Cardiomegalia
| Cardiomegalia | |||||||||||||
|---|---|---|---|---|---|---|---|---|---|---|---|---|---|
 | |||||||||||||
 Cardiomegalia nunha radiografía de tórax, amosando tamén un marcapasos artificial. | |||||||||||||
|
Instancia de
| |||||||||||||
|
Subclase de
| |||||||||||||
|
Causado por
| |||||||||||||
|
Especialidade médica
| |||||||||||||
|
Exames médicos
| |||||||||||||
| Identificadores | |||||||||||||
| |||||||||||||
| Wikidata C:Commons | |||||||||||||
A cardiomegalia é un termo empregado en medicina para describir o agrandamento anormal do corazón ou hipertrofia cardíaca. Trátase dun signo que adoita aparecer en persoas con insuficiencia cardíaca crónica, ademais doutros tipos de miocardiopatías.[1]
Pode ser unha manifestación da doenza de Wernicke.
Clasificación
[editar | editar a fonte]A cardiomegalia pode afectar a un ou ambos ventrículos ou aurículas. Habitualmente clasifícase do seguinte xeito:
- Cardiomegalia por dilatación, que deriva dun dano que debilita o músculo cardíaco, como un ataque ao corazón.[2]
- Cardiomegalia por hipertrofia: o máis habitual é que a hipertrofia sexa do corazón esquerdo, ou en casos máis graves, de todo o corazón. Porén, existen determinadas doenzas nas que existe unha hipertrofia illada dalgunha das cámaras cardíacas:
- Hipertrofia auricular, ben sexa esquerda ou dereita.
- Hipertrofia ventricular:[3]
- Hipertrofia ventricular esquerda, que pode derivar de hipertensión arterial de longo tempo de evolución.
- Hipertrofia ventricular dereita, que pode producirse por hipertensión pulmonar, ou en casos de hipertrofia ventricular esquerda de anos de evolución.
Sintomatoloxía
[editar | editar a fonte]A cardiomegalia implica, pola súa definición, que a mecánica de latexo do corazón estea alterada, isto é, o corazón terá problemas para bombear o sangue ao resto do corpo. Isto acrecéntase en situacións de esforzo físico. Así, os principais síntomas indicativos de cardiomegalia son:
- Astenia ou cansazo.
- Mareos.
- Tose improdutiva.
- Dificultade para respirar, a respiración é acelerada e con sensación de falta de folgos.
- Trastornos do ritmo cardíaco, como arritmias, aumento do ritmo cardíaco taquicardia ou palpitacións.
- Edema, sobre todo nos pés e nocellos.
Diagnóstico
[editar | editar a fonte]En moitas ocasións unha simple exploración física dos signos e síntomas abonda para diagnosticar ou sospeitar cardiomegalia. As flutuacións do pulso, a tose e sobre todo a dificultade respiratoria orientan o diagnóstico de cardiomegalia.
O xeito máis doado de observar a cardiomegalia é mediante unha radiografía simple do tórax. A definición radiolóxica de cardiomegalia é unha silueta cardíaca (corazón) que ocupa máis da metade do espazo que o que ocupan a suma dos dous pulmóns.
O electrocardiograma é útil para determinar se hai trastornos do ritmo cardíaco típicos da cardiomegalia, como a taquicardia ou outras arritmias. Tamén pode facilitar o diagnóstico da doenza subxacente, isto é, da patoloxía de base que está a causar o agrandamento do tamaño do corazón, como pode ser a insuficiencia cardíaca ou as cardiomiopatías.
Outras probas de utilidade son a TAC, o ecocardiograma, o cateterismo cardíaco ou a proba de esforzo.
Tratamento
[editar | editar a fonte]O tratamento da cardiomegalia ha de enfocarse a tratar a causa que a provoca. Así, se se determina que a cardiomegalia está a ser causada por unha insuficiencia cardíaca, o tratamento ha de ser o específico para esta doenza, isto é, diuréticos, IECAs, digoxina etc. A cirurxía é en ocasións unha solución válida.
Notas
[editar | editar a fonte]- ↑ Cardiomegaly (cardiomegalia) en National Library of Medicine - Medical Subject Headings (en inglés).
- ↑ Enlarged Heart en American Heart Association (en inglés).
- ↑ Cardiomegalia en Medciclopedia: Dicionario ilustrado de termos médicos.
Véxase tamén
[editar | editar a fonte]Outros artigos
[editar | editar a fonte]Ligazóns externas
[editar | editar a fonte]- youtube.com Vídeo explicativo da cardiomegalia.
