dEUS
| DEUS | |||||||||||
|---|---|---|---|---|---|---|---|---|---|---|---|
| |||||||||||
| |||||||||||
| |||||||||||
| |||||||||||
| |||||||||||
| |||||||||||
| |||||||||||
| |||||||||||
| Wikidata G:Commons C:Commons | |||||||||||
dEUS é unha banda belga de rock formada en 1989 en Anveres. Dende a súa fundación os seus únicos membros permanentes son Tom Barman (voz, guitarra) e Klaas Janszoons (teclado, violín). O resto do grupo está formado no presente polo batería Stéphane Misseghers, o baixista Alan Gevaert e o guitarrista/corista Simen Folstad Nilsen.[1] dEUS é considerada unha das bandas de rock belgas máis exitosas e influentes.
Historia
[editar | editar a fonte]Formación
[editar | editar a fonte]A banda, que canta principalmente en inglés, fundouse en Anveres en 1989 como unha banda de versións, e non tivo forma definitiva ata despois do Humo's Rock Rally (un concurso belga de bandas de rock) de 1992. Na xira que seguiu a través de España dEUS definiu o seu son e despois da edición do EP Zea o selo Island Records ofreceulle un contrato á banda,[2] sendo o primeiro grupo indie belga en asinar un contrato cun grande selo internacional.[3]
Primeira época
[editar | editar a fonte]O seu álbum de estrea, Worst Case Scenario, ten influencias de Frank Zappa, Tom Waits e Captain Beefheart e foi editado o 16 de setembro de 1994, cunha boa acollida por parte da crítica.[4] Pouco despois seguiu o lanzamento dun álbum altamente experimental vendido só por correo titulado My Sister = My Clock, que constaba de trece cancións contidas nunha soa pista física. O seu segundo traballo, In a Bar, Under the Sea, apareceu dous anos despois e tamén foi eloxiado pola crítica pola súa diversidade e agradable caos.
The Ideal Crash, lanzado en 1999, tratábase dun disco máis accesible.[5] Entre os tres álbums (sen contar My Sister = My Clock) a banda vendeu uns 750 000 discos en todo o mundo coseguindo seguidores de culto.[6]
Mentres tanto, dEUS sufriu varios cambios na formación. Despois de xirar con Worst Case Scenario, o guitarrista Rudy Trouvé desilusionouse coa banda e cos compromisos de xira e marchou para centrarse nos seus propios proxectos,[7] incluíndo Kiss My Jazz, Dead Man Ray e The Love Substitutes. Cando saíu In a Bar, Under the Sea o baixista Stef Kamil Carlens tamén deixara a banda para centrarse no seu propio proxecto paralelo, A Beatband (que se converteu en Moondog Jr e despois en Zita Swoon). Foron substituídos por Craig Ward e Danny Mommens, respectivamente. Finalmente, a formación de xira completouse co guitarrista de xira Tim Vanhamel (Evil Superstars, Millionaire, Eagles of Death Metal).[8]
Hiato
[editar | editar a fonte]Despois da xira de promoción de The Ideal Crash a banda tomouse un extenso descanso que lle permitiu aos seus membros adicarse a outros proxectos. Barman dirixiu unha película chamada Any Way the Wind Blows no ano 2003 e formou Magnus co produtor de tecno CJ Bolland no 2004.[9]
Segunda época
[editar | editar a fonte]A mediados do 2004 comezaron a gravar novo material e a realizar concertos por Europa. En agosto lanzaron o sinxelo "If You Don't Get What You Want", só dispoñible a través de descarga dixital.
O 12 de setembro do 2005 setembro editaron o seu novo traballo, Pocket Revolution. Na súa promoción realizaron unha extensa xira cuns 130 concertos. Despois de rematar a xira dEUS comezou a ensaiar para preparar o seu seguinte traballo. No 2007 a banda construíu o seu propio estudio para continuar traballando no seu novo álbum. Gravado coa mesma formación de Pocket Revolution, Vantage Point foi editado o 21 de abril do 2008.
Vantage Point conseguiu o platino en Bélxica un mes despois do seu lanzamento, pero non tivo tanto éxito en Europa. Despois da aparición do álbum o grupo comezou unha xira de promoción do mesmo, que rematou con dous concertos no Forest National de Bruxelas.
A banda está traballando na actualidade nun novo disco que sairá á luz durante o ano 2010 segundo declaracións de Tom Barman.
dEUS amosa unha gran variedade de influencias, incluíndo a Captain Beefheart, Frank Zappa, Big Star, Sonic Youth, Leonard Cohen e The Velvet Underground.
Co tempo dEUS foi incorporando unha ampla variedade de estilos como pop, folk, free jazz, neo-prog, punk e heavy metal aos seus traballos. Eles convertéronse nunha das máis importantes e influentes bandas belgas de rock.
Membros
[editar | editar a fonte]- Tom Barman: guitarra e voz.
- Mauro Pawlowski: guitarra.
- Stephane Misseghers: batería.
- Alan Gevaert: baixo.
- Klaas Janzoons: teclado e violín.
Discografía
[editar | editar a fonte]| Álbum | Ano | Selo |
|---|---|---|
| Worst Case Scenario | 1994 | Bang! |
| In a Bar, Under the Sea | 1996 | Bang! |
| The Ideal Crash | 1999 | Island Records |
| Pocket Revolution | 2005 | Universal, V2 |
| Vantage Point | 2008 | V2/Cooperative Music |
| Keep You Close | 2011 | Universal Music Belgium |
| Following Sea | 2012 | Play It Again Sam |
| How To Replace It | 2023 | Play It Again Sam |
Véxase tamén
[editar | editar a fonte]Ligazóns externas
[editar | editar a fonte]
- ↑ "dEUS". Myspace. Consultado o 2025-12-26.
- ↑ Strong, Martin C. (2000). The Great Rock Discography (5th ed.). Edimburgo: Mojo Books. p. 263. ISBN 1-84195-017-3
- ↑ "dEUS". AllMusic (en inglés). Consultado o 2025-12-26.
- ↑ "Worst Case Scenario - dEUS". AllMusic (en inglés). Consultado o 2025-12-26.
- ↑ Tangari, Joe. "dEUS: Pocket Revolution". Pitchfork (en inglés). Consultado o 2025-12-27.
- ↑ "1.000.000". De Standaard. 19 de abril de 2008
- ↑ "Biography". Hotellounge.be (en inglés). Consultado o 2026-04-08.
- ↑ "Millionaire : interview op KindaMuzik". www.kindamuzik.net (en inglés). Consultado o 2026-04-08.
- ↑ "Tom Barman". degrootstebelg.canvas.be. Consultado o 2026-04-08.