Infección

Infección
Aviso médico. Atención: A Wikipedia non dá consellos médicos. Se cre que pode requirir tratamento consúltello ao médico.
Instancia de modo de falla  Subclase de condición fisiolóxica fonte de risco adverse event (en) problema de saúde  Aspecto de patogénese (pt)  Caracterizado por modo de transmisión control de infeccións  Manifestación de vulnerabilidade  Causa colonización  Causa de doenza infecciosa avitellinosis (en) braxy (en) insuficiencia cardíaca  Causado por axente biolóxico patóxeno transmisión
Características
Especialidade médica infectoloxía
Tratado por control de infeccións
Tratamentos posibles anti infeccioso
Exames médicos hemocultura (pt) cultivo microbiolóxico
Códigos e identificadores Freebase /m/098s1 MeSH D007239 WordLift data.wordlift.io… OpenAlex C2910297250, C2993914291, C3018396707 e C3018443061
Fontes e ligazóns  Descrito pola fonte The Domestic Encyclopædia; Or, A Dictionary Of Facts, And Useful Knowledge "Domestic Encyclopædia (1802)/Infection (en) "
Wikidata C:Commons

Infección é o termo clínico para a colonización dun organismo hóspede por microorganismos. Na utilización clínica do termo infección, o organismo colonizador é prexudicial para o funcionamento normal e supervivencia do hóspede, polo que se cualifica ó microorganismo como patóxeno. Unha infección pode causar lesión celular local por metabolismo competitivo, produción de toxinas ou por reaccións antíxeno-anticorpo.

Características

Aínda que tódolos organismos pluricelulares son colonizados nalgún grao por especies exteriores, a inmensa maioría destas habitan nunha relación simbiótica ou sen consecuencias para o hóspede. Un exemplo do anterior, son as especies de bacterias anaerobias que colonizan o colon dos mamíferos; outro exemplo son as distintas especies de estafilococos existentes na pel humana.

Unha infección activa é o efecto dunha loita na cal o organismo infectante trata de utiliza-los recursos do hóspede para se multiplicar, a costa do mesmo. O estado da infección é, de maneira frecuente, simplemente cuestión das circunstancias. Case todo organismo, nas condicións adecuadas, pode volverse patóxeno e case ningún organismo, se está presente en pequenas cantidades e en áreas ben protexidas polo sistema inmunitario do hóspede, pode levar a cabo unha infección comprometedora.

Factores

As variables que se ven envolvidas na produción nun hóspede ó que se lle inoculou un patóxeno e o resultado final, son:

1. A ruta de entrada do patóxeno e o acceso ás zonas do hóspede que gaña o patóxeno.
2. Período de incubación
3. Cantidade de xermes
4. A virulencia intrínseca do organismo particular (capacidade de multiplicación)
5. Toxicidade
6. Poder de invasión
7. Tempo de actuación
8. Asociación microbiana
9. O estado inmune do hóspede que está sendo colonizado.

Exemplos

Como exemplo, as especies de estafilococos presentes na pel mantéñense inofensivas na mesma, pero cando se presentan nun espazo normalmente estéril, como é a cápsula dunha articulación ou o peritoneo, multiplicaranse sen resistencia e crearán unha gran carga para o hóspede.

Véxase tamén

Outros artigos

• Infestación
• Microorganismo