Gösta Mittag-Leffler

Gösta Mittag-Leffler

Nome orixinal	(sv) Magnus Gustaf (Gösta) Mittag-Leffler
Biografía
Nacemento	(sv) Magnus Gustaf Mittag-Leffler 16 de marzo de 1846 Estocolmo, Suecia
Morte	7 de xullo de 1927 (81 anos) Djursholm, Suecia
Lugar de sepultura	Djursholms Begravningsplats (en) , 02 EKEN 90 (1927–) 59°24′26″N 18°02′11″L
Educación	Universidade de Uppsala
Tese académica	Om skiljandet af rötterna till en synektisk funktion af en variabel (en)  (1872 )
Director de tese	Göran Dillner (en)
Actividade
Campo de traballo	Matemáticas, análise complexa, Xeometría analítica, function theory (en) e Teoría da probabilidade
Lugar de traballo	Djursholm París Uppsala Estocolmo Berlín
Ocupación	matemático, editor literario, científico, profesor universitario, emprendedor
Empregador	Universidade de Estocolmo
Membro de	Royal Society (1896–) Accademia delle Scienze di Torino (1896–) Academia francesa das ciencias Academia de Ciencias de Rusia Leopoldina Real Academia das Ciencias de Suecia Accademia Nazionale dei Lincei Academia das Ciencias de San Petersburgo Accademia Nazionale delle Scienze detta dei XL Academia de Ciencias da URSS Academia de Ciencias de Hungría
Alumnos	Ivar Bendixson (pt) e Lars Edvard Phragmén (pt)
Obra
Obras destacables função de Mittag-Leffler (pt) teorema de Mittag-Leffler (pt) Mittag-Leffler distribution (en)
Doutorando	Erik Ivar Fredholm, Axel Johannes Malmquist (en) , Helge von Koch (pt) , Emil Stenberg (en) e Hjalmar Mellin (pt)
Familia
Cónxuxe	Signe Mittag Leffler
Pais	Olof Leffler   e Gustava Wilhelmina Mittag
Irmáns	Anne Charlotte Leffler Frits Läffler Artur Leffler
Parentes	Gaetano Del Pezzo, sobriño Pasquale del Pezzo, cuñado
Premios
(26 de novembro de 1896)  Membro estranxeiro da Royal Society
Descrito pola fonte	Dicionario Enciclopédico Brockhaus e Efron Dicionário Biográfico Sueco (pt) , lang: lingua sueca Grande Enciclopedia Soviética (1926—1947)

Magnus Gustav (Gösta) Mittag-Leffler, nado o 16 de marzo de 1846 en Estocolmo e finado o 7 de xullo de 1927 en Djursholm (Estocolmo), foi un matemático sueco.

Traxectoria

Mittag-Leffler naceu en Estocolmo. Era fillo dun director de escola e tamén deputada da cámara baixa sueca, John Olof Leffler, e de Gustava Wilhelmina Mittag, cuxo apelido engadiría ao apelido paterno. A súa irmá foi a escritora Anne Charlotte Leffler. Matriculouse na Universidade de Uppsala en 1865, e conseguiu o doutoramento en 1872 por un traballo sobre a teoría da función analítica polo que comezou ese mesmo ano a docencia nesa mesma universidade. Tamén foi director da Stockholm Nation entre 1872 e 1873.

En 1873, con 27 anos, mudouse a París para seguir os cursos de Charles Hermite cuxa reputación como matemático era moi recoñecida, quen lle aconsellou que fora a Berlín aos cursos de Weierstrass. Con este último levou a cabo importantes traballos sobre a análise complexa e series de funcións. Continuou o traballo de Joseph Liouville, un teorema de descomposición de funcións meromorfas que leva o nome deste. Despois chegou estableceu o seu propio teorema sobre a representación de funcións uniformes mediante series polinómicas.

Posteriormente, conseguiu a cátedra de matemáticas na universidade Alexandre de Helsingfors, hoxe universidade de Helsinqui, que desempeñou entre 1877 e 1881. Marchou á universidade de Estocolmo, onde creou a cátedra de matemáticas en 1878 e conde foi reitor en dúas ocasións.

Imaxe dun exemplar de 1886 da revista Acta Mathematica.

En 1882, creou a revista Acta Mathematica da que sería redactor xefe durante preto de 45 anos. Nela, contou co patrocinio do rei Óscar II de Suecia e tamén empregou parte da fortuna da súa esposa Signe Linfords, filla dunha rica familia finlandesa. Será a fonte de publicación de moitos dos grandes matemáticos da época, como o Cantor ou Sofía Kowalewska. Foi grazas a Mittag-Leffler e Weierstrass que Kowalewska puido ser coñecida e, en particular, obter unha cátedra de matemáticas -en 1883- na universidade de Estocolmo. En xaneiro de 1889, participou como xurado no concurso de matemáticas internacional, organizado polo rei Óscar II.

Foi membro da Real Academia das Ciencias de Suecia dende 1883, da Sociedade Finlandesa das Ciencias e as Letras dende 1878, da Real Sociedade Sueca das Ciencias en Uppsala, da Real Sociedade Xeográfica Sueca en Lund dende 1906 e de aproximadamente 30 sociedades estranxeiras entre as que destacan a Royal Society de Londres (1896) e a Academia Francesa das Ciencias de París. Recibiu doutoramento honoris causa de varias universidades como a Universidade de Oxford, Boloña ou Cambridge entre outras.

Reuniu unha importante biblioteca de textos matemáticas na súa casa en Djursholm, nas aforas Estocolmo. Tanto a casa como a biblioteca foron doadas, en 1916, por Mittag-Leffler e a súa muller á Academia Sueca de Ciencias para crear unha fundación para promover as matemáticas nos países escandinavos. Posteriormente, renomeouse como Instituto Matemático Mittag-Leffler.

Durante moito tempo especulouse que Mittag-Leffler foi o causante da inexistencia do premio Nobel de matemáticas ao ter unha aventura amorosa coa muller de Alfred Nobel ou cunha italiana pola que competían os dous. Hoxe en día, rexéitase esa a idea entre outras cousas polo feito de que Nobel non casou nunca e atribúese quizais ao feito de que Nobel non consideraba que a ciencia teórica puidese mellorar o mundo como era a súa intención.

Véxase tamén

Outros artigos

• Teorema de Mittag-Leffler
• Función de Mittag-Leffler
• Instituto Mittag-Leffler

Ligazóns externas

• Sitio oficial do Instituto Mittag-Leffler (en inglés)
• Gösta Mittag-Leffler. Matemáticas en Escandinavia (Conferencia en Radio UNED)