Clasificación mundial da FIFA

Na Galipedia, a Wikipedia en galego.
Partido de fútbol entre Brasil e Alemaña.

A clasificación mundial da FIFA (oficialmente Clasificación Mundial FIFA/Coca-Cola, tamén coñecido como ranking FIFA) é un sistema de clasificación das 208 seleccións de fútbol masculino pertencentes á FIFA, utilizado dende agosto de 1993. Esta clasificación baséase nos resultados dos partidos oficiais entre as distintas seleccións a través da entrega de puntos. O actual sistema considera os resultados do últimos oito anos, ponderando con maior valor os resultados máis recentes para reflectir de mellor forma a competitividade actual dos equipos e outras variables, como as características do rival, o lugar de realización do partido e o torneo en que foi disputado (por exemplo, asignándolle maior valor ás fases finais da Copa Mundial de Fútbol que a partidos amigables).

Aínda que esta clasificación é obxectiva ao utilizar fórmulas matemáticas, foi obxecto dun intenso debate, debido a que non reflicte realmente o poder de certos equipos e non considera a traxectoria e a historia das diferentes seleccións. Debido a isto, a FIFA decidiu utilizar un novo sistema, o cal rexe desde o 12 de xullo de 2006. Existen outras clasificacións baseadas en sistemas como, por exemplo, o sistema de puntuación Elo utilizado no xadrez. Dende o mes de xullo de 2010, o equipo que ocupa o primeiro posto da clasificación mundial é España.

Historia[editar | editar a fonte]

Equipos líderes da
Clasificación FIFA

Selección de fútbol de EspañaSelección de fútbol de BrasilSelección de fútbol de EspañaSelección de fútbol de BrasilSelección de fútbol de EspañaSelección de fútbol da ArxentinaSelección de fútbol de ItaliaSelección de fútbol de BrasilSelección de fútbol de ItaliaSelección de fútbol da ArxentinaSelección de fútbol de ItaliaSelección de fútbol de BrasilSelección de fútbol de FranciaSelección de fútbol de BrasilSelección de fútbol de AlemañaSelección de fútbol de BrasilSelección de fútbol de AlemañaSelección de fútbol de ItaliaSelección de fútbol de BrasilSelección de fútbol de Alemaña

En agosto de 1992 a FIFA en conxunto ao seu auspiciador, Coca-Cola, introduciron un sistema de clasificación para as seleccións nacionais adultas masculinas co fin dunha comparación básica das forzas relativas entre os equipos. A través deste sistema, a FIFA realizou diversos cálculos (por exemplo, para a asignación das cabezas de serie no sorteo da Copa Mundial de Fútbol de 2006). Ao longo dos anos implementáronse diversos trocos para poder precisar o sistema de clasificación, principalmente en 1999 e 2006.

Trocos de 1999[editar | editar a fonte]

A clasificación orixinal entregaba a cada equipo, 1 punto por empate e 3 por vitoria, de igual forma ao que se utiliza tradicionalmente nos sistemas de ligas. Con todo, a FIFA recoñeceu posteriormente a existencia de diferentes factores que afectan os resultados dos partidos internacionais. Así, foi deseñado un novo sistema para poder recoñecer estes factores e ter unha mellor forma de comparar diversos equipos de diferentes confederacións. Os principais cambios foron:

  • Os puntos foron escalados nun factor de 10.
  • O método de cálculo dos puntajes foi modificado incluíndo os seguintes factores:
    • Cantidade de goles a favor e en contra.
    • Lugar do enfrontamento (local ou visita).
    • Importancia do partido segundo competición.
    • Forza rexional ou da confederación.
  • Os puntos asignados por vitoria ou empate deixan de ser fixos.
  • As derrotas poden entregar algúns puntos.

Xunto a isto creáronse dous títulos:

  • Equipo do ano.
  • Salto do ano.

Aínda que o sistema de clasificación volveuse máis complexo, os cambios axudaron a dar máis precisión.

Cambios de 2006[editar | editar a fonte]

A pesar dos cambios de 1999, o sistema foi amplamente criticado por non entregar unha clasificación correcta e xusta dos equipos. Para isto, FIFA debeu introducir un novo sistema que debutou o 12 de xullo de 2006, días despois do fin da Copa Mundial de Fútbol de 2006.

Entre os cambios máis importantes figuran o cambio do período de avaliación de oito a catro anos e a simplificación do método de cálculo, eliminando as consideracións de goles e localía. Tamén foi modificada a importancia atribuída aos tipos de encontros.[1]

Líderes[editar | editar a fonte]

Cando o sistema foi lanzado, Alemaña foi o primeiro líder debido ao seu longo éxito tras tres finais consecutivas da Copa Mundial incluíndo o título de 1990. Brasil e Italia alcanzaron o tope da clasificación durante algúns meses debido aos seus exitosos procesos clasificatorios para a Copa Mundial de Fútbol de 1994.

