Conversa:Lugo

Na Galipedia, a Wikipedia en galego.
Saltar ata a navegación Saltar á procura

Corrección[editar a fonte]

Creo que non é cornisa, senón cornixa. —o anterior comentario sen asinar foi feito por Forza4 (conversacontribucións) o 12 de novembro de 2004 ás 19:02

Fusión[editar a fonte]

fusionada con Lugo/Capital. Ver [1]

   * (actual) (derradeira)  14:04, 11 Dec 2004 Agremon (paso a Lugo)
   * (actual) (derradeira) 10:37, 11 Dec 2004 Prevert M (Alerta de fusión de páxinas.)
   * (actual) (derradeira) 22:33, 23 Oct 2004 Agremon M (Artigos relacionados)
   * (actual) (derradeira) 03:01, 17 Oct 2004 80.58.15.42 (Artigos relacionados)
   * (actual) (derradeira) 22:51, 12 Mar 2004 Agremon

Sobre o motorista lucense[editar a fonte]

O famoso motorista lucense creo que ten por nome Jose Luis López Mella, mentres aquí figura "Jose Luis Mella"

-Forza4 16:53, 24 xaneiro 2008 (UTC)

Mellora do artigo[editar a fonte]

Segundo os comentarios na votación para artigo de calidade, e cos que estou de acordo, débense mellorar algúns puntos. Pero antes diso, propoño borrar a sección lugueses de sona, deixando abaixo en "véxase tamén" unha ligazón a "Nados en Lugo".--Adorian (fálame) 22:12, 21 de setembro de 2010 (UTC)

Referencias na cabeceira[editar a fonte]

Na cabeceira con coloquei ningunha referencia debido ao explicado en aquí. É sinxelanmente que cos navegadores que non sexan o Mozilla Firefox descoloca o texto e queda moi pobre estéticamente. Unha solución sería colocar unha referencia na primeira liña (que non produce ese efecto) que explique onde se atopa cada referencia dentro do artigo. Senón é posible ningunha das dúas opcións procederei a referenciar de xeito normal.--Adorian (fálame) 13:57, 2 de outubro de 2010 (UTC)

Escudo de Lugo[editar a fonte]

Debido aos recentes trocos no escudo penso que deberiamos falar aquí para que sexa máis sinxelo para todos. O que podo apaortar eu é simplemente que o escudo "-Escudo Lugo.jpg" era o empregado polo concello antes, e é o que figura e segue figurando por exemplo nas paraxes permanentes (ou vados). Con todo sei que dende o concello estabase a traballar no troco do escudo e pode que se fixera algunha modificación, iso xa non sei.--Adorian (fálame) 13:30, 24 de novembro de 2010 (UTC)

  • Téñome que fixar mellor pero penso que é exacto ao do vado. A ver se alguén que coñeza do tema de licencias pode axudar.--Adorian (fálame) 13:58, 24 de novembro de 2010 (UTC)
O cambio do escudo .jpg pola versión .svg foi debido principalmente a que os ficheiros .jpg non son moi de fiar, é moi dificil estar completamente seguros de que non foron copiados dalgunha web sin o permiso adecuado. Como mostra un exemplo, o escudo de Abegondo que está neste ficheiro está claro que é unha copia sen os permisos adecuados da páxina web do mesmo concello. Esta imaxe penso que non debería estar en Commons pero como é imposible verificar tódalas imaxes está claro que van quedando. E non é o único caso que teño atopado, por iso por seguridade, cambiei a imaxe .jpg pola .svg que está claro que é un ficheiro de nova creación, co seu creador perfectamente recoñecido e cos dereitos de autor totalmente correctos.
Si o problema é que o ficheiro .svg é incorrecto o que hai que facer é poñerse en contacto co autor e comentarlle os erros para que os modifique, penso que non habería maior problema.
Choquei co teu comentario así que sigo dando a brasa ;): si se comproba que o ficheiro .jpg é igual ou parece igual que ó do vado ou se atopa nalgunha das páxinas da web do concello de Lugo, entón estaremos, casi seguro, diante dun caso de usurpación de dereitos de autor (a non ser que o Concello de Lugo publique a súa webe como contico CC, cousa que dubido). Darei unha volta pola súa webe por si atopo a imaxe pero aínda que non se atope, si coincide bastante coa do vado será moi probable que sexa copiada.
E volvo a repetir, para curarnos en saúde, ¿non será mellor evitar lerias e tentar amañar a imaxe .svg?. Saúdos, --Elisardojm (conversa) 14:07, 24 de novembro de 2010 (UTC)
Eu eliminaría de tódolos artigos os escudos creados polo "Taller de Heráldica y Vexilología" da wikipedia castelánfalante. Afástanse decote en moito dos escudos oficiais publicados no DOG. No caso de Lugo, o seu escudo non é oficial, creo, pois non foi adaptado á Lei de símbolos heráldicos, a non ser que se aprobara hai pouco. Sobre isto xa hai algo traballado Conversa categoría:Mantemento de imaxes de símbolos de Galicia. Polo tanto a miña opinión é ir colocando o modelo {{SímboloIncorrecto}} en todas estas falsificacións e retiralas dos artigos. Máis info sobre escudos: páxina da Xunta, e páxina da deputación de Pontevedra. --Alberte Si, dígame? 14:21, 24 de novembro de 2010 (UTC)

Este tema estame resultando especialmente molesto, pois xa levo escrito sobre el varias veces e parece que non hai modo que facerse escoitar. Primeiro, o escudo que había ata agora non se corresponde exactamente coa única descrición que atopei ata agora, que é a que aparece en www.galiciadigital.com: "en campo de azur, una torre donjonada de oro, aclarada y terrasada de gules, acostado de dos leones afrontados, de oro, rampantes contra la torre, y sumada de un cáliz de oro, sumado a su vez de hostia de plata, radiante de oro, y acostado de dos ángeles en adoración afrontados, de plata, sobre sendas nubes del mismo metal. Bordura de plata con la divisa: "HOC HIC MYSTERIUM FIDEI FIRMITER PROFITEMUR" en letras de sable. Al timbre, corona marquesal". O escudo que víñamos empregando non ten torre aclarada, nin hostia radiante de ouro senón de prata, nin coroa de marqués senón mural; o escudo novo si que as ten e, polo tanto, axústase ó deseño que lle é propio. Non vexo como se pode defender que manteñamos a imaxe que había cando a nova é máis correcta.

