Olga Rubtsova
  | |
| Nome orixinal | (ru) О́льга Никола́евна Рубцо́ва |
|---|---|
| Biografía | |
| Nacemento | 20 de agosto de 1909 Moscova, Rusia |
| Morte | 13 de decembro de 1994 (85 anos) Moscova, Rusia |
| Lugar de sepultura | Cemitério Vvedenskoye (pt)  |
| Educación | Universidade Técnica Estatal Bauman de Moscova |
| Actividade | |
| Ocupación | xadrecista |
| Nacionalidade deportiva | Rusia (1991–) Unión Soviética (–1991) |
| Deporte | xadrez |
| Título de xadrecista | Mestra Internacional Femenina (1950) Woman Master of Sport of USSR in Chess (en) (1950)Mestre Internacional (1956) Lady International Correspondence Chess Master (en) (1972)International Correspondence Chess Master (en) (1972)Gran Mestra Feminina (1976) |
| Participou en | |
| 1957 | Olimpíada de xadrez para mulheres de 1957 (pt) |
| Premios | |
| Descrito pola fonte | Moskovskaia entsiklopedia: Litsa Moskvi |
Olga Nikolaevna Rubtsova (ruso: О́льга Никола́евна Рубцо́ва), nada en Moscova o 20 de agosto de 1909 e finada na mesma cidade o 13 de decembro de 1994, foi unha xadrecista soviética e a cuarta Campioa Mundial de xadrez. En 2015 foi incluída no Salón Mundial da Fama do Xadrez.[1]
Traxectoria
[editar | editar a fonte]Rubtsova gañou o Campionato Feminino de Xadrez da URSS en catro ocasións (1927, 1931, 1937 e 1948). Foi subcampioa do Mundial Feminino de Xadrez de 1949–50, só un punto por detrás de Liudmila Rudenko. Logrou o título en 1956, mais perdeuno ante Bikova en 1958.
En 1957 Rubtsova participou na 1ª Olimpíada Feminina de Xadrez en Emmen (Países Baixos) como membro do equipo da URSS, xunto con Kira Zvorikina. A URSS gañou a medalla de ouro.
A FIDE outorgoulle os títulos de Mestra Internacional Feminina (1950), Mestre Internacional (1956) e Gran Mestra Feminina (1976).[2] En 1952 foi nomeada Mestra Honoraria de Deportes da URSS.[3]
Rubtsova tamén foi xadrecista por correspondencia. En 1972 converteuse na primeira campioa mundial nesta modalidade. Acabou en segundo lugar o ano seguinte, perdendo o título no desempate ante Lora Iakovleva, e quinta un ano despois. É a única xadrecista que logrou tanto o título mundial de xadrez sobre o taboleiro como por correspondencia.
Vida persoal
[editar | editar a fonte]Rubtsova graduouse na Universidade Técnica Estatal Bauman de Moscova. Recibiu a Bandeira Vermella do Traballo.[4] O seu primeiro marido, o mestre xadrecista Isaak Mazel, finou de tifo en 1945. Posteriormente casou con Abram Poliak, tamén mestre de xadrez e o seu adestrador. Rubtova tivo cinco fillos: Igor (1931), Galia (1936), Iasha (1938), Misha (1945) e Lena (1947), tamén xadrecista.
Notas
[editar | editar a fonte]- ↑ "Olga Rubtsova". World Chess Hall of Fame (en inglés).
- ↑ Di Felice, Gino (2017). Chess International Titleholders, 1950-2016 (en inglés). McFarland. p. 279. ISBN 9781476671321.
- ↑ "Рабинович" (en ruso).
- ↑ "Статьи по разделам". e3e5 (en ruso).
