Escola Técnica Superior de Enxeñaría de Minas de Vigo

Na Galipedia, a Wikipedia en galego.

Coordenadas: 42°10′6.12″N 08°41′18.44″O / 42.1683667, -8.6884556

Escola Técnica Superior de Enxeñaría de Minas

Universidade: Universidade de Vigo
Localización: Zamáns, Vigo
Campus: Vigo
Enderezo: Rúa Maxwell, Campus Universitario das Lagoas-Marcosende 36310[1], Vigo, Galicia Galicia
Ano de fundación: 1992
Decano: Benito Vázquez Dorrío
Docentes: 55
Estudantes: 517
Teléfono: 986812205
Correo electrónico: xnaxm@uvigo.es
Páxina web: http://webs.uvigo.es/etseminas

A Escola Técnica Superior de Enxeñaría de Minas é o centro da Universidade de Vigo que imparte estudos, tanto de títulos de grao como de posgrao, en Enxeñaría de minas. Atópase no Campus das Lagoas-Marcosende.

Historia[editar | editar a fonte]

Os estudos de enxeñaría de minas teñen unha longa tradición. Datan do ano 1777 e foi a primeira titulación de Enxeñaría civil creada en España. A súa denominación ten precisamente a orixe na localización tradicional das fontes de recursos minerais e enerxéticos. Os elementos característicos desta enxeñaría son o martelo, o mazo, a palma e as follas de loureiro, como queda reflectido no escudo da escola. Os devanditos elementos representan a presenza actual dos enxeñeiros de minas nos sectores estratéxicos relacionados coa explotación e xestión de recursos naturais, o medio ambiente, os novos materiais, as obras públicas e na enerxía. O inicio destes estudos na Universidade de Vigo remóntase ao curso 1992-1993[2]. É unha das únicas catro universidades en España nese momento, e a única en Galicia ata hoxe. Dende a súa fundación ata o curso 2010-2011 a escola impartiu o título de enxeñeiro de minas con tres intensificacións:

  • Enerxía.
  • Ambiental e mineira.
  • Materiais.

A partir deste ano, o devandito plan de estudos comezou a súa extinción en prol dos novos títulos de grao adaptados ao plan de estudos RD 1393/2007 [3] (modificado polo RD 961/2010[4]) comunmente coñecido como Plan Boloña.

Formación[editar | editar a fonte]

Titulacións LRU
  • Enxeñeiro de minas (título en extinción).[5]
Titulacións de grao
Titulacións de mestrado
  • Mestrado en Enxeñaría de minas (a partir do curso 2014-2015).[8]

Instalacións[editar | editar a fonte]

O actual edificio da ETSE de Minas, así como as súas instalacións, son de construción recente (finalizado e inaugurado en 2005). O proxecto arquitectónico foi pensado para centralizar diversos servizos compartidos con outras escolas, como a biblioteca, reprografía, comedor e unidades administrativas. O estilo da edificación é de claro carácter industrial e abrangue preto de 9.000 metros cadrados de superficie, distribuídos en módulos para adaptarse á complicada orografía.

  • Entrada da escola.
    Entrada da escola.
  • Aula.
    Aula.
  • Biblioteca.
    Biblioteca.

Internacional[editar | editar a fonte]

Actualmente a ESTE de Minas mantén intercambios dentro do programa Erasmus ou de intercambio bilateral con máis de 20 universidades de toda Europa e Suramérica,[9][10] entre as que destacan:

Semana da Ciencia[editar | editar a fonte]

Termografía SC 2013.

A Secretaria de Estado de I+D+i do Ministerio de Economía e Competitividade, financia a través da FECYT unha serie de actividades para promover un contorno social máis propenso á ciencia e á innovación. Dentro deste programa, a Escola de Minas de Vigo organiza anualmente dende 2007 unha Semana da Ciencia.[11]

As experiencias organizadas están dirixidas principalmente a estudantes de ensinanza media e bacharelato.[12][13] Os contidos teñen relación directa cos laboratorios de investigación da escola, que en gran medida tratan temas sobre enerxía, os novos materiais e o medio ambiente. As accións divídense en diversos módulos de aprendizaxe, nos cales a través das actividades manipulativas se fomenta o interese pola ciencia e a tecnoloxía. Dende este punto de vista, o evento toma como modelo os museos interactivos, aproveitando a dispoñibilidade de persoal cualificado para as explicacións, o que favorece a aprendizaxe formal. Todo isto, acompañado de medios audiovisuais adecuados e textos de lectura sinxela e breve fai que, ao finalizar, o estudante adquira unha visión máis real das investigacións levadas a cabo na universidade, así como unha mellor información dos procesos científico-tecnolóxicos.

Notas[editar | editar a fonte]

  1. ↑ "Como chegar". Arquivado dende o orixinal o 06 de xuño de 2014. Consultado o 04 de xuño de 2014. 
  2. ↑ "20 Aniversario de la ETSE de Minas". Atlántico Diario. 23 de xuño de 2012. Arquivado dende o orixinal o 06 de xuño de 2014. Consultado o 04 de xuño de 2014. 
  3. ↑ "BOE 1393/2007" (PDF). Boletín Oficial del Estado. 
  4. ↑ "RD 861/2010" (PDF). Boletín Oficial del Estado. 
  5. ↑ "BOE Ingeniero de Minas LRU" (PDF). Boletín Oficial del Estado. 
  6. ↑ "BOE Grado en Ingeniería de los Recursos Mineros y Energéticos de Vigo" (PDF). Boletín Oficial del Estado. 
  7. ↑ "BOE Grado en Ingeniería de la Energía de Vigo" (PDF). Boletín Oficial del Estado. 
  8. ↑ "BOE Ingeniero de Minas" (PDF). Boletín Oficial del Estado. 
  9. ↑ "Acordos internacionais ETSE de Minas". Arquivado dende o orixinal o 06 de xuño de 2014. Consultado o 04 de xuño de 2014. 
  10. ↑ "Importancia movilidad América Latina". Faro de Vigo, 23 de marzo de 2013. Arquivado dende o orixinal o 06 de xuño de 2014. Consultado o 04 de xuño de 2014. 
  11. ↑ "Semana de la Ciencia web FECYT". Arquivado dende o orixinal o 06 de xuño de 2014. Consultado o 04 de xuño de 2014. 
  12. ↑ "Semana de la Ciencia ETSE de Minas 2008". La Voz de Galicia, 2008. Arquivado dende o orixinal o 06 de xuño de 2014. Consultado o 04 de xuño de 2014. 
  13. ↑ "Semana de la Ciencia ETSE de Minas 2012". Faro de Vigo, 9 de novembro de 2012. 

Véxase tamén[editar | editar a fonte]

Ligazóns externas[editar | editar a fonte]

Traído desde «https://gl.wikipedia.org/w/index.php?title=Escola_Técnica_Superior_de_Enxeñaría_de_Minas_de_Vigo&oldid=6657534»