Hugo Pratt

Hugo Pratt

Biografía
Nacemento	(it) Ugo Eugenio Prat 15 de xuño de 1927 Rimini, Italia
Morte	20 de agosto de 1995 (68 anos) Pully, Suíza (pt)
Causa da morte	Morte natural  (Cancro colorrectal )
Lugar de sepultura	Grandvaux (en)
Datos persoais
Residencia	Grandvaux (en) (1984–1995)
País de nacionalidade	Italia
Actividade
Campo de traballo	Historieta e Escrita creativa e profesional
Ocupación	artista de banda deseñada
Alumnos	Alfonso Font (en)
Pseudónimo literario	Hugo Pratt
Lingua	Lingua italiana
Obra
Obras destacables (1967) Corto Maltés (1983) Indian Summer (en)
Premios (2005)  Will Eisner Hall of Fame (en) (1989)  Grand prix de la ville d'Angoulême (en) (1987)  Angoulême International Comics Festival Prize for Best Album (en) , premiado polo traballo Indian Summer (en) (1977)  Premio Saint-Michel (1974)  Premio Saint-Michel, premiado polo traballo Escorpiões do Deserto (pt) (1969)  Yellow Kid Award (en)
Sinatura

Hugo Pratt (Ugo Eugenio Prat) foi un debuxante de banda deseñada italiano, creador do aventureiro Corto Maltés.

Traxectoria

Naceu en Rímini, Italia o 15 de xuño de 1927, pero criouse e estudou en Venecia. En 1937 marchou coa súa nai a Abisinia, colonia italiana na actual Etiopía, onde o seu pai era funcionario. Con trece anos alistouse como voluntario no Batallón Autónomo da Policía da África Italiana. Con 17 anos regresa a Italia. Nese momento xa é un apaixonado da banda deseñada norteamericana. Funda conxuntamente con Ongaro, Faustinelli e Battaglia o "Grupo de Venecia" para realizar historietas ao estilo americano. Debutou no ano 1945 publicando a súa primeira historieta Asso di Picche (As de Picas). En 1950 o grupo viaxa á Arxentina contratado pola Editorial Abril.

Na Arxentina vai ser onde cre as súas personaxes Sarxento Kirk (1953) e Ernie Pike (1956). En 1959 fai a súa primeira historieta integral Ann e Dan (ou Ana da Xungla), á que segue Capitán Cormorant (1962) e Wheeling (1962). Volta a Italia no 1963, onde en 1967 comeza a saga d´A balada do Mar Salgado, onde aparece por primeira vez o aventureiro Corto Maltés, a súa personaxe mais coñecida. No 1969 crea Os Escorpións do Deserto, saga que narra as aventuras e desventuras do tenente(ascendido a capitán e logo a maior) polaco Koinski pertencente a seción dos Escorpións do Deserto integrada no Exército do Nilo que actuou na África de 1940 durante a segunda guerra mundial. Entre o ano 1970 e 1973 comeza a publicar na revista francesa ¨Pif¨ os episodios das aventuras do Corto Maltés que serán as que lle dean o recoñecemento e a fama. Dos anos setenta ata principios dos noventa debuxará e escribirá as longas sagas do Corto (dende Corto Maltés en Siberia (1974) ata Mú (1988) ).

En todos os seus traballos pálpase a presenza dos grandes autores de aventuras aos que admiraba (Joseph Conrad, Hermann Melville, Stevenson, Kipling, Jack London, Antoine de Saint-Exupéry etc.).

Tanto Corto como Koinski e outros personaxes principais creados polo seu xenio caracterízanse por falar cos seus actos e ser moi parcos no uso das palabras. A mais os seus actos veñen determinados polos ideais individuais e non polos factores externos cunha forte tendencia antisistema, creando deste xeito antiheroes cuxos actos os converten en defensores dos débiles e da vida humana por riba de calquera outro valor.

Logo de vivir en Italia, Etiopía, Arxentina, Brasil e Francia, asentouse en Lausana, (Suíza) onde morreu o 20 de agosto de 1995.

Obra

• Asso di picche / L'as de pique / As de picas.
• Sargento Kirk.
• Ticonderoga (1957-1958), con guión de Héctor Oesterheld.
• Ernie Pike (1957-1959), guión: H. Oesterheld.
• Fanfulla.
• Ana da Xungla / Ann y Dan / Anna nella giungla / Ann of the Jungle / Ann de la jungle (1959).
• Capitan Cormorant (1962).
• Wheeling (1962).
• Corto Maltés / Corto Maltese (1967-92):
  • A balada do mar salgado / La Ballade de la mer salée (1967).
  • Baixo o signo de Capricornio / Sous le signe du Capricorne (1970).
  • Sempre un pouco máis lonxe / Corto toujours un peu plus loin (1970).
  • As célticas / Les Celtiques (1971).
  • As etiópicas / Les ethiopiques (1972).
  • Corto Maltés en Siberia / Corto sconta detta Arcana / Corto Maltese en Sibérie (1974).
  • Fábula de Venecia / Favola di Venezia - Sirat Al-Bunduqiyyah / Fable de Venise (1977).
  • A casa dorada de Samarcanda / La casa dorata di Samarcanda / La Maison dorée de Samarkand (1980).
  • A xuventude de Corto / La Jeunesse de Corto (1981).
  • Tango (1985).
  • As helvéticas / Elvetiche / Les Helvétiques (1987).
  • Mu (1988).
• Os Escorpións do deserto / Gli scorpioni del deserto / Les scorpions du desert / The Scorpions of the Desert (1969-92):
  • Les scorpions du désert [episodio 1] (1969-73).
  • Piccolo chalet... (1975).
  • Aixadas Dancali / Vanghe Dancale (1980).
  • Dry Martini Parlor (1982).
  • Brise de mer (1992).
• Sven - L'homme des Caraïbes (1976).
• A mancumba do gringo / La macumba du gringo (1977).
• Ao oeste do Edén / À l'Ouest de l'Éden (1978).
• Xesuita Joe / Jesuit Joe (1980).
• Tutto ricominciò con un'estate indiana.
• Cato Zulu (1984-88).
• O gaucho (1991), dibuxos: Milo Manara.
• Saint-Exupéry - O último vo / Saint-Exupéry - Le dernier vol (1994).
• Morgan (1995).
• Verán indio, dibuxos: Milo Manara.

Véxase tamén

Ligazóns externas

• Sitio Oficial (en inglés) (en francés) (en italiano)
• Páxina do autor en dreamers.com (en castelán)
• Hugo Pratt e Corto Maltés (en castelán)
• Os arquivos Hugo Pratt (en francés)