Endrit Krasniqi

Na Galipedia, a Wikipedia en galego.
Saltar ata a navegación Saltar á procura
Endrit Niqi
Información persoal
Nome completo Endrit Krasniqi
Nacemento 26 de outubro de 1994 (24 anos)
Lugar Suva Reka, Kosovo
Altura 1,74 m
Posición Dianteiro
Carreira sénior
Anos Equipos Aprs (Gls)
KF Malisheva
KF 2 Korriku
2013-2015 Lugo 0 (0)
Selección nacional
Kosovo sub-21
* Partidos e goles só en liga doméstica. Actualizados a 28 de maio de 2016† Aparicións (Goles)

Endrit Reshit Krasniqi, nado o 26 de outubro de 1994 en Suva Reka, é un futbolista profesional de Kosovo, con nacionalidade tamén albanesa.[1]

Traxectoria[editar | editar a fonte]

Nacido en Suva Reka, Kosovo, é un dianteiro centro, aínda que tamén pode xogar polas bandas,[2] criado no KF Malisheva e posteriormente no KF 2 Korriku de Pristina. Durante a celebración dun torneo internacional en Albania foi descuberto por José Carlos García Durán quen avisou a Josep Maria Fusté, un dos "culpables" da chegada de Lionel Messi ao FC Barcelona, que deu a conformidade para que pasase a formar parte do FC Barcelona. Por iso o xogador é chamado ás veces pola prensa como "o novo Messi dos Balcáns".[3]

Internacional coas categorías inferiores da selección de Kosovo, Fusté púxose en contacto co representante de xogadores José María Minguella, coñecido ex-representante de xogadores e ex-directivo do FC Barcelona, quen o recomendou ao adestrador do Club Deportivo Lugo Quique Setién. Tralo visto e prace do director deportivo dos albivermellos, Carlos Mouriz, pasou a formar parte dos adestramentos do Lugo para posteriormente asinar un contrato de longa duración que o une ao club galego durante dúas tempadas e media até 2015. Fala inglés, alemán e albanés. As veces figura erroneamente o seu nome nos medios como Krasniqi Endurit.Tras un tempo no club non consegue xogar ningún partido oficial, xogando tan só algún amigábel, saíndo finalmente do club.

Notas[editar | editar a fonte]

  1. Recomendóuselle adquirir outra nacionalidade máis para xogar en España, xa que este país non recoñece a independencia de Kosovo de Serbia. "Endrit Krasniqi merr shtetësi shqiptare" (en albanés). Arquivado dende o orixinal o 05/02/2013. Consultado o 14/05/2014. Pas marrëveshjes me drejtuesit e klubit, Krasniqit i është rekomanduar që të aplikoj për shtetësi të një vendi tjetër, meqë Spanja nuk e njeh shtetin e Kosovës, e as dokumentet që ai lëshon. 
  2. O Lugo proba ao dianteiro kosovar Krasniqi Endurit, 'Niqi'[Ligazón morta]
  3. O novo Messi dos Balcáns?[Ligazón morta]

Véxase tamén[editar | editar a fonte]

Ligazóns externas[editar | editar a fonte]