E por outra banda é difícil facer unha proposta máis arbitraria que a de eliminar todos os escudos do Taller de Heráldica da wikipedia castelá. Que entendemos por falsificación é algo que haberá que discutir primeiro. Se estamos falando de empregar só símbolos heráldicos aprobados en boletín oficial, paréceme máis razoable, pero tamén haberá moito que discutir aí. Xoacas(ti si que es lindo, ho) 15:03, 24 de novembro de 2010 (UTC)

Non digo que non teñas razón, só apuntaba que o escudo que utiliza o propio concello é o que estaba (cousa que podería suscitar problemas de licenza como se comentou). Esquecendo todo o anterior, e analizando a nova proposta, o que falla dela é: penso que a forma do pergamino e o que é seguro que vai mal é a coroa, que non se semella nin remotamente. Polo que vexo quen montou o escudo colleu unha coroa standar que utiliza para moutros outros.
Dito iso, atopei un comunicado do concello, cito textualmente:
"O Concello de Lugo viña utilizando como Escudo o aprobado polo Ministerio da Gobernación en 1957 (Rexistro Xeral 2730, do 18 de novembro) por unha solicitude do Concello de Lugo do ano 1954, pois querían facer medalla de honores e carecían de forma. Iso levou a adoptalo de seguido como escudo e a colocalo na bandeira.
Por todo o exposto, en marzo deste ano, encargóuselle o traballo de facer o estudo e proposta da Bandeira e Escudo de Lugo ó especialista en heráldica e verxiloloxía don Eduardo Pardo de Guevara y Valdés, Presidente do Consello Superior de Investigacións Científicas.”
O Pleno do Concello de Lugo, en sesión celebrada o día 30 de xuño de 2008, aprobou inicialmente a modificación do escudo e da bandeira municipais nos termos do estudo-memoria redactado por don Eduardo Pardo de Guevara y Valdés, presidente do Consello Superior de Investigacións Científicas, e aprobar o proxecto de escudo e bandeira que se xunta a aquela, e o sometemento do expediente ó trámite de información pública e audiencia ós interesados [...]"
Non atopei nada posterior a iso. O escudo "aprobado polo Ministerio da Gobernación en 1957" é senón me equivoco é o que viña estando no artigo e o que viña usando o concello. Con todo, non podemos descartar dúas cousas, que xa haxa un novo escudo e sexa semellante ao ".svg" ou que aínda estea en estudo o mesmo polos estudosos en heráldica, polo que eu propoño manter o que estaba (sempre e cando non haxa problemas coa licenza) e agardar a ver se sae algunha resolución do tema.
De tódolos xeitos, se pensades que é mellor a outra versión tampouco vou dicir nada en contra, salvo a ver se poden arranxar o detalle da coroa. Un último apunte, en caso de manterse o antigo, poderiase subir unha versión .svg do mesmo?--Adorian (fálame) 21:32, 24 de novembro de 2010 (UTC)

Partamos de que a única descrición que temos do escudo de Lugo é a que sinalo eu máis arriba. Parece claro, entón, que a versión do escudo que víñamos empregando ten erros que a nova versión non ten, e que eses erros están localizados na coroa, na torre e na hostia.

Sobre o que di Adorian: a coroa do escudo non ten que asemellarse a nada, só ten que ser unha coroa de marqués, que é un dos seis tipos de coroas que se empregan na heráldica española tradicionalmente, ademais das da realeza: "La corona de marqués es un círculo de oro, con piedras y perlas engastadas, realzado de ocho florones de oro; cuatro semejantes a las hojas de apio y cuatro alternados con las anteriores, formados por tres gruesas perlas, puestas en forma de hojas de trébol" (A. de Armengol, El arte del blasón, Labor, 1933). Para que quede claro como se pode traducir graficamente esta descrición, aquí hai un exemplo, aquí outro, e aquí hai unha explicación dos distintos tipos de coroas, as da realeza incluídas. A coroa mural, que é a usada no escudo que empregamos ata agora, estivo moi en uso durante o franquismo, especialmente cando se trataba de evitar a coroa real, por aquilo de que España era un reino pero sen rei.

O que Adorian supón que é un pergameo non é tal, trátase doutra figura heráldica, esta vez de uso simplemente ornamental, e que se emprega a discreción do deseñador. "Desde el siglo XII el casco cónico con nasal se recubría de una pieza de tela destinada a proteger el metal de los rayos del sol y, a la vez, para amortiguar los golpes del adversario. Cuando el casco empieza a ser utilizado como timbre heráldico estas piezas se trasplantan también a las armerías, donde juegan un importante papel al convertirse, desde el siglo XIV, en uno de los ornamentos más utilizados. Su función será desde entonces meramente decorativa y sus formas, combinadas o no con la cimera, serán muy diversas: desde un pequeño velo semicircular, caso de los manteletes, hasta un gran paño convencionalmente cortado en tiras, caso de los lambrequines propiamente dichos, que es la más difundida". (E. Pardo de Guevara, Manual de heráldica española. Aldaba, 1987). Este último é o que adorna o escudo novo, aínda que é certo que podería non estar.

