A Ermida, A Baña

A Ermida
	Capela do Divino Salvador.
Concello	A Baña
Provincia	A Coruña
Coordenadas	43°00′03″N 8°47′17″O / 43.0008, -8.788
Área	4,51 km²
Poboación	122 hab. (2016)
Densidade	27,05 hab./km²
Entidades de poboación	5
	[ editar datos en Wikidata ]

Para outras páxinas con títulos homónimos véxase: A Ermida.

San Salvador da Ermida é unha parroquia que se localiza no norte do concello da Baña na comarca da Barcala. Segundo o padrón municipal de 2016 tiña 122 habitantes (64 homes e 58 mulleres) distribuídos en 5 entidades de poboación, o que supón unha diminución en relación ao ano 1999 cando tiña 187 habitantes.

Toponimia

O topónimo deriva do latín eremita, que é unha igrexa pequena, polo xeral lonxe ou fóra dun núcleo de poboación,^[2] ou tamén pode facer referencia a un sitio ermo ou sen traballar.^[3]

Historia

Esta parroquia foi suprimida a nivel eclesiástico, pero figura como tal a nivel administrativo.

Coma evidencia da longa antigüidade atopamos a pegada da cultura castrexa nun lugar coñecido como Castro ou Castelo de Gosende. Tamén existen diferentes mámoas coma a mámoa da Mina do Rodado, a dos Pasos do Río e a da Hedreira.^[4]

A única capela é unha pequena ermida de planta rectangular e con muros de cachotería, agás nos esquinais e nas pezas dos linteis da porta, que son de perpiaño irregular. A porta está descentrada e leva unha pequena ventá con lados biselados, no centro, debaixo da espadana.^[5]

Arquitectura popular

Muíños^[6]

Todos moían coas augas do río Grande (río Abuín).

da Rena, moía todo o ano.
de Abaixo, todo o ano
de Gosende, catro meses no ano.
da Hedreira, todo o ano.

Festas

5 de agosto: As Neves.
25 de decembro: San Salvador.
26 de decembro: San Silvestre.

Lugares e parroquias

Lugares da Ermida

Lugares da parroquia da Ermida no concello da Baña (A Coruña)
O Cotro \| O Cruceiro \| A Ermida \| Gosende \| A Hedreira

Parroquias da Baña

Galicia \| Provincia da Coruña \| Parroquias da Baña
A Baña (San Vicenzo) \| Barcala (San Xoán) \| O Barro (Santa Mariña) \| Cabanas (San Miguel) \| Corneira (San Cristovo) \| A Ermida (San Salvador) \| Fiopáns (San Pedro) \| Lañas (Santa Baia) \| Marcelle (Santa Cristina) \| Ordoeste (Santa María) \| A Riba (San Xoán) \| San Cibrán de Barcala (San Cibrán) \| Sanamede do Monte (San Mamede) \| Suevos (San Mamede) \| Troitosende (Santa María)

Notas

↑ ^1,0 ^1,1 DECRETO 189/2003, do 6 de febreiro, polo que se aproba o nomenclátor correspondente ás entidades de poboación da provincia da Coruña.
↑ Definicións no Dicionario da Real Academia Galega e no Portal das Palabras para ermida.
↑ Ares Vázquez, Nicandro (2013). Estudios de toponimia galega, tomo II. Real Academia Galega. ISBN 978-84-87987-85-4.
↑ "PXOM A Baña".
↑ "Ermida do Divino Salvador".
↑ Rodríguez Troncoso, Amador. Os albores de Feiraco.

Véxase tamén

Outros artigos

Lugares da Baña

[nomenclátor-1] 1,0 ^1,1 DECRETO 189/2003, do 6 de febreiro, polo que se aproba o nomenclátor correspondente ás entidades de poboación da provincia da Coruña.

[2] Definicións no Dicionario da Real Academia Galega e no Portal das Palabras para ermida.

[3] Ares Vázquez, Nicandro (2013). Estudios de toponimia galega, tomo II. Real Academia Galega. ISBN 978-84-87987-85-4.

[4] "PXOM A Baña".

[5] "Ermida do Divino Salvador".

[6] Rodríguez Troncoso, Amador. Os albores de Feiraco.

[1]

[2]

[3]

[4]

[5]

[6]