Dunkerque (filme de 2017)
| Dunkerque | |||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| |||||||||||||||||||||||||||
| |||||||||||||||||||||||||||
| |||||||||||||||||||||||||||
| |||||||||||||||||||||||||||
| |||||||||||||||||||||||||||
| |||||||||||||||||||||||||||
| |||||||||||||||||||||||||||
| |||||||||||||||||||||||||||
| |||||||||||||||||||||||||||
| |||||||||||||||||||||||||||
| |||||||||||||||||||||||||||
| Wikidata C:Commons | |||||||||||||||||||||||||||
Dunkerque (en inglés: Dunkirk) é un filme bélico de 2017 escrito, producido e dirixido por Christopher Nolan. Conta a historia da evacuación de Dunkerque durante a segunda guerra mundial. Está protagonizado por Fionn Whitehead, Tom Glynn-Carney, Jack Lowden, Harry Styles, Aneurin Barnard, James D'Arcy, Barry Keoghan, Kenneth Branagh, Cillian Murphy, Mark Rylance e Tom Hardy. É unha coprodución entre o Reino Unido, os Estados Unidos, Francia e os Países Baixos, e foi distribuído por Warner Bros.
Dunkerque representa a evacuación dende tres perspectivas: terra, mar e ar. Ten pouco diálogo, xa que Nolan buscaba xerar suspense a través da fotografía e da música. A rodaxe comezou en maio de 2016 en Dunkerque e rematou en setembro dese ano nos Ánxeles, cando comezou a posprodución. O fotógrafo Hoyte van Hoytema rodou o filme en IMAX 65 mm e 65 mm de gran formato. Dunkerque ten moitos efectos especiais manuais, e empregou centos de extras así como barcos históricos da evacuación e avións da época.
Estreouse o 13 de xullo de 2017 en Odeon Leicester Square de Londres, e foi estreado no Reino Unido e nos Estados Unidos o 21 de xullo en formatos IMAX, 70 mm, e 35 mm. É o filme sobre a segunda guerra mundial con maior recadación da historia, conseguindo $525 millóns en todo o mundo. Dunkerque recibiu aclamacións polo seu guión, dirección, banda sonora e fotografía, e algúns críticos considérano o mellor traballo de Nolan. Recibiu oito nomeamentos ós Premios da Crítica Cinematográfica, gañando o de mellor montaxe, oito ós BAFTA, gañando o de mellor son, e tres ós Globos de Ouro. Na 90ª edición dos Óscar, recibiu oito nomeamentos, incluíndo mellor filme e mellor director (sendo o primeiro nomeamento de Nolan nesta categoría). Finalmente gañou os premios de mellor edición de son, mellor son e mellor montaxe.
Estreouse en galego o 25 de maio de 2020 na TVG.[1][2] Foi traducido por Manuel Arca Castro.
Personaxes
[editar | editar a fonte]- Fionn Whitehead como Tommy
- Tom Glynn-Carney como Peter Dawson
- Jack Lowden como Collins
- Harry Styles como Alex
- Aneurin Barnard como Gibson
- James D'Arcy como Coronel Winnant
- Barry Keoghan como George Mills
- Kenneth Branagh como Comandante Bolton
- Cillian Murphy como soldado perdido no mar
- Mark Rylance como Mr Dawson
- Tom Hardy como Farrier
Notas
[editar | editar a fonte]- ↑ CRTVG (ed.). "Dunkerque, está noite na TVG". Consultado o 10 de xullo de 2021.
- ↑ Versión en galego (ed.). "Dunkerque na TVG". Consultado o 10 de xullo de 2021.
Véxase tamén
[editar | editar a fonte]Bibliografía
[editar | editar a fonte]- Levine, Joshua (27 de xuño de 2017). HarperCollins, ed. Dunkirk: The History Behind the Major Motion Picture. ISBN 978-0062740304.
- Mottram, James (18 de xullo de 2017). Insight Editions, ed. The Making of Dunkirk. ISBN 978-1683831075.
- Nolan, Christopher (8 de agosto de 2017). Faber & Faber, ed. Dunkirk. ISBN 978-0571336258.
| Control de autoridades |
|
|---|
- Filmes de 2017
- Filmes en lingua inglesa
- Filmes dos Estados Unidos de América
- Filmes do Reino Unido
- Filmes dos Países Baixos
- Filmes de Francia
- Filmes dirixidos por Christopher Nolan
- Filmes con banda sonora de Hans Zimmer
- Filmes rodados en Francia
- Filmes rodados nos Países Baixos
- Filmes rodados no Reino Unido
- Filmes rodados nos Estados Unidos de América
- Filmes de Syncopy Inc.
- Filmes de Warner Bros.
- Filmes distribuídos en sistemas IMAX
- Filmes de 2017 con versión en galego