Perdoade que non traduza, pero estes libros empregan un vocabulario moi específico que non dou atopado. Tampouco coñezo bibliografía en galego e, se a hai, non a teño ó meu alcance. Xoacas(ti si que es lindo, ho) 00:48, 25 de novembro de 2010 (UTC)

Ía dicir bastantes cousas das que comenta Xoacas pero xa se me adiantou el, e con moitos máis datos ca min :). Podo engadir que acabo de traducir coroa de marqués e que xa tiñamos o artigo de coroa mural.
Como di Xoacas, a forma exacta dos elementos non é relevante xa que son licencia do artista, dentro duns estándares, por iso o que importa da coroa é que, como di a definición, sexa unha coroa de marqués, é dicir, que teña catro floróns de apio e catro de tres perlas alternándose. As voltas e reviravoltas que teñan os floróns quedan ó gusto do artista ou dos cartos que quera gastar o que encarga o escudo.
Tamén estou dacordo con Xoacas en que si partimos da base que a definición do escudo é a que indicou el, e que tamén está copiada coa mesma referencia no ficheiro .svg de commons, entón o escudo que concorda en casi tódalas partes é o .svg. Si te fixas, os detalles que están errados no ficheiro .jpg (na hostia e na coroa, o erro da torre non o vexo) están correctamente na imaxe do escudo que aparece na páxina da referencia e coinciden cos do ficheiro .svg. Penso que acabo de atopar o erro da torre, pero neste caso o erro está no ficheiro .svg xa que a torre ten que ser dourada e está en plata, ¿non si? (si vos fixades na versión que está na páxina de referencia aparece dourado). E si non vexo mal xa a estas horas, paréceme que a coroa tampouco é a correcta no .svg xa que ten 8 floróns de apio e 8 de perlas... O curioso é que na imaxe da referencia tamén está igual. Isto si que non o entendo. Tamén está mal no ficheiro .jpg.
Habería que falar co autor para ver si pode cambiar estes dous detalles, si queredes póñome eu en contacto con el.
Aínda que o .svg ten erros, vemos claramente que o .jpg tamén os ten, pero as vantaxes do svg son: que o autor é perfectamente coñecido e os dereitos de autor non teñen problema, e que o svg podemos pedir que o cambien de forma sinxela.
Sobre o que comentaba Adorian de pasar o jpg a svg, non estou moi seguro de si será posible ou máis ou menos complicado. Saúdos, --Elisardojm (conversa) 02:10, 25 de novembro de 2010 (UTC)
E non sei si haberá outro erro máis no svg, a definición di "una torre donjonada de oro, aclarada y terrasada de gules", según isto aclarada é que ten portas e ventanas, e gules é vermello, co cal como se ve na imaxe da páxina de referencia, ¿a porta e ventanas non terían que estar de cor vermella?. Saúdos, --Elisardojm (conversa) 02:20, 25 de novembro de 2010 (UTC)

Na cor da torre non reparara eu, recoñézoo, e tiña que ser de ouro e non de prata. A torre donjonada é a que ten outra torre encima (F. González-Doria. Diccionario heráldico y nobiliario de los reinos de España. Bitácora, 1987), e iso está representado nos dous ficheiros. Este mesmo autor define o aclarado como Puerta, ventana, abertura o hueco por el que penetra la luz en las figuras heráldicas, pero eu interpretei que era correcto o .svg porque a través das xanelas e da porta se ve o fondo, é dicir, penetra a luz, mentres que no .jpg non; pero se cadra ten razón Elisardo, pero non o vexo claro. E tamén, como non, o mesmo autor define terraZado como La figura que está sobre la terraza, sendo terraza Punta del escudo que se asemeja a un montículo no regular y que suele cubrir las raíces de los árboles o sobre el que figura un animal. A coroa é mellorable, pois meteu apios onde ían perlas ou vice versa, xa non sei, e no canto dunha coroa de marqués quedoulle unha de duque. O que está claro é que a coroa do .jpg é de raza indeterminada.

A solución que propón Elisardo (falar co artista) paréceme boa e razoable. Xa que entramos en conversacións, pódeslle suxerir que se curre uns lambrequíns máis xeitosos, ou mellor que prescinda deles, que falta non fan. E de paso faille notar que as sombras na heráldica non están ben vistas, que as cores planas son máis aceptadas (dígoo polo raiado do interior da coroa). Xoacas(ti si que es lindo, ho) 03:03, 25 de novembro de 2010 (UTC)

Vale, vou ver o que se pode facer... Saúdos, --Elisardojm (conversa) 11:36, 25 de novembro de 2010 (UTC)

Eu o da coroa non o dicía por ningún outro motivo que non é senón o seguinte: a coroa que ten o escudo que estaba digo que é a correcta (ou "máis" correcta, entrecomillado) simplemente porque así é con esa forma é como figura tallada en diversos edificios históricos e mesmo na propia muralla (porta de San Pedro), nada máis é unha simple cuestión de manter a de sempre, non por outra cousa (aínda que tamén se é por iso o escudo non tería que levar coroa, pero xa é outro tema).

A ver que o que eu digo non é por mal nin nada, sei que o .svg pois ten licencia e demais, pero só digo que me gustaría (persoalmente) que se parecese máis ao ".jpg" que é o que ven usando o Concello, e máis semellante ao orixinal da cidade. Como non entendo de heráldica xa deixo o resto ao voso parecer. Con todo a ver se pronto se di algo sobre o novo escudo que se estaba a preparar. Un saúdo.--Adorian (fálame) 13:21, 25 de novembro de 2010 (UTC)

Por aquilo de que unha imaxe vale máis que mil palabras, non sería unha boa opción sacar unha foto a ese escudo tallado en varios edificios da cidade e mesmo na muralla que comenta Adorian, e a partir de aí elaborar o actual? --Atobar (conversa comigo) 13:26, 25 de novembro de 2010 (UTC)

Agora mesmo hai unha no artigo da Muralla :D, é a seguinte, a ver se se ve ben (o malo que media coroa caeu, pero creo que se ve ben): [2]. Vese que a coroa é máis plana (dentro das cores xa non entro). Vou buscar a ver se xa hai de demais escudos.--Adorian (fálame) 13:33, 25 de novembro de 2010 (UTC)

Outra: [3] Neste caso si aparece o pergamino máis ou menos como o do ".svg". Neste pdf da deputación (o escudo da deputación é unha versión do da cidade) vense diferentes reproducións do escudo: [4].--Adorian (fálame) 13:37, 25 de novembro de 2010 (UTC)

Velaí tes outra
Lugo, Murallas 02-40, Porta San Pedro 07.JPG
Pedro --Lameiro (conversa) 13:39, 25 de novembro de 2010 (UTC)

Acabo de rematar a modificación, está eiquí, só ten un problema coas raias do relevo da montaña que terei que preguntar por ahí adiante qué lles pasa porque eu non as toquei no ficheiro, xa vos contarei si o consigo amañar. Ó final como non tiña un pergamiño mellor optei por quitarllo xa que ese elemento non pertence á descrición, só é un elemento decorativo opcional. Votádelle un vistazo a ver o que vos vai parecendo, púxenlle a cor da porta e ventanas de roxo xa que entendo que deben ser así debido ó que di a descrición e ó exemplo da páxina da referencia.

