Sochi

Na Galipedia, a Wikipedia en galego.
Sochi dende o mar Negro.

Sochi (en ruso Со́чи) é unha cidade rusa situada no krai de Krasnodar, preto da fronteira rusa con Abkhazia, Xeorxia, próxima á cordilleira do Cáucaso, na costa do mar Negro. A súa superficie é de 176'77 km 2 e segundo o censo de 2010 tiña 343.334 [1]. É a capital da municipalidade de Sochi que se estende por 3502 km2 e conta cunha poboación de 445.209 habitantes.[2], coñecida informalmente como Gran Sochi e que conta cunha liña de costa de 105 km.

Plano do Forte Alexandría na foz do río Sochi, construído en 1838 e que marca o inicio da cidade de Sochi

Foi fundada en 1838, e actualmente é un dos lugares de vacacións máis populares de Rusia. Á parte da maxestuosidade das montañas do Cáucaso e praias, Sochi atrae o turismo pola súa vexetacion subtropical, parques, monumentos e arquitectura extravagante estalinista.

É a sede dos Xogos Olímpicos de inverno de 2014.

Notas[editar | editar a fonte]