Cometa Halley
| Cometa Halley | |||||||||||
|---|---|---|---|---|---|---|---|---|---|---|---|
.svg?lang=gl) | |||||||||||
 | |||||||||||
|
Instancia de
| |||||||||||
|
Epónimo
| |||||||||||
|
Designación provisional
1P/1982 U1
1P/451 L1 530 451 374 1P/374 E1 1P/295 J1 1P/530 Q1 1P/607 H1 1P/760 K1 607 760 684 1P/684 R1 837 295 218 1P/-163 U1 -86 -163 -239 1P/-239 K1 1P/218 H1 1P/-86 Q1 1P/-11 Q1 1P/141 F1 -11 141 66 1P/66 B1 1986 III 1P/837 F1 1P/912 J1 1682 1P/1682 Q1 1P/1607 S1 1P/1531 P1 1607 1531 1759 I 1835 III 1982i 1P/1758 Y1 1P/1909 R1 1P/1835 P1 1909c 912 1P/1456 K1 1P/1378 S1 1P/1066 G1 1145 1066 989 1P/989 N1 1456 1P/1145 G1 1P/1222 R1 1378 1222 1P/1301 R1 1301 1910 II  | |||||||||||
|
Época
| |||||||||||
|
Astro pai
| |||||||||||
|
Astro fillo
| |||||||||||
| Características orbitais | |||||||||||
| Apoapse | 35,282406265764 ua | ||||||||||
| Periastro | 0,57486383137434 ua | ||||||||||
| Argumento de periastro | 112,24143146378 ° | ||||||||||
| Excentricidade orbital | 0,96793599569532 | ||||||||||
| Inclinación orbital | 162,19053004391 ° | ||||||||||
| Período orbital | 27.728,046087904 d | ||||||||||
| Semieixo maior | 17,928635048569 ua | ||||||||||
| Lonxitude do nó ascendente | 59,098947206124 ° | ||||||||||
| Anomalía media | 274,38233713668 ° | ||||||||||
| Tempo de periapse | 2.446.469,9736161 | ||||||||||
| Características físicas | |||||||||||
| Diámetro | 11 km | ||||||||||
| Masa | 220 Tg | ||||||||||
| Densidade | 850 kg/m³ | ||||||||||
| Albedo | 0,04 | ||||||||||
| Magnitude absoluta | 5,5 | ||||||||||
| Datas e cronoloxía | |||||||||||
|
Acontecementos
14 de marzo de 1986 sobrevoo
8 de marzo de 1986 sobrevoo 20 de abril de 1910 pasaxe do perihelio 1759 pasaxe do perihelio 1682 pasaxe do perihelio 1607 pasaxe do perihelio 1531 pasaxe do perihelio 1456 pasaxe do perihelio | |||||||||||
|
Data descuberta
466 a. C.
164 a. C. 240 a. C. 25 de decembro de 1758 | |||||||||||
| Localización | |||||||||||
|
Localización descubrimento
| |||||||||||
| |||||||||||
| |||||||||||
| Wikidata C:Commons | |||||||||||
O cometa Halley, tamén chamado 1P/Halley, é un cometa brillante de período intermediario que retorna ás rexións interiores do sistema solar cada 75,3 anos, aproximadamente. Aínda que o nome fai referencia ao astrómono inglés Edmond Halley por determinar a súa órbita e a súa reaparición periodica, o descubrimento atribúese ao astrónomo Johan Georg Palitzsch que o descubriu o 25 de decembro de 1758, aproximadamente na data prevista por Halley para a súa reaparición (de onde vén a tradición de consideralo como o cometa do Nadal), chegou cun retardo de 618 días polo seu perihelio (ao ser perturbada a súa órbita por Xúpiter e Saturno). Halley, pola súa parte, usou datos de Kepler e Petrus Apianus para facer os seus cálculos.[1]
Características
[editar | editar a fonte]
Orbita en torno do Sol na dirección oposta á dos planetas e ten unha distancia de perihelio de 0,59 unidades astronómicas; no afelio, a súa órbita esténdese alén da órbita de Neptuno sen pasar da órbita de Plutón. Foi o primeiro cometa en ser recoñecido como periódico, cálculo feito por Edmund Halley en 1696, co que demostrou que os cometas eran corpos que tiñan órbitas pechadas moi excéntricas. O cometa foi rexistrado por primeira vez en 240 a. C. e mostrouse visíbel a ollo nu en todas as súas 30 aparicións rexistradas. Na Gallaecia do século V d.C rexistrou a súa visita Hidacio de Chaves, os días 18 e 29 de xuño do ano 451 d.C.
