Bioloxía evolutiva

Na Galipedia, a Wikipedia en galego.

A bioloxía evolutiva é unha subdivisión da Bioloxía que estuda a orixe e a descendencia das especies, ben como as súas mudanzas ao longo do tempo, ou sexa, a súa evolución. Os estudosos da bioloxía evolutiva coñécense como biólogos evolutivos ou evolucionistas.

Este campo da Bioloxía pode ser referido como un meta campo, pois abranxe científicos de varias disciplinas tradicionais, taxonomicamente orientadas. A bioloxía evolutiva xeralmente abarca científicos de áreas especializadas en determinadas categorías de organismos, como mastozooloxía, ornitoloxía ou herpetoloxía, mais que utilizan eses organismos como sistemas para responder cuestións xerais da Evolución. Xeralmente, tamén inclúe paleontólogos, que usan fósiles para responder cuestións relacionadas co modo e o tempo da evolución, así como teóricos en áreas como a xenética de poboacións e teoría evolutiva. Na década de 1990 a bioloxía do desenvolvemento xuntouse coa bioloxía evolutiva, despois de ser inicialmente excluída, a través do estudo da bioloxía do desenvolvemento evolutivo.

Historia[editar | editar a fonte]

A bioloxía evolucionista, como disciplina académica, xurdiu como resultado da síntese evolutiva moderna nas décadas de 1930 e 1940. Entretanto, foi só nas décadas de 1970 e 1980 cando un número significativo de universidades pasou a ter departamentos que incluían especificamente o termo bioloxía evolucionista nos seus títulos. Nos Estados Unidos da América, como resultado do rápido crecemento da bioloxía molecular e da bioloxía celular, moitas universidades dividiran (ou agregaran) os seus departamentos de Bioloxía en departamentos do estilo de bioloxía celular e molecular e bioloxía evolucionista e ecoloxía (que xeralmente incorporaron antigos departamentos de Paleontoloxía, Zooloxía e afíns).

A Microbioloxía desenvolveuse recentementa nunha disciplina evolutiva. Foi orixinalmente ignorada debido á escaseza de trazos morfolóxicos e á falta dun concepto de especie na microbioloxía. Agora, os investigadores evolucionistas están a explorar a nosa extensa comprensión da fisioloxía microbiana, a facilidade da xenómica microbiana, e o curto tempo de cada xeración de algúns microbios a fin de responder cuestións evolutivas. Características similares axudaron no progreso do estudo da evolución viral, particularmente con bacteriófagos.

Biólogos evolucionistas notábeis[editar | editar a fonte]

Os contribuidores notábeis á bioloxía evolucionista inclúen:

Popularizadores notábeis da evolución cuxas pesquisas non están primariamente ligadas á bioloxía evolucionista son: