Descendemento de Xesús

Descendemento de Xesús
Instancia de narración bíblica tema artístico  Parte de Paixón de Cristo
Características  Representa a Xesús de Nazaret  Representado por Deposition group (en) Descent from the Cross (en) Descent from the Cross (en) Descent from the Cross (en) Fresco of the Descent from the Cross (en) Stealing of the body of Christ (en) Descent from the Cross (en) Lament over the Dead Christ (en) Deposition (en) Descent from the Cross (en) Deposition (en) Deposition of Christ (en) Descent from the Cross (en)  Relixión cristianismo
Historia  Precedido por Crucifixión de Xesús  Sucedido por Sepultamento de Jesus (pt)
Códigos e identificadores Freebase /m/0778rz
Fontes e ligazóns  Descrito pola fonte Metropolitan Museum of Art Tagging Vocabulary
Wikidata C:Commons

O Descendemento da Cruz ou Descendemento de Xesús é a escena, representada na arte, da retirada do corpo xa morto de Xesús da Cruz por Xosé de Arimatea e Nicodemo, relatado en Xoán 19,38-42. Na arte bizantina, o tema tornouse moi popular no século IX e, no occidente, a partir do século X. O descendemento é a décimo terceira das estacións da Cruz.

Outras figuras, non mencionadas nos evanxeos canónicos e que son xeralmente incluídas nas representacións, son Xoán o Evanxelista, que aparece ás veces axudando a Virxe María (no tema coñecido como Desmaio da Virxe), como é o caso na obra de Rogier van der Weyden, e María Madalena. O Evanxeo de Xoán menciona un número indefinido de mulleres que asistirían á crucifixión de Xesús, incluíndo as chamadas "Tres Marías". Elas e outras, ademais doutros homes tampouco nomeados, xeralmente aparecen nas representacións.

Relato evanxélico

Logo da morte na cruz de Xesús de Nazaret, Xosé de Arimatea pediu a Pilato o corpo de Xesús; este preparou o descendemento e posterior sepelio de Xesús.

Durante o descendemento, estaban presentes, entre outros, María e María Madalena, ademais de Nicodemo e Xosé de Arimatea, que descenderon a Xesús da cruz, puxeron a escaleira primeiro detrás e logo diante da Cruz, subindo uns lenzos para axudarse para baixar o corpo.

Logo de descender totalmente o corpo, envolvérono desde os xeonllos ata a cintura e entregárono á súa nai (escena da "Piedade").

Descendemento da Cruz.
1521. Por Rosso Fiorentino, no Museo de Volterra, Italia.

Na arte

A súa iconografía inclúe o corpo morto de Cristo xunto con certos panos característicos (a sindone e o perizonium), o que dá oportunidade aos artistas de demostraren a súa habilidade no espido parcial masculino (en posturas especialmente forzadas) e nas roupaxes, así como na utilización da cor branca. Os rostros e ademáns do grupo que asistes á escena permiten o lucimento na captación de expresións. Adoita tamén darse importancia á propia cruz de Cristo e a certos símbolos da Paixón denominados arma Christi. A contorna paisaxística pode incluír a vista de Xerusalén desde o Gólgota.

Pintura

Pintura

Cadro	Título	Ano	Autor	Museo	Cidade	País
	O Descendemento da cruz	n/d	Fra Angelico	Museo Nacional de San Marcos	Florencia	Italia
	O Descendemento da cruz	1633	Rembrandt	Alte Pinakothek	Múnic	Alemaña
	O Descendemento da cruz	1521	Rosso Fiorentino	Pinacoteca e Museo Civico	Volterra	Italia
	Tríptico do Descendemento da cruz	1611-1614	Rubens	Catedral	Anveres	Países Baixos
	O Descendemento da cruz	h. 1436	Rogier van der Weyden	Museo do Prado	Madrid	España
	Tríptico do Descendemento da cruz	h. 1530	Ambrosius Benson	Catedral	Segovia	España

Escultura

Escultura

Obra	Título	Anño	Autor	Museo	Cidade	País
	O Descendemento da cruz	h. 1178	Antelami, Benedetto	Catedral	Parma	Italia
	Santísimo Cristo do Calvario	1814	Fernando Estévez	Ermita del Calvario	La Orotava	España