Gaio Xulio Fedro

Gaio Xulio Fedro
	;
Biografía
Nacemento	década de 20 a. C. ; Macedonia Central, Grecia
Morte	década de 50 (59/78 anos)
Actividade
Ocupación	escritor, poeta
Período de tempo	Imperio Romano
Xénero artístico	Fábula
Descrito pola fonte	Nordisk familjebok; Pequeno Dicionario Enciclopédico de Brockhaus e Efron; Dicionario Enciclopédico Brockhaus e Efron

Caio ou Gaio Xulio Fedro ^[a], nado ca. -15 e finado ca. 50, foi un fabulista romano. Seguidor de Esopo, introduciu mordaces alusións contemporáneas.

Traxectoria

Fedro foi un escravo orixinario de Macedonia. Recibiu a liberdade de mans de Augusto e desenvolveu a súa actividade literaria durante os reinados de Tiberio, Calígula e Claudio.

Publicacións

Publicou en cinco libros a súa colección de fábulas latinas en verso. Moitos dos temas destas composicións están tomados de Esopo; outros, con todo, proceden da súa experiencia persoal ou inspíranse na sociedade da súa época.

Características

Como el mesmo declara no prólogo da súa obra, a fábula foi inventada porque os escravos, medorentos do castigo se ousaban dicir o que sentían, enmascararon as súas ideas expresándoas en forma de fábulas para evitar con bromas finxidas as reaccións violentas dos seus señores.

Sexa ou non real esta afirmación, o certo é que no cento unha fábulas de Fedro que se conservaron apréciase con claridade a intención didáctica e moralizante que introduce o breve relato, protagonizado preferentemente por animais. Nelas desenvólvese o concepto de protesta social, adaptándoo ao contido e aos costumes da súa época. Altivo e ambicioso, quixo conferir ao apólogo moralista popular a elegancia e o garbo da poesía.

Con todo, aínda que Fedro confesa que só se limita a representar de forma xenérica a vida e os costumes dos homes do seu tempo (ipsam vitam et mores hominum ostendere), o certo é que as veladas alusións críticas a personaxes contemporáneos valéronlle un proceso por parte de Sexano, o poderoso prefecto do pretorio e favorito do emperador Tiberio.

Notas

↑ En latín, C. Iulius Phaedrus.

Véxase tamén

Bibliografía

"Fedro". Diciopedia do século 21 2. Do Cumio, Galaxia e do Castro. 2006. p. 886. ISBN 978-84-8288-942-9.
Fedro (1988). Fábulas. Clásicos en Galego 2. Editorial Galaxia e Xunta de Galicia. ISBN 84-505-7274-6.
Fedro/Aviano. Fábulas/Fábulas. Fábulas de Rómulo. Editorial Gredos. ISBN 9788424927905. (en castelán)
VV. AA. Enciclopedia Monitor. Editorial Salvat. ISBN 8471372134. (en castelán)

Outros artigos

[1] En latín, C. Iulius Phaedrus.

[a]