Hallux

Na Galipedia, a Wikipedia en galego.
Saltar ata a navegación Saltar á procura

O hallux (dedo gordo do pé) é o maior dedo á dereita nesta foto dun pé esquerdo

O hallux é o nome científico do primeiro pododáctilo (primeiro dedo) do do ser humano (que recibe o nome vulgar de "dedo gordo do pé").[1][2][3]

En xeral, tamén se lle dá este nome ao primeiro dedo das patas traseiras dos vertebrados tetrápodes.

No ser humano[editar | editar a fonte]

O hallux é o dedo correspondente ao dedo polgar, pollex ou pólice, nos membros superiores. Posúe, a diferenza dos outros dedos, dúas falanxes en lugar de tres.

O ser humano es o único primate no que o hallux está aliñado en paralelo co resto dos dedos, sendo este un factor clave para a locomoción bípede. Por iso, non é extraño que as malformacioóns, infeccións e outras patoloxías deste dedo, como os hallux valgus (xoanetes),[4] produzan un gran impacto para a calidade de vida do paciente e requiran de cirurxía correctora.

O dedo gordo tamén é un obxecto de atracción e prácticas sexuais para algúns individuos.

Nos animais[editar | editar a fonte]

En anatomía comparada dos tetrápodes, hallux é o termo latino que designa ao dedo máis interno ou medial do pé. A identidade destes dedos e a súa diferencia cos dedos dos membros superiores puideron xurdir no curso da evolución simultaneamente coa aparición do quiridio nos vertebrados, probabelmente en primeiro lugar nos peixes ripidistios e rizodóntidos.

En varios animais, como nos homínidos (gorilas, chimpancés e orangutáns) e en varios marsupiais (como o coala) teñen o hallux opoñíbel aos restantes dedos, como o dedo polgar humano, ou matapiollos.[5]

Nas aves está oposto ao resto dos dedos do pé, para permitirlles suxeitárense firmemente ás pólas das árbores cando pousan nelas.

Notas[editar | editar a fonte]

  1. hallux no Diccionario galego de termos médicos. Real Academia de Medicina e Cirurxía de Galicia / Xunta de Galicia. Santiago de Compostela, 2002, ISBN 84-4333-371-2.
  2. Kent, Michael (2003). Diccionario Oxford de Medicina y Ciencias del Deporte. Paidotribo. ISBN 8-4801-9716-1. 
  3. Clarke, John (1998). Un diccionario de materia médica práctica. Nueva Delhi: B. Jain Publishers. ISBN 978-8-1702-1812-8. 
  4. Definicións no Dicionario da Real Academia Galega e no Portal das Palabras para xoanete.
  5. Definicións no Dicionario da Real Academia Galega e no Portal das Palabras para matapiollos.

Véxase tamén[editar | editar a fonte]


Este artigo tan só é un bosquexo
 Este artigo é, polo de agora, só un bosquexo. Traballa nel para axudar a contribuír a que a Galipedia mellore e medre.