Sobre o documento pdf que puxo Adorian o que conta, e se ve, do escudo do concello (a maioría do texto é sobre o da deputación), non axuda moito, volvo comentar que o do pergamino é optativo (non sae na descripción, é como si dixéramos que se debuxa o escudo enriba dunha manta para que quede un pouco máis arroupado, pero non forma parte del), e o único que deixa ben claro é que leva coroa marquesal.

Cando teña outro momento a ver si miro as fotos e se pode quitar algo máis pero penso que non vai ser gran cousa porque o que realmente importa é a definición. Saúdos, --Elisardojm (conversa) 14:25, 25 de novembro de 2010 (UTC)

Eu doume por contento coa nova versión que fixo Elisardo (agora axústase á descrición e esteticamente mellorou). Das fotos que ligades non tiraría conclusións, porque non son unha representación canónica do escudo. Hai que ter en conta que o artesán/escultor/artista moitísimas veces introducía elementos novos ou alteraba outros simplemente por motivos estéticos ou, ás veces, porque non entendía o que estaba representando, ou ben porque o que lle encargaba o traballo era un pouco pretensioso e quería ter o escudo máis rechamante da cidade. Pero isto pasa en todas as artes, non só na heráldica, de aí aquilo de que "Mira Nero de Tarpeya a Roma cómo se ardía" acabase converténdose en "Marinero de Tarpeya etc...", pois aquí igual, e sobre iso pódense poñer mil exemplos: na Porta de San Pedro a coroa non é de ningún tipo definido, hai dous leóns rampantes como tenantes do escudo e un anxo coas ás estendidas en baixo (imaxinación ó poder). Hai lambrequíns (iso que chamades "pergamino"), pero son moito máis breves. O escudo do edificio da Deputación xa non ten tenantes nin anxo nin nada, e os lambrequíns son doutro xeito, pero leva coroa de marqués das de verdade; é un escudo máis canónico. Por resumir: as representacións plásticas xa feitas son a peor referencia posible, porque a ver quen lle di ó artista que se ateña á descrición do escudo.
Sobre o que di Adorian, dúas aclaracións. A primeira: non hai que aclarar que as túas obxeccións non levan mala intención, se cadra debería eu pedir desculpas polo ton un pouco excesivo do meu primeiro comentario. De todos modos alégrome de que este tema se estea tratando, pois senta un precedente para ter claro como proceder en casos análogos. A segunda: entendo que botes en falta unha maior semellanza entre o escudo que figurará na Galipedia e o que adoita empregar o concello de Lugo, pero debes ter en conta que se o concello emprega sempre o mesmo deseño, en representación sempre idéntica, é porque na época na que vivimos hai medio técnicos que permiten facelo. Pero a Heráldica naceu na Idade Media, cando o único modo de reproducir o escudo de Xoacas era saber que é de escaques, uns de gules e outros de azur, ou que o de Atobar é en campo de azur unha banda de ouro engolada en dragantes de sinople. Sobre isto Pardo de Guevara, no libro que mencionei máis arriba, di: "Salvo muy contadas excepciones es común concebirlos más como logotipos que como emblemas heráldicos propiamente dichos, grave error que, en muchos casos, impide corregir la falta de estilización y de plenitud de sus figuras, el desequilibrio de las composiciones, etc". Por dicilo de algún modo, ninguén nos impide escoller entre as posibles representacións dun escudo a que máis nos guste, e se queremos elaborar outra nova que garde maior semellanza coa que actualmente emprega o concello, non hai motivo para non facelo, sempre que observemos fielmente a súa descrición. Xoacas(ti si que es lindo, ho) 19:22, 25 de novembro de 2010 (UTC)

En ningún momento entendín que tivesen mala intención, nin moito menos. Nin o que dixen eu por suposto, só fago algún apunte, que ademais soe ser a miña opinión persoal para axudar non para amolar. Con respecto ao novo escudo que colgáchedes penso que quedou moi ben en tódolos aspectos. Como curiosidade aquí o que supoño que é a proposta para o novo escudo da cidade. Poderíase facer aunha versión aproximada del ".svg" non entendo moito do das licencia e demais, pero pode quedar ben no artigo e mesmo se se fai un artigo "Escudo de Lugo". Valería con engadir os leóns ao último feito?

Un último apuntamento, habería que trocar tamén a bendeira? (leva o escudo vello). --Adorian (fálame) 21:11, 25 de novembro de 2010 (UTC)

Boeno, pois teño que amañar o das liñas da montaña e tamén teño que quitarlle a textura da coroa como dixo Xoacas, pola mañá esquecinme. Cando o teña todo listo avisareivos para que lle votedes de novo un ollo por si houbera algo máis que tocar. Sobre a bandeira, pois non sei como é a súa descrición, pero si a que está agora é a correcta está claro que si se cambia o escudo tamén haberá que cambiala, tamén tentarei de facela.

