Elena Fatalibekova
  | |
| Biografía | |
|---|---|
| Nacemento | 4 de outubro de 1947 (77 anos) Moscova, Rusia |
| Actividade | |
| Ocupación | xadrecista |
| Nacionalidade deportiva | Rusia Unión Soviética |
| Deporte | xadrez |
| Título de xadrecista | Woman Master of Sport of USSR in Chess (en)  (1965)Mestra Internacional Femenina (1970) Gran Mestra Feminina (1977) |
| Puntos ELO (màx.) | 2.317 (2003)< |
| Identificador FIDE | 4106792 |
| Participou en | |
| 1994 | Women's Chess Olympiad 1994 (en) |
Elena Abramovna Fatalibekova (ruso: Елена Абрамовна Фаталибекова, de nacemento Rubtsova) nada en Moscova o 4 de outubro de 1947, é unha xadrecista rusa, Gran Mestra Feminina (WGM) dende 1977.
Traxectoria
[editar | editar a fonte]É filla da catro veces campioa mundial feminina Olga Rubtsova. O seu primeiro grande éxito foi a vitoria compartida do Campionato Feminino Junior da URSS en 1963.[1]
En 1970 Fatalibekova quedou segunda nun torneo internacional feminino en Tbilisi e o ano seguinte gañou un torneo internacional en Cheliabinsk. Recibiu o título de Mestra Internacional Feminina en 1970. En 1974 Fatalibekova gañou o Campionato Feminino da URSS.
En 1976 gañou o Interzonal Feminino de Tbilisi (por diante de Maia Chiburdanidze).[2] En Sochi 1977 Fatalibekova venceu na primeira rolda a Valentina Kozlovskaia por 6-2 (+4 −0 =4), mais perdeu na semifinal ante Alla Kushnir en Berlín Occidental por 3½-6½ (+2 −5 =3).[3] Recibiu o título de Gran Mestra Feminina en 1977.
Fatalibekova non puido repetir ese éxito en posteriores edicións. En 1979 ficou 6ª no Interzonal Feminino en Alacant.[4] En 1982 obtivo o 8º posto no Interzonal Feminino en Bad Kissingen.[5]
En 1994 Fatalibekova competiu na 31ª Olimpíada de Xadrez co equipo feminino ruso, con xogadoras como Irina Kriukova, Galina Strutinskaia e Tatiana Roschina.[6] Gañou en tres ocasións o Mundial Sénior de Xadrez Feminino (2000, 2001 e 2004) e en dúas ocasións o Campionato Europeo Sénior de Xadrez Feminino (2007 e 2008).[7]
Notas
[editar | editar a fonte]- ↑ "12 Championship of USSR juniors- Moscow January 1963" (en inglés).
- ↑ "1976 Tbilisi Interzonal Tournament - World Chess Championship (Women)" (en inglés).
- ↑ "1977-78 Candidates Matches - World Chess Championship (Women)" (en inglés).
- ↑ "1979 Alicante Interzonal Tournament - World Chess Championship (Women)" (en inglés).
- ↑ "1982 Bad Kissingen Interzonal Tournament - World Chess Championship (Women)" (en inglés).
- ↑ "31st Chess Olympiad (women): Moscow 1994 - Russia "B"". OlimpBase (en inglés).
- ↑ "Restricted events - World Chess Championship" (en inglés).
| Control de autoridades |
|
|---|
