Pippa Middleton

Pippa Middleton
Nome completo	Philippa Charlotte Middleton
Nacemento	6 de setembro de 1983
Lugar de nacemento	Royal Berkshire Hospital
Nacionalidade	Reino Unido
Alma máter	Universidade de Edimburgo, Downe House, Marlborough College e St Andrew's School, Pangbourne
Ocupación	columnista, escritora e socialité
Pai	Michael Middleton
Nai	Carole Middleton
Cónxuxe	James Matthews
Fillos	Arthur Matthews, Grace Matthews e Rose
Irmáns	Catarina de Gales e James Middleton
Na rede
[ editar datos en Wikidata ]

Philippa "Pippa" Charlotte Matthews (máis coñecida co seu nome de solteira como Pippa Middleton), nada en Reading o 6 de setembro de 1983 é a única irmá de Catarina de Cambridge. Socialite e organizadora de festas. Ela foi dama de honra no casamento da súa irmá co príncipe Guillerme de Cambridge.

En 2012, a revista estadounidense Time clasificou a Pippa e á súa irmá, Catarina de Cambridge entre as 100 persoas máis influentes no mundo.

Primeiros anos

Pippa Middleton naceu no Royal Berkshire Hospital de Reading, Inglaterra. Ela é a segunda de tres fillos. Os seus pais son Michael Middleton (nado en 1949) e Carole Goldsmith (nada en 1955). Os seus irmáns son Catarina de Cambridge, dona do Príncipe Guillerme, e James Middleton.

Middleton foi educada no colexio St Andrew e no Downe House, posteriormente no Marlborough College ata graduarse da Universidade de Edimburgo co grado de literatura inglesa.

Matrimonio

Pippa casou o 20 de maio de 2017 co empresario James Matthews, herdeiro do título do señorío de Glen Affric. Se Matthews sucedera ao seu pai, Pippa converteríase en Lady Glen Affric.

En xuño de 2018, Middleton confirmou o seu primeiro embarazo. O 15 de outubro de 2018 naceu o seu primeiro fillo, Arthur Michael William Matthews.