O do escudo novo non sei qué dicirche, esa imaxe é un pouco estrana, o mellor sería conseguir a descrición oficial, ou polo menos a oficiosa, para estar totalmente seguros. Eu cando mirei na páxina web do concello non vin a descrición do novo escudo... Saúdos, --Elisardojm (conversa) 22:26, 25 de novembro de 2010 (UTC)

O do escudo é unha reproducción do da porta de San Pedro, digamos que o único que cambiaría son os leóns que o rodean, pero tentarei buscar algunha descrición. Na web do concello só pon que encargaron a un experto a elaboración, as descripción que lera (e que hai en internet se non me equivoco) foron a través da prensa. Un detalle, por simple estética, na banderia se se fai poderías poñer o pergamino? Se non é incorrecto ou algo, na bandeira pendurada no concello sae con el.--Adorian (fálame) 22:40, 25 de novembro de 2010 (UTC)
Senón lembro mal penso que querían recuperar este (o que sae na última páxina, que polo que vexo é máis ou menos igual ao que fixeche pero cos leóns. Tentarei buscar unha descrición a ver.--Adorian (fálame) 22:56, 25 de novembro de 2010 (UTC)
É que eses leóns que o rodean parécenme un pouco raros, son un elemento que non está dentro do escudo e moi grandes, non estou seguro de que formen parte real del, quero dicir que ó mellor son o mesmo que pasa co pergamino... Ó mellor Xoacas sabe si é posible que eses leóns formen realmente parte do escudo.
Penso que para facer a bandeira non haberá problema en poñerlle de novo o pergamino, ou iso espero, porque acabo de aprender hoxe a manexar ese programa e non sei...
Outra cousa que acabo de atopar é esta páxina da Xunta coas referencias de moitos escudos de Galicia, non está o escudo de Lugo, é unha mágoa, pero servirá para atopar de forma doada referencias para outras ocasións. Saúdos de novo, --Elisardojm (conversa) 23:03, 25 de novembro de 2010 (UTC)
É que segundo parece o escudo de Lugo non foi publicado no DOGA, así que digamos que aínda non é "oficial", de ahí o que dicía que se está a estudiar. Atopei unha noticia na Voz, pero só pon: "¿Qué escudo de Lugo le gusta más, el actual o el antiguo? El Concello estudia recuperar el escudo original y cambiarlo por el actual, que se instauró en 1942." E logo sae a imaxe de antes. O "artigo" é este.--Adorian (fálame) 23:07, 25 de novembro de 2010 (UTC)

O que indica esta última ligazón de Adorian é que o actual escudo é o da descrición que estamos a manexar, o cal ven confirmar que a versión de Elisardo é a boa. A foto que se ve na última páxina do pdf é do escudo que hai na porta de San Pedro, do que xa falamos antes para chegar á conclusión de que nin os leóns nin o anxo que ten abaixo forman parte do escudo actual. Eu non lle daría máis voltas ós elementos que compoñen o escudo, se cadra a cuestións estéticas (tamaño, colocación, etc), pero sen cambialo substancialmente. Xoacas(ti si que es lindo, ho) 03:27, 26 de novembro de 2010 (UTC)

O dos leóns non sei eu, eu lera na prensa que se estudaba a súa inclusión no novo escudo (o que non son leóns si que é exacto á versión de Elisardo). De tódolos xeitos até que non se pronuncie o Concello por susposto que debemos poñer sen os leós. Os escudo dos leóns só pedía facelo un pouco curiosidade, como complemento en algún artigo ou algo, non para figurar coma escudo da cidade. De tódolos xeitos no artigo da voz o que deixa caer é que efectivamente se estudia incluír os leóns, que logo os poñan ou non é outro cantar.
Tampouco creo crearvos máis traballo, se unha vez rematado este podo tentar incluír os leóns eu (senón tedes incoveniente ou é incorrecto, repito que só como curiosidade).--Adorian (fálame) 10:33, 26 de novembro de 2010 (UTC)

Unha preguntiña: un campo de azur, unha torre dunha peza de prata aclarada de azur e deitada de dous leóns afrontados e rampantes contra a torre, de ouro, acompañada dun cáliz de ouro, sumado da Sacra Forma de prata, radiante de ouro, e deitado de dous anxos en adoración afrontados, de prata, sobre senllas nubes do mesmo metal e unha bordura na que figura a lema da cidade "Hoc hic mysterium fidei firmiter profitemur" (do latín: Aquí confesamos firmemente este misterio da fe) en letras de sabre. O escudo, sobre pergamiño heráldico de ouro.

Iso d'"unha torre dunha peza de prata aclarada de azur" que quere dicir? Digoo por se está ben a descrición que está no artigo.--Adorian (fálame) 10:37, 26 de novembro de 2010 (UTC)

Unha última cousa, sinto ser tan pesado. Na proposta de modificación do escudo pon: "aprobou inicialmente a modificación do escudo e da bandeira municipais nos termos do estudo-memoria redactado por don Eduardo Pardo de Guevara y Valdés, presidente do Consello Superior de Investigacións Científicas, e aprobar o proxecto de escudo e bandeira que se xunta a aquéla". Alguén pode acceder a ese estudo-memoria, supoño que alí virá a descrición da proposta.--Adorian (fálame) 10:41, 26 de novembro de 2010 (UTC)

A descrición do artigo está mal, podes comprobalo incluso co escudo jpg, iso da torre en peza de prata aclarada de azur quere dicir torre (normal)de cor gris(plata) con porta e ventana (aclarada) de azul(sería a cor que se vería na porta e ventanas). Esta descrición nin siquera coincide co escudo jpg xa que ese escudo ten unha torre cun torreón enriba (donjonada) e é de cor amarela (ouro) e a porta e ventanas son de cor amarelo (ouro). Eu penso que a descricion correcta é a que puxo Xoacas que está quitada da referencia que puxo, penso que habería que cambiar a descrición e engadir esa referencia mentras non se atope outra máis oficial.
Co escudo que fixen eu podes facer o que queiras que ten licencia libre! :), como si queres cambiarlle tódalas cores :), grábalo logo con outro nome para non machacar o que hai e listo...
Para min non es nada pesado, máis pesado son eu e máis ando tamén por eiquí :). Según o entendo eu, o que hai que facer é falar e aclarar as cousas e que todos quitemos as dúbidas para que o traballo quede o mellor posible. Saúdos, --Elisardojm (conversa) 13:40, 26 de novembro de 2010 (UTC)

Editei o artigo deixando patentes todos estes dimes e diretes. Xoacas(ti si que es lindo, ho) 15:35, 26 de novembro de 2010 (UTC)

