Encarna Otero Cepeda

Na Galipedia, a Wikipedia en galego.
(Redirixido desde "Encarna Otero")
Saltar ata a navegación Saltar á procura
Encarna Otero Cepeda
Encarna Otero nunha entrevista en 2017.
Nome completoEncarna Otero Cepeda
Nacemento29 de xullo de 1950
 Santiago de Compostela
NacionalidadeEspaña
Alma máterUniversidade de Tolosa-Jean Jaurès
Ocupaciónescritora, mestra e política
editar datos en Wikidata ]

Encarna Otero Cepeda, nada en Santiago de Compostela o 29 de xullo de 1950, é unha historiadora, mestra e política nacionalista galega.

Traxectoria[editar | editar a fonte]

Entre 1971 e 1976 residiu na cidade francesa de Tolosa, licenciándose en 1975 en Historia na Universidade de Tolosa-Le Mirail.

Desde o ano 1970 milita activamente no nacionalismo. Durante a súa etapa en Francia participou no movemento antifranquista e coñeceu directamente a realidade do exilio. Desde 1982 formou parte do Consello Nacional do BNG. Desde o ano 1999 até o 2003 foi Primeira Tenente de Alcalde e Concelleira-Delegada de Rehabilitación do Casco Histórico, de relacións co Consorcio e de Muller en Santiago. Foi directora xeral de Fomento e Calidade da Vivenda no goberno galego.

Ten colaborado e colabora en diferentes publicacións galegas como A Nosa Terra, O Ensino, Andaina, ou Festa da Palabra Silenciada, con diversos artigos sobre a muller na historia. É asemade autora de varios estudos académicos.

No ano 2010 volveu as aulas do IES Eduardo Pondal de Santiago a impartir clases.

Obras[editar | editar a fonte]

Ensaio[editar | editar a fonte]

Literatura infanto-xuvenil[editar | editar a fonte]

  • O branco país sen neve, 2008, Galaxia.
  • A serea do mundo, 2008, Galaxia.

Obras colectivas[editar | editar a fonte]

  • A ollada exterior do nacionalismo galego, 2011, Fundación Galiza Sempre.