Saltar ao contido

Corneira, A Baña

Na Galipedia, a Wikipedia en galego.
Corneira
Igrexa de San Cristovo de Corneira.
ConcelloA Baña[1]
ProvinciaA Coruña
Coordenadas42°57′11″N 8°48′14″O / 42.953, -8.8038Coordenadas: 42°57′11″N 8°48′14″O / 42.953, -8.8038
Área6,2 km²
Poboación325 hab. (2016)
Densidade52,42 hab./km²
Entidades de poboación16[1]
editar datos en Wikidata ]

San Cristovo de Corneira[1] é unha parroquia que se localiza no oeste do concello coruñés da Baña na comarca da Barcala. Segundo o padrón municipal de 2015 tiña 325 habitantes (181 mulleres e 144 homes) distribuídos en 12 entidades de poboación, o que supón unha diminución en relación ao ano 1999 cando tiña 496 habitantes.

Os restos prehistóricos están presentes na mámoa e no petróglifo da Lagoa, situados no monte de Ferraces. Hai indicios tamén dun asentamento fortificado castrexo denominado Alto do Souto, pero as últimas prospeccións non foron moi frutíferas.[2]

No ano 1607 era anexo da parroquia de San Xoán da Riba. A igrexa parroquial correspóndese ao terceiro terzo do século XVIII, facéndose a capela maior no século XIX. Ao longo do tempo sufriu varias transformacións.

[editar | editar a fonte]

O pazo de Ferraces atópase en estado ruinoso, pero conserva un patín co corredor cuberto e as portas ornamentadas con arcos conopiais e escudo ovalado que evoca aos Romero e aos Moscoso. Conta cun pombal.

Hai barios muíños:[3] Porto Carros (moía todo o ano con auga do río Corneira), Sorubadas, da Braña, Vieiro (con augas do regato Foxá), de Vilar de Cerdeiras (rego de Foxos), do Baiares (rego de Foxos), de Ferraces, do Souto e de Vilanova.

Na parroquia hai un pombal de 12 pares, de Fausto García.[3]

  • 1º sábado despois de Corpus: Santísimo Sacramento.
  • 3 de outubro: San Cristovo.
  • 4 de outubro: San Francisco.
  • 5 de outubro: San Roque, San Ramón e As Dores.

Lugares e parroquias

[editar | editar a fonte]

Lugares de Corneira

[editar | editar a fonte]
Lugares da parroquia de Corneira no concello da Baña (A Coruña)

O Agriño | Agromaior | Os Barreiros | Corneira | O Couto Carballo | Ferraces | As Foxas | A Granxa | O Outeiro | A Piolla | Ponte Corneira | O Requeixo | Vilanova | Vilar de Cerdeiras | Vilar de Cima | Vilariño

Parroquias da Baña

[editar | editar a fonte]
Galicia | Provincia da Coruña | Parroquias da Baña

A Baña (San Vicenzo) | Barcala (San Xoán) | O Barro (Santa Mariña) | Cabanas (San Miguel) | Corneira (San Cristovo) | A Ermida (San Salvador) | Fiopáns (San Pedro) | Lañas (Santa Baia) | Marcelle (Santa Cristina) | Ordoeste (Santa María) | A Riba (San Xoán) | San Cibrán de Barcala (San Cibrán) | Sanamede do Monte (San Mamede) | Suevos (San Mamede) | Troitosende (Santa María)

Véxase tamén

[editar | editar a fonte]

Outros artigos

[editar | editar a fonte]