Catherine Ashton

Catherine Ashton
Alto Representante da Unión para Asuntos Exteriores e Política de Seguridade e Vicepresidenta da Comisión Europea
Período	1 de decembro de 2009 - actualidade
Datos persoais
Nacemento	20 de marzo de 1956
	Up Holland
Organización	Partido Laborista
Pai	Harold Ashton
Nai	Clare Margaret Ashton
Cónxuxe	Peter Kellner
Alma máter	Bedford College
Profesión	Economista, política
Na rede
[ editar datos en Wikidata ]

Catherine Margaret Ashton, baronesa Ashton de Upholland, nada o 20 de marzo de 1956, é unha economista e política laborista británica, Alta Representante da Unión para Asuntos Exteriores e Política de Seguridade e vicepresidenta da Comisión Europea.

Biografía

Catherine Margaret Ashton estudou a carreira na Universidade de Londres. Ten dous fillos e tres fillastros.

Traxectoría política

Ashton foi designada Alta Representante da Unión para Asuntos Exteriores e Política de Seguridade e Vicepresidenta da Comisión Europea o 19 de novembro de 2009 segundo o estipulado no Tratado de Lisboa.

Con anterioridade a esa data desempeñou o cargo de Comisaria Europea de Comercio e previamente traballara como Presidenta da Cámara dos Lores e como Lord President do Consello no primeiro gabinete de Gordon Brown en xuño do 2007. Tamén dirixiu o proceso do Tratado de Lisboa ata a súa ratificación pola Cámara dos Lores.

Entre 1977 e 1979 Ashton traballou na Campaña para o Desarmamento Nuclear e máis tarde foi elixida como a súa tesoureira nacional. Dende 1983 ata 1989 foi directora do Business in the Community traballando en temas de desigualdade.

---

Este artigo sobre política é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---