Elena Salgado

Elena Salgado
Elena Salgado Méndez
Datos persoais
Nacemento	12 de maio de 1949
	Ourense
Organización	Partido Socialista Obrero Español
Alma máter	Universidade Politécnica de Madrid e Universidade Complutense de Madrid
Profesión	Enxeñeira Industrial
[ editar datos en Wikidata ]

Elena Salgado Méndez, nada en Ourense o 12 de maio de 1949, é unha política galega. Foi Ministra de Economía e Facenda e Vicepresidenta Segunda do Goberno de España.

Biografía

É enxeñeira Industrial nas especialidades de Técnicas Enerxéticas e Organización Industrial pola Universidade Politécnica de Madrid, licenciada en Ciencias Económicas na especialidade de Estrutura Económica pola Universidade Complutense de Madrid e máster en Métodos Cuantitativos de Xestión pola Escola de Organización Industrial.

Formou parte dos gobernos de Felipe González entre 1982 e 1996, como Directora do Departamento de Estudos no Instituto da Pequena e Mediana Empresa do Ministerio de Industria (1982-1984), Directora Xeral de Custos de Persoal e Pensións Públicas do Ministerio de Economía e Facenda (1985-1991) e Secretaria Xeral de Comunicacións do Ministerio de Obras Públicas, Transportes e Medio Ambiente (1991-1996). Trala derrota socialista en 1996, pasou á empresa privada, traballando en varias empresas do sector das telecomunicacións.

Foi nomeada Ministra de Sanidade e Consumo por José Luis Rodríguez Zapatero. A súa medida máis significativa foi a lei antitabaco que entrou en vigor en España o 1 de xaneiro de 2006. Ese ano aspirou, sen éxito, a presidir a Organización Mundial da Saúde, chegando á última fase, con outros catro candidatos, na que se elixiu finalmente a Margaret Chan (8 de novembro de 2006).

O 6 de xullo de 2007 Elena Salgado, foi relevada no Ministerio de Sanidade e Consumo por Bernat Soria, pasando a ocupar o cargo de Ministra de Administracións Públicas.

Nas eleccións lexislativas de 2008 encabezou a lista do PSOE por Cantabria. O 12 de abril de 2008 foi confirmada de novo como ministra de Administracións Públicas para a IX Lexislatura. Porén, o 7 de abril de 2009, dentro dunha profunda remodelación do Goberno, abandonou o devandito ministerio para substituír a Pedro Solbes á fronte do Ministerio de Economía e Facenda e como Vicepresidenta Segunda do Goberno.

Véxase tamén

Ligazóns externas

• Breve biografía de Elena Salgado no diario ABC (en castelán)
• Curriculum Vitae de Elena Salgado na web da Candidatura de Elena Salgado á Dirección da Organización Mundial da Saúde (en castelán).

Predecesor: Ana María Pastor Julián	Ministra de Sanidade e Consumo de España  2004 - 2007	Sucesor: Bernat Soria
Predecesor: Jordi Sevilla	Ministra de Administracións Públicas de España  2007 - 2009	Sucesor: Manuel Chaves
Predecesor: Pedro Solbes	Vicepresidenta Segunda do Goberno de España  2009 - 2011	Sucesor: Manuel Chaves
Predecesor: Alfredo Pérez Rubalcaba	Vicepresidenta Primeira do Goberno de España  2009 - 2011	Sucesor: Soraya Sáenz de Santamaría
Predecesor: Pedro Solbes	Ministra de Economía e Facenda de España  2009 - 2011	Sucesor: Luis de Guindos