Aguasantas, Cerdedo-Cotobade

Aguasantas
Igrexa de Santa María de Aguasantas.
Concello	Cotobade
Coordenadas	42°25′17″N 8°27′21″O
Área	18,7 km²
Poboación	(Ano 2007) 352 hab.
Densidade	hab./km²
Entidades de poboación	28
[ editar datos en Wikidata ]

[[Categoría:Cotobade poboación {{{ano}}}]]

Santa María de Aguasantas é unha parroquia que se localiza no sur do concello de Cotobade. Segundo o IGE no 2007 tiña 352 habitantes (140 homes e 212 mulleres), 6 menos que no ano 2006. Dos 28 lugares da parroquia, están habitados 17.

Como parroquia católica, pertence á diocese de Tui e ó arciprestado de Cotobade. A igrexa parroquial é punto de romaría, con culto á Nosa Señora. Conta a tradición, recollida polo padre Solla, que na idade media a única igrexa da zona era a da parroquia de Caroi. Un domingo unha cega do lugar das Boliñas ía a misa acompañada dun familiar, e ó pasar a carón dunha fonte, ó pé da casa, lavouse. Ó pasar a auga polos ollos recuperou a vista, e tralo milagre, impulsada por un presentimento, atopou unha imaxe da Virxe entre a maleza. Logo de correrse a voz, os frades do mosteiro de Tenorio promoveron a construción dun novo templo, comprometéndose a ir dar a misa.

Posiblemente o primeiro templo fose románico. No século XVI comezouse un novo edificio, rematado no XVII.

Galería de imaxes

Artigo principal: Galería de imaxes de Aguasantas, Cotobade.

• 
  Adro da Igrexa parroquial de Santa María.
• 
  Peto de ánimas.
• Ermida de San Xosé.
  Ermida de San Xosé.

Véxase tamén

Bibliografía

• Fraguas, Antón: Romarías e santuarios, 1988.

Outros artigos

• Lugares de Cotobade