Alemaña recobraría o primeiro lugar durante un tempo ata que Brasil arrebatoullo ao alcanzar o título de 1994. Os suramericanos só serían excedidos pola selección de Francia, tras alcanzar a Copa Mundial de Fútbol de 1998 e a Eurocopa 2000. Brasil volvería ao sitial máximo tras gañar a Copa Mundial de Fútbol de 2002 e a Copa América 2004 e manteríao, a pesar de alcanzar soamente o 5º lugar en Alemaña 2006.

Durante os meses seguintes, o desempeño brasileiro permitiulles conservarse no primeiro posto. Con todo, tras resultados adversos durante xaneiro de 2007, foi desprazado por Italia na clasificación do mes seguinte. Desde ese momento, o liderado da clasificación entraría nunha etapa de constante inestabilidade: Italia mantivo un breve reinado por dous meses e en marzo de 2007, Arxentina obtivo por primeira vez o primeiro lugar. A vitoria brasileira na Copa América 2007 volvería a encumbrarlos na clasificación no mes de xuño. Italia, Arxentina e Brasil liderarían por curtos períodos de forma intermitente, ata que a Albiceleste alcanzou o dominio absoluto desde outubro de 2007.

En xullo de 2008 alcanzou o liderado a selección de fútbol de España tras lograr o título na Eurocopa 2008, e mantívoo un ano até que en xullo de 2009 perdeuno a mans do Brasil, que subiu ao primeiro posto tras gañar a Copa Confederacións 2009, na que España quedou en terceiro lugar. Brasil e España disputáronse o liderado nos meses seguintes camiño á Copa Mundial de Fútbol de 2010, na cal tras a vitoria española, confirmouse o liderado deste último equipo.

Selección Período
Alemaña Alemaña Agosto de 1993
Brasil Brasil Setembro e outubro de 1993
Italia Italia Novembro de 1993
Alemaña Alemaña Decembro de 1993 a marzo de 1994
Brasil Brasil Abril a maio de 1994
Alemaña Alemaña Xuño de 1994
Brasil Brasil Xullo de 1994 a abril de 2001
Francia Francia Maio de 2001 a maio de 2002
Brasil Brasil Xuño de 2002 a xaneiro de 2007
Italia Italia Febreiro de 2007
Arxentina Arxentina Marzo de 2007
Italia Italia Abril de 2007 a xullo de 2007
Brasil Brasil Xullo a setembro de 2007
Italia Italia Setembro a outubro de 2007
Arxentina Arxentina Outubro de 2007 a xullo de 2008
España España Xullo de 2008 a xullo de 2009]]
Brasil Brasil Xullo de 2009 a novembro de 2009
España España Novembro de 2009 a abril de 2010
Brasil Brasil Abril de 2010 a xullo de 2010
España España Xullo de 2010 a xullo de 2011
 Países Baixos agosto de 2011
España España setembro de 2011 a xuño de 2014
Alemaña Alemaña xullo de 2014 a xuño de 2015
Arxentina Arxentina xullo de 2015 a outubro de 2015
Bélxica Bélxica novembro de 2015 a marzo de 2016
Arxentina Arxentina abril de 2016 a marzo de 2017
Brasil Brasil abril de 2017 a xuño de 2017
Alemaña Alemaña xullo de 2017
Brasil Brasil agosto de 2017
Alemaña Alemaña setembro de 2017 a xullo de 2018
Francia Francia agosto a setembro de 2018
Bélxica Bélxica e

Francia Francia

setembro a outubro de 2018
Bélxica Bélxica outubro de 2018 a febreiro de 2022
Brasil Brasil dende marzo de 2022

Clasificación actual[editar | editar a fonte]

Resumo da clasificación masculina[editar | editar a fonte]

Última actualización: 6 de outubro de 2022.
Próxima actualización: 22 de decembro de 2022.