Nos anos 374, 607, 837 e 1066, presentaba un brillo maior que a máis brillante das estrelas do hemisferio norte. A aparición de 1066 ficou rexistrada nas tapizarías de Bayeux.
O brillo do cometa, cando está no perihelio, ten sido interpretado como unha indicación de que este perde aproximadamente 3x1011 kg de gas e poeira en cada aparición; este valor representa cerca de 0,1% da súa masa total. As partículas de poeira maiores compoñen un grupo de meteoros que é atraído pola Terra dúas veces por ano. Isto ten como consecuencia as chuvias de meteoros Eta Aquáridas, no final de abril, e Oriónidas, no final de outubro. A masa deste fluxo de meteoros indica que o cometa está na media idade: foi capturado polo campo gravitacional de Xúpiter, que o obrigou a describir a órbita actual hai máis ou menos 200.000 anos atrás, nunha época en que o seu núcleo tiña aproximadamente 19 km de diámetro. Este núcleo agora ten máis ou menos 11 km de diámetro e dentro de 300.000 anos terá desaparecido completamente. O éxito da predición de Edmond Halley do retorno do seu cometa en 1759 foi considerado como unha proba sensacional da lei da gravitación de Newton. Na reaparición de 1986, a humanidade tiña xa 29 anos de era espacial e unha frota de naves espaciais, inclusive a sonda Giotto, foi enviada para observalo. Está previsto o seu retorno en 2061, tras un periplo de 76 anos.
Aparicións históricas
[editar | editar a fonte]O Halley foi o primeiro(1) cometa con período orbital (P) coñecido,o calculado por Halley, e por iso chámase tecnicamente 1P ou 1P/Halley. Os cometas son visíbeis a simple vista cando se aproximan ao perihelio, ao formar a cola, neste caso a partir duns tres meses antes e ata uns tres meses despois, sen descontar o tempo en que por estar demasiado preto do sol tampouco é visible de noite. Os perihelios dos seus pasos arredor do Sol son:
- 1P/−465 (4 de xullo a 27 de agosto do 466 AC), Grecia (citado por Aristóteles e Plinio).
- 1P/−239 (25 de maio do 240 AC), China (Chiang,1972), Mesopotamia.
- 1P/−163 (12 de novembro 164 AC), Babilonia.
- 1P/−86 (6 de agosto do 87 AC), Armenia.
- 1P/−11 (10 outubro do 12 AC), China, hipótese de Cometa do Nadal.
- 1P/66 (25 de xaneiro do 66 DC), Xudea.
- 1P/141 (22 de marzo do 141)
- 1P/ 218 (17 de maio do 218)
- 1P/295 (20 de abril do 295)
- 1P/374 (16 de febreiro do 374)
- 1P/ 451 (28 de xuño 451), Idacio de Chaves.
- 1P/ 530 (27 de setembro do 530)
- 1P/607 (15 de marzo do 607)
- 1P/684 (2 de outubro do 684)
- 1P/760 (20 de maio do 760)
- 1P/837 (28 de febreiro 837)
- 1P/912 (18 de xullo 912)
- 1P/ 989 (5 de setembro do 989)
- 1P/1066 (20 de marzo do 1066), Tapizarías de Bayeux.
- 1P/1145 (18 de abril do 1145)
- 1P/1222 (28 de setembro do 1222)
- 1P/1301 (25 de outubro do 1301)
- 1P/1378 (10 de novembro do 1378)
- 1P/1456 (9 de xuño do 1456)
- 1P/1531 (26 de agosto do 1531), Petrus Apianus.
- 1P/1607 (27 de outubro do 1607), Johannes Kepler.
- 1P/1682 (15 de setembro do 1682)
- 1P/1759 (13 de marzo do 1759), perihelio do primeiro retorno previsto por Halley.
- 1P/1835 (16 de novembro do 1835)
- 1P/1910 (20 de abril do 1910)
- 1P/1986 (9 de febreiro do 1986)
- Próximo perihelio previsto para o 28 de xullo do 2061.[2]
Chuvia de meteoros
[editar | editar a fonte]A Terra atravesa dúas veces ao ano a órbita do 1P/Halley, en maio e en outubro. A chuvia de meteoros das Eta Acuáridas ten o seu máximo no 6 de maio. A chuvia de meteoros das Oriónidas ten o seu máximo nos días 20 é 21 de outubro.
Notas
[editar | editar a fonte]- ↑ Fore, Meredith. "With open data, scientists share their work". symmetry magazine (en inglés). Consultado o 2019-09-01.
- ↑ A Special Issue on Halley's Comet Arquivado 25 de agosto de 2012 en Wayback Machine. (en inglés)