Un par de cousiñas :). Son un par de detalliños. Na versión correcta da descrición do escudo pon "donjonada", como sería en galego "donxonada"? ou existe algún outro termo? E outra cousiña, é cousa miña ou na beira dereita do ecsudo sae como unha liña negra (fóra del)? Un saúdo e moi bo traballo :). --Adorian (fálame) 18:16, 26 de novembro de 2010 (UTC)

Pois tes razón, quedoume o *donjonada sen traducir. O caso é que non atopo tradución posible. Voulle dar un toque a Atobar, a ver se el sabe amañar o tema. Xa está avisado Elisardo de que hai unha liña polo costado dereito que non debería estar, supoño que el o retocará. Xoacas(ti si que es lindo, ho) 18:24, 26 de novembro de 2010 (UTC)

Pois mirando nun documento da deputación sobre a historia do escudo, nunha descrición en galego tamén pon "donjonada". Supoño que o documento será unha tradución dun castelán. Se vos interesa o documento está moi ben e mesmo ben cunha descrición do escudo da cidade de 1958 (no que simplemente pon "torre"). O documento é este.--Adorian (fálame) 18:35, 26 de novembro de 2010 (UTC)

É interesante, pero moito non axuda na tradución. Téñase en conta que fala do escudo da provincia e non do concello. Xoacas(ti si que es lindo, ho) 18:56, 26 de novembro de 2010 (UTC)

En relación a donjonado en castelán procede do francés donjon que é a torre máia alta dun castelo ou torre de homenaxe, procurando vexo que o texto oficial referente á bandeira da deputación de Lugo utiliza donxonado[5], claro que o texto non pode considerarse un exemplo de bo galego xa que literalmente afirma "franqueada por dous leóns" cando tiña que pór flanqueada, xa que franquear é deixar algo libre de obstáculos para poder pasar mentres que flanquear é estar aos lados.--Cheluco 19:15, 26 de novembro de 2010 (UTC)
O usuario que fixera o escudo orixinal xa amañou as liñas da montaña, agora xa queda máis aquelado. O programa de modificar os svgs non o teño neste ordenador así que ata o luns non podo quitarlle a sombra á coroa pero non se me pasa. Saúdos, --Elisardojm (conversa) 00:27, 27 de novembro de 2010 (UTC)

Acabo de atopar de casualidade o artigo Terminoloxía da heráldica, hai partes que me parecen un pouco desordeadas ou algo así e falta bastante información, ó mellor podería mellorarse para incluir nalgún sitio da Galipedia o vocabulario en galego referente a este tema. Podería ampliarse de forma doada traducindo contido do artigo es:Anexo:Glosario de heráldica. Saúdos, --Elisardojm (conversa) 02:32, 28 de novembro de 2010 (UTC)

O artigo está ben e pode ser moi interesante se se mellora, eu non teño moita idea de heráldica, pero ao menos podo tentar facer unhas táboas máis estéticas ou no que poida axudar.--Adorian (fálame) 10:57, 28 de novembro de 2010 (UTC)

Versión do escudo cos leóns fóra[editar a fonte]

Vou tentar facer a modo de curiosidade a versión do escudo cos leóns, así que teño unha pequena pregunta para os que sabedes de heráldica a ver se me podedes axudar: hai algún destes leóns que se axeite mellor? É dicir, un que se adapte mellor á heráldica galega ou algo así. En commons puiden atopar [Category:SVG coat of arms elements - lions estes].

A parte disto, penso que con toda a información que se comentou por aquí, e algunha máis que fun atopada teño pensado facer un artículo sobre o Escudo de Lugo, así que estaría ben que os que entendades do tema axudades ou botedes un ollo por se meto a zoca. Grazas.--Adorian (fálame) 12:57, 1 de decembro de 2010 (UTC)

En principio os elementos que se empregan na heráldica galega non se diferencian en nada dos usados na heráldica hispana en xeral, salvo pola maior frecuencia do uso de algunhas figuras como sereas, por exemplo, que tampouco son exclusivas da heráldica galega. Hoxe en día téndese a empregar figuras simples e esquemáticas, con formas e cores netos e básicos. Por poñer un exemplo, hoxe preferiríase este león rampante, ou mesmo este, mellor que estoutro, que é máis propio dunha época medieval (hai que ter en conta que daquela, con frecuencia, os artistas non debuxaban o que vían, pois non había leóns a man polos que guiarse, nin coroas nin outras moitas cousas). Tamén é bo ter en conta que o conxunto todo debería ter unha mesma linguaxe gráfica, que non sexa resultado dun ctrl+v feito a machado. Isto quere dicir que, por exemplo, cousas como esta, cun uso tan profuso da liña e do detalle, non pega moito co escudo que xa hai, que é máis de trazos simples e ten un aire como máis lixeiro.

De todos modos convén non perder de vista que esta nova variante do escudo de Lugo non sería máis que un experimento, eu non coñezo outro que os teña que non sexa o da porta de San Pedro, pero entón faltaría o anxo coas ás estendidas baixo a punta, e non saberíamos a cor dos leóns nin do anxo. A idea de facer un artigo sobre o escudo de Lugo é interesante, eu botaría todas as mans que puidese, por suposto, que o tema me gusta (nótase, non?). Xoacas(ti si que es lindo, ho) 13:55, 1 de decembro de 2010 (UTC)

Moitas grazas pola información! :) Tentareino facer, pero é probable que nin o suba á wikipedia. Con respecto ao do artigo, na Enciclopedia Galega hai moita información sobre o a orixe do escudo e demais. A parte hai todo o que aportástedes por aí arriba e máis que podades engadir, máis documentos da deputación, penso que se pode facer un bo artigo. Logo se teño tempo comezo con el, ou ir comezando se queredes. Un saúdo. --Adorian (fálame) 19:55, 1 de decembro de 2010 (UTC)

