O Ensino
| O Ensino | |
|---|---|
| País | España |
| Lingua | lingua portuguesa |
| [ editar datos en Wikidata ] | |
O Ensino foi unha revista de pedagoxía e lingüística editada en Ourense entre 1980 e 1986. Tivo un ámbito galego, unha periodicidade irregular e publicáronse en total 29 números.
Estaba editada por Promocións Culturais Galegas e promovida pola Asociación Socio-Pedagóxica Galega. Estaba escrita integramente en galego e contou con bloques temáticos dedicados á lingua, pedagoxía, didáctica, sociolingüística, literatura e historia, que respondían ás posicións do profesorado de esquerdas, próximo ó nacionalismo.
Entre os colaboradores habituais cómpre destacar a Valentín Paz Andrade, Francisco Rodríguez, Manuel María, Pepe Barro ou Xaquín Marín.
A partir de 1984 continuou publicándose baixo a dirección da Associaçom Sócio-Pedagógica Galaico-Portuguesa, fracción escindida da AS-PG, e ampliou a difusión a Portugal e o Brasil.
Véxase tamén
[editar | editar a fonte]Bibliografía
[editar | editar a fonte]- Gran Enciclopedia Galega, Silverio Cañada, Lugo 2003.