Brasil chega á cima da clasificación, tras 3 anos de dominación belga.
Pos. V Selección Confederación Puntos
1 Straight Line Steady.svg Brasil Conmebol 1841.30
2 Straight Line Steady.svg Bélxica UEFA 1816.71
3 Straight Line Steady.svg Arxentina Conmebol 1773.88
4 Straight Line Steady.svg Francia UEFA 1759.78
5 Straight Line Steady.svg Inglaterra UEFA 1728.47
6 Crecente (crecemento) 1 Italia UEFA 1726.14
7 Decrecente 1 España UEFA 1715.22
8 Straight Line Steady.svg Países Baixos UEFA 1694.51
9 Straight Line Steady.svg Portugal UEFA 1676.56
10 Straight Line Steady.svg Dinamarca UEFA 1666.57
11 Straight Line Steady.svg Alemaña UEFA 1650.21
12 Crecente (crecemento) 3 Croacia UEFA 1645.64
13 Decrecente 1 México Concacaf 1644.89
14 Decrecente 1 Uruguai Conmebol 1638.71
15 Crecente (crecemento) 1 Suíza UEFA 1635.92
16 Decrecente 2 Estados Unidos Concacaf 1627.48
17 Straight Line Steady.svg Colombia Conmebol 1611.04
18 Straight Line Steady.svg Senegal CAF 1584.38
19 Straight Line Steady.svg Gales UEFA 1569.82
20 Crecente (crecemento) 2 Irán AFC 1564.61

Resumo da clasificación feminina[editar | editar a fonte]

Última actualización: 13 de outubro de 2022.
Próxima actualización: 9 de decembro de 2022.[2]

A selección de Estados Unidos continúa afirmada na cima da clasificación.
Pos. V Selección Confederación Puntos
1 Straight Line Steady.svg Estados Unidos CONCACAF 2086.48
2 Crecente (crecemento) 1 Suecia UEFA 2066.30
3 Decrecente 1 Alemaña UEFA 2064.75
4 Straight Line Steady.svg Inglaterra UEFA 2051.61
5 Straight Line Steady.svg Francia UEFA 2023.09
6 Crecente (crecemento) 2 España UEFA 1997.74
7 Straight Line Steady.svg Canadá CONCACAF 1997.31
8 Decrecente 2 Países Baixos UEFA 1994.69
9 Straight Line Steady.svg Brasil CONMEBOL 1989.98
10 Straight Line Steady.svg Corea do Norte AFC 1940
11 Straight Line Steady.svg Xapón AFC 1918.16
12 Crecente (crecemento) 1 Noruega UEFA 1910.78
13 Decrecente 1 Australia AFC 1903.10
14 Crecente (crecemento) 1 Italia UEFA 1865.09
15 Crecente (crecemento) 1 China AFC 1862.87
16 Decrecente 2 Islandia UEFA 1850.91
17 Crecente (crecemento) 1 Corea do Sur AFC 1849.16
18 Decrecente 1 Dinamarca UEFA 1847.17
19 Crecente (crecemento) 1 Austria UEFA 1793.68
20 Decrecente 1 Bélxica UEFA 1791.37

Críticas[editar | editar a fonte]

Dende a súa introdución en 1993, a clasificación da FIFA foi intenso obxecto de debate, particularmente os procedementos para calcular o posto dunha selección e a disparidade entre a calidade aparente e a posición dalgunhas seleccións.[3] Por exemplo, Noruega alcanzou o segundo lugar en outubro de 1993 e en xullo de 1995, e os Estados Unidos chegáronos ao cuarto posto da clasificación para sorpresa dos propios xogadores.[4]

Unha mostra da disparidade entre a calidade efectiva das seleccións e a clasificación oficial foi durante a Copa Mundial de Fútbol de 2006. Equipos como Chequia e os Estados Unidos (situados nos lugares 2º e 5º, respectivamente) non pasaron a segunda rolda, mentres equipos como Alemaña (no lugar 19º) chegou até as semifinais.

Un dos argumentos da crítica é que o sistema de clasificación só ten en conta o desempeño dos equipos sobre un período de oito anos e que o desempeño dos equipos non ten correlación coa clasificación. Tamén se argumenta que en confederacións de menor calidade en xeral (como a AFC e a Concacaf), as súas seleccións ven sobrevaloradas, mentres que os equipos de confederacións máis competitivas (como a UEFA e a Conmebol) son desprazados a lugares menores.[4]

Os fallos no ordenamento levaron á elaboración de sistemas alternativos de clasificación como o Sistema de puntuación Elo e o sistema RSSSF.[3]

Notas[editar | editar a fonte]

  1. "A nova Clasificación Mundial FIFA/Coca-Cola". Arquivado dende o orixinal o 10 de maio de 2007. Consultado o 19 de xullo de 2010. 
  2. Erro no código da cita: Etiqueta <ref> non válida; non se forneceu texto para as referencias de nome ranking
  3. 3,0 3,1 The World Rankings riddle
  4. 4,0 4,1 FIFA adapting new world rankings

Véxase tamén[editar | editar a fonte]

Ligazóns externas[editar | editar a fonte]