¿E os leóns de fora do escudo teñen que ser iguais que os de dentro, ou poden ser diferentes?. E si poden ser diferentes, ¿que vos parecen éstes?, ¿demasiado recargados?... O malo é o que di Xoacas, que sin a definición non sabemos qué cor ten, si ouro, prata ou x..., pero si nos fiamos do enlace da Voz que puxeches antes entón terán que ser de ouro. Eu penso que podes facer unha versión deste escudo sin problema, si queres fágoa eu copiando o escudo que está agora no artigo (dicídeme si repito os leóns ou si poño outros), e logo pode incluirse no artigo escudo de Lugo indicando que estase tramitando actualizar o escudo a esa versión ou algo así, engadindo como referencia o enlace que puxeches da Voz.
Por certo, para a bandeira preparei esta versión con pergamiño reutilizando o pergamiño da versión vella xa que non atopei outro mellor. Noutro momento fago a bandeira. Saúdos, --Elisardojm (conversa) 12:58, 2 de decembro de 2010 (UTC)

Igual son recargados de máis en cmparación cos de dentro do escudo, pero vamos que eu non entendo do tema :) (conste que descartando se son moi recargados ou non, a nivel estético son xeniais). O escudo co pergamiño gústame moito como quedou, eu poñíao así tal cual na bandeira, moi bo traballo. Co tema dos leóns Xoacas deixou varios que están moi ben penso. Por apuntar algo, os leóns que están na porta de San Pedro miran cara a o observador, pero non vin ningún así en commons. Na reproducción da Voz saen mirando cara o escudo.--Adorian (fálame) 13:35, 2 de decembro de 2010 (UTC)

Bandeira de Lugo[editar a fonte]

Foto coa bandeira

Abro este apartado porque se poño o outro no do escudo ímonos perder con tanto texto :). Por se fai a bandeira (se queredes tentoa facer eu, pero penso que non me quedará tan ben como a vos), hai unha foto en commons dela. Como xa comentara a nivel estético do artigo creo que quedaría mellor co pergamino, pero isto xa é unha opinión personal. Saúdos.--Adorian (fálame) 18:28, 26 de novembro de 2010 (UTC)

Non sei se houbo unha corrección posterior pero segundo o texto oficial da bandeira que dou máis arriba os leóns non están flanqueando a torre o que fan é franqueala, isto é pasar a un lado a outro da torre, nós sabemos que é un erro, pero un texto oficial caso de non se modificar di o que di polo tanto se non houbo modificación oficialmente eses leóns non están nos flancos, quizais na versión oficial en castelán estea doutra forma pero non quita para que na versión en galego siga a estar así e polo tanto segue a ser un texto con forza de lei. --Cheluco 19:41, 26 de novembro de 2010 (UTC)
Non dixen nada, atopei a referencia no DOGA, onde corrixiron o erro [6], con corrección posterior[7], culpa miña por non mirar desde o primeiro directamente no DOGA--Cheluco 19:55, 26 de novembro de 2010 (UTC)

Revisión da sección de xeografía[editar a fonte]

Non me parei moito, pero ao comezo fálase de tres ríos, e ao final de «outros dous ríos», repetíndose a referencia ao río Rato ao principio e ao final. ─ GallaecioE logo? 00:41, 27 de decembro de 2010 (UTC)

Creo que no segundo sitio onde pon Rato, debería ser Fervedoira. De tódolos xeitos mesmo nos mapas moitas veces non se ditingue ben cal é cal, vou investigar máis o tema.--Adorian (fálame) 11:02, 27 de decembro de 2010 (UTC)
Estou de acordo. É moi confusa a cartografía sobre estes ríos. Coñecedes algunha fonte onde se delimiten claramente os nacementos e desembocaduras destes? Woden (eh ho?!) 16:38, 12 de xaneiro de 2011 (UTC)

Preparación do modelo de concellos[editar a fonte]

Boas, estamos preparando nesta conversa o novo modelo para os concellos que será tamén de aplicación a este artigo, os que estén interesados poden facer os seus comentarios nesa páxina. Saúdos, --Elisardojm (conversa) 14:23, 9 de febreiro de 2011 (UTC)

Capela S. María, pé[editar a fonte]

Unha das fotos di no pé "Capela de Santa María forte á Porta do Bispo Odoario.". Non será "Capela de Santa María fronte á Porta do Bispo Odoario?--. HombreDHojalata.conversa 18:41, 25 de setembro de 2011 (UTC)

  • Correcto, foi un erro tipográfico. Procedo a cambialo.--Adorian (fálame) 18:45, 25 de setembro de 2011 (UTC)

Hospitais[editar a fonte]

Non vexo que se citen os hospitais de Lugo nin o novo HULA. Pregúntome se será un dato que aporte ao artigo --Nemigo (conversa) Bandeira galega civil.svg Bandera de la II República Española.PNG 16:39, 28 de xuño de 2012 (UTC)

Penso que son datos de aporte. O artigo esta bastante bén, entón ises datos haique integralos en harmonia na estrutura actual. Por exemplo na seccion == Economía == engandindo unha sub-seccion de nivel 3 como === Transporte ===. Tamén podese crear outra seccion de nivel 2 que seria == Servicios publicos == ou outro titulo, pero esta opcion supón engadir datos consecuentes, para preservar a harmonia xeral do artigo. --Elvira (Conversa comigo) 19:55, 28 de xuño de 2012 (UTC)

Clima[editar a fonte]

Boas, engadín unha táboa do clima similar ás doutras cidades de Galiza, os datos absolutos da táboa (da AEMET) non concordan cos que achega o que xa hai escrito, como tampouco coinciden os datos das táboas anteriores. Non retirei nada por non saber se as non concordancias se deben a que se trate de distintos observatorios (o da nova táboa corresponde a Lugo Aeroporto). Salientar tamén que as ligazóns das referencias aos datos absolutos de temperatura que sinala o texto xa non existen, polo que habería que xustificalo dalgún xeito. Penso que é urxente que alguén (a poder ser quen incluiu o que había ou que alo menos estea ao tanto de por qué estaba o que estaba) corrixa esto por tratarse dun artigo de calidade, xa que entendo que non pode haber datos contraditorios se ten a estrela, e se persisten durante moito tempo proporei retirar a estrela de calidade. Un saúdo, Piquito (conversa) 00:22, 12 de xullo de 2012 (UTC)

