Islam") é a capital de Paquistán. Está situada ao nordés do país, no Territorio da Capital Islamabad. Historicamente parte do territorio formaba parte da rexión do Punjab e outra parte de Khyber Pakhtunkhwa. Ten unha poboación de 1 151 868 habitantes (resultados preliminares do censo de 2011) ^[1].

Historia[editar | editar a fonte]

En 1958 decidiuse escoller unha comisión para elixir unha nova capital do novo estado que substituíra a Karachi a ao ano seguinte decidiuse por unha zona a 15 km ao nordés de Rawalpindi. Un grupo de urbanistas, baixo a dirección do grego Constantinos A. Doxiadis, foi encargado do deseño da nova urbe. O 24 de febreiro de 1960 ^[2] o goberno paquistaní decidiu darlle o nome de Islamabad e no ano 1961 comezaron as obras.

No ano 1967, Islamabad converteuse xa oficialmente na capital do Paquistán. En 1970 remataron os traballos de construción.

En outubro de ano 2005 a cidade viuse afectada polo terremoto que sacudiu o subcontinente indio.

Xeografía e clima[editar | editar a fonte]

Islamabad está situada no altiplano de Pothohar, a unha altura entre 457 m e 610 m, ao sur dos Altos de Margalla, a uns 15 km da cidade de Rawalpindi (antiga capital do país entre 1959 e 1968) e tamén cerca da de Gakhar.

O clima está en parte regulado por tres lagos artificiais (Rawal, Simli e Khanpur), mais é con todo un clima extremo, con veráns moi calorosos e con choivas monzónicas en xullo e agosto; os invernos son moi fríos con nevaradas frecuentes sobre os altos e máis raras na cidade. As temperaturas oscilan entre un mínimo de -3,9 °C en xaneiro e un máximo de 46,1 º no mes de xullo.

Demografía[editar | editar a fonte]

Censo de 1981 - 204.364 habitantes .
Censo de 1998 - 529.180 habitantes (censo oficial)
Cálculos para 2006 - 794.531 habitantes.
Resultados preliminares do censo de 2011 1 151 868 habitantes

Turismo[editar | editar a fonte]

Área Azul, o centro financeiro de Islamabad.
Avenida da Constitución.
Monumento Nacional, preto de Shakarparian.
Mesquita de Faisal, un dos monumentos emblemáticos de Islamabad's most; unha grande mesquita, agasallo do rei Faisal da Arabia Saudita.
Altos de Margalla, outeiros que arrodean a cidade.
Museo Lok Virsa.
Museo de Historia Natural do Paquistán.
Museo de Islamabad.
Galería Nacional de Arte.

Notas[editar | editar a fonte]

↑ "Pak population increased by 46.9% between 1998 and 2011". The Times of India. 29 de marzo de 2012. Arquivado dende o orixinal o 02 de decembro de 2013. Consultado o 7 de setembro de 2013.
↑ Doxiadis, Constantinos. "Projects- Islamabad the Capital of Pakistan" (PDF). Arquivado dende o orixinal (PDF) o 13 de outubro de 2007. Consultado o 8 de setembro de 2013.

[1] "Pak population increased by 46.9% between 1998 and 2011". The Times of India. 29 de marzo de 2012. Arquivado dende o orixinal o 02 de decembro de 2013. Consultado o 7 de setembro de 2013.

[2] Doxiadis, Constantinos. "Projects- Islamabad the Capital of Pakistan" (PDF). Arquivado dende o orixinal (PDF) o 13 de outubro de 2007. Consultado o 8 de setembro de 2013.

[1]

[2]