Delftse Hout, Delft

Na Galipedia, a Wikipedia en galego.
Saltar ata a navegación Saltar á procura

Coordenadas: 52°01′17″N 4°22′41″O / 52.02139, -4.37806

Delftse Hout
Bandeira de Delftse Hout Escudo de Delftse Hout
Bandeira Escudo
Delftse hout 002.jpg
Map - NL - Delft - Wijk 16 Delftse Hout.svg
País Países Baixos
• Concello Delft
Localización  
• Altitude n/d
Superficie 300 km²
Poboación 100 hab.

O Delftse Hout (en galego: “Bosque de Delft") é un pequeno distrito do noroeste da vila de Delft, na Holanda Meridional, composto principalmente por unha lagoa, superficie boscosa e diversos espazos verdes, ademais dunha área residencial de arredor de 100 habitantes. A área natural é unha das precursoras da rede ecolóxica provincial dos Países Baixos.[1]

A zona boscosa á beira da lagoa de Delftse Hout

A lagoa creouse nos anos 60 a partir da extracción de area para a construción de novas áreas residenciais nas proximidades. Arredor dela hai unha zona de lecer, unha granxa didáctica para nenos e un recinto para animais, ademais dunha praia e unha área de acampada.

Esta zona limita polo oeste coa autoestrada A13 (que vai da Haia a Rotterdam) entre as saídas 8 e 9, e polo leste coa veciña localidade de Dobbeplas, que pertence ao concello de Pijnacker-Nootdorp.

O 22 de novembro de 2006 tivo lugar un referendo acerca dun plan municipal para a ampliación da zona de acampada, que levaría aparellada a redución da área pública de recreo e a corta de 112 árbores protexidas, que serían substituídas por outras novas en cantidade semellante. O resultado do referendo foi o rexeitamento do plan.

Praia nudista[editar | editar a fonte]

A partir de 2013, o concello abriu unha praia para a práctica do nudismo, aínda que diversas sentenzas xudiciais impediron que esta consideración teña rango oficial. No entanto, a Federación Naturista dos Países Baixos segue a considerala como praia nudista.[2]

Accesibilidade[editar | editar a fonte]

Durante todo o ano, mesmo en horario nocturno, a liña 81 da compañía Veolia leva ata Delftse Hout, na parada do cruzamento de Korftlaan coa autoestrada A13. 

Ademais, o autobús 60 da mesma compañía ten unha parada na confluencia entre Tweemolentjeskade e Miereveltkade.

No verán, tamén está dispoñible a liña 80 de Veolia.

Notas[editar | editar a fonte]

  1. Delftse Hout no sitio web oficial do Concello de Delft. (En neerlandés)
  2. Información sobre Delftse Hout na web da Federación Naturista dos Países Baixos. (En neerlandés)

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]