Creo que son da Estación do Campus, mañá tento confirmalo e procurar ligazón, pero de tódolos xeitos se xa están os de Rozas penso que se deberían borrar directamente. As referencias dos datos abslotos debéronse perder ao cambiar a páxina da AEMET, mañá se podo poño as ligazóns novas.--Adorian (fálame) 22:20, 14 de xullo de 2012 (UTC)
Estou botando unha ollada e semella que agora AEMET só analiza os datos de Rozas e Meteo Galicia os do campus. Mañá arranxo todo se teño tempo. Teño referencias dos datos que figuran agora en publicacións externas (proxectos de construcción) pero mellor que quedan as de internet supoño.--Adorian (fálame) 22:26, 14 de xullo de 2012 (UTC)
Grazas Adorian. Piquito (conversa) 08:46, 15 de xullo de 2012 (UTC)

Escudo e bandeira de Lugo[editar a fonte]

Despois da longa conversa que mantivemos sobre o escudo da cidade, hoxe o concello por fin presentou o escudo e bandeiras novos, aprobados hoxe (26/07/12) no consello da Xunta: Novo escudo. Como se ve cambiaron algunhas cousas bastante, como a coroa de marqués, que pasa a ser real e a desaparición da terraza de goles. Alguén que domine o tema pode facelo, ou como funciona o tema dos dereitos de autor e demais?--Adorian (fálame) 15:27, 26 de xullo de 2012 (UTC)

Relativo aos dereitos de autor, non se pode subir unha imaxe tomada do concello ou da deputación pero si se pode debuxar segundo o brasón (a descrición heráldica). Hai expertos nesas cousas, a quen se lles pode facer solicitudes, en es:Wikiproyecto:Ilustración/Taller de Heráldica y Vexilología. --. HombreDHojalata.conversa 20:01, 26 de xullo de 2012 (UTC)
O noso Elisardo fixo a modificación anterior, así que supoño que se poderá ocupar desta. --. HombreDHojalata.conversa 20:06, 26 de xullo de 2012 (UTC)
Tomo nota e tentarei facelo cando teña un momento tranquilo. Saúdos, --Elisardojm (conversa) 23:06, 26 de xullo de 2012 (UTC)

Grazas pola axuda HombreDHojalata e Elisardo.--Adorian (fálame) 09:39, 27 de xullo de 2012 (UTC)

Elisardo, se non che parece mal vou pedir axuda no es:Wikiproyecto:Ilustración/Taller de Heráldica y Vexilología, é xa que se trocou oficialmente o escudo e para non ter un artigo de calidade desactualizado.--Adorian (fálame) 18:59, 17 de outubro de 2012 (UTC)
Non me parece mal, paréceme perfecto porque eles ademais son expertos niso e seguro que o fan mellor ca min. Pero que conste que o tiña na miña lista de tarefas para lembrarme tódolos días, pero líome cun cento de cousas e non hai maneira... Saúdos, --Elisardojm (conversa) 23:47, 17 de outubro de 2012 (UTC)

Ao final parece que non fixeron moito caso á petición :) se aínda estades dispostos a ver se se pode facer. Eu podería tentalo pero non creo que me quede moi alá.--Adorian (fálame) 17:24, 9 de novembro de 2012 (UTC)

Mapa das parroquias de Lugo e da súa situación xeográfica[editar a fonte]

Lugo map.

En moitos artigos de concellos galegos hai un mapa ca situación do concello (de feito en todos hai un mapa ca súa posición en galiza) nalgunhas ademáis hai outro indicando as parroquias que o compoñen e ademáis indicando os concellos cos que limita. Por que a páxina do concello de lugo non vai ter o mesmo? Agardará a galipedia a que o poñan as demáis wikipedias para poñelo aquí? 203.162.69.22 29 de outubro de 2015 ás 10:24 (UTC)

Número de parroquias[editar a fonte]

Alguén pode revisar o número de parroquias? No artigo pon 59 nun sitio e 55 noutro. Saúdos, Elisardojm (conversa) 24 de novembro de 2016 ás 02:49 (UTC)

54 segundo o Nomenclátor da Xunta, 55 segundo o Nomenclátor do IGE. Banjo tell me 24 de novembro de 2016 ás 06:56 (UTC)

Ligazóns externas modificadas (agosto 2018)[editar a fonte]

Ola compañeiros editores,

Acabo de modificar 2 ligazóns externas en Lugo. Por favor tomádevos un momento para revisar a miña edición. Se tedes calquera pregunta, ou precisades que o bot ignore ben estas ligazóns ou ben a páxina por completo, por favor visitade este FAQ para máis información. Fixen os seguintes cambios:

Por favor revisade o FAQ para máis información sobre cómo correxir erros do bot.

Saúdos.—InternetArchiveBot (Informar de erros) 26 de agosto de 2018 ás 05:29 (UTC)

Ligazóns externas modificadas (setembro 2018)[editar a fonte]

Ola compañeiros editores,

Acabo de modificar 1 ligazóns externas en Lugo. Por favor tomádevos un momento para revisar a miña edición. Se tedes calquera pregunta, ou precisades que o bot ignore ben estas ligazóns ou ben a páxina por completo, por favor visitade este FAQ para máis información. Fixen os seguintes cambios:

Por favor revisade o FAQ para máis información sobre cómo correxir erros do bot.

Saúdos.—InternetArchiveBot (Informar de erros) 2 de setembro de 2018 ás 07:35 (UTC)

Ligazóns externas modificadas (setembro 2018)[editar a fonte]

Ola compañeiros editores,

Acabo de modificar 1 ligazóns externas en Lugo. Por favor tomádevos un momento para revisar a miña edición. Se tedes calquera pregunta, ou precisades que o bot ignore ben estas ligazóns ou ben a páxina por completo, por favor visitade este FAQ para máis información. Fixen os seguintes cambios:

Por favor revisade o FAQ para máis información sobre cómo correxir erros do bot.

Saúdos.—InternetArchiveBot (Informar de erros) 5 de setembro de 2018 ás 17:23 (UTC)