Bethesda Softworks

Na Galipedia, a Wikipedia en galego.
Saltar ata a navegación Saltar á procura

Bethesda Softworks é unha empresa estadounidense dedicada á distribución e desevolvemento de videoxogos, propiedade de ZeniMax Media. Foi fundada en 1986 e ten a súa sede en Maryland. É coñecida polos seus videoxogos de simulación deportiva, de acción e de rol.

Algúns dos seus traballos máis coñecidos son a serie The Elder Scrolls e os videoxogos Fallout 3 e Terminator. O 24 de xuño de 2009 a empresa matriz fíxose con id Software, outra empresa dedicada ó desenvolvemento de videoxogos.

Historia[editar | editar a fonte]

Dende fai dúas décadas, Bethesda Softworks é unha compañía desenvolvedora e distribuidora de contidos para o entretemento interactivo, principalmente videoxogos para consolas e ordenadores. Foi fundada en 1986 por Christopher Weaver en Bethesda (Maryland), e a súa sede foi posteriormente desprazada a Rockville (Maryland) en 1990. En 1999, Weaver, xunto co seu socio Robert Altman, fundou ZeniMax Media, quedando Bethesda como filial de dita empresa.

Bethesda foi recoñecida dende a súa creación polo desenvolvemento do primeiro videoxogo de deportes baseado nun motor de físicas, Gridiron!, en 1986 para a Atari ST, a Commodore Amiga e a Commodore 64/128. Os seus primeiros traballos foron ben recibidos por parte da prensa especializada; por exemplo, en diversos análises do videoxogo Wayne Gretzky Hockey, catalogáselle como «un xogo excelente» ou, no caso do análise de Amiga Computing, «a simulación deportiva máis precisa e divertida que tiven o pracer de xogar».[1][2] A empresa é moi coñecida por crear a serie de videoxogos de rol The Elder Scrolls, en base ao traballo orixinal de Julian Lefay. O primeiro capítulo da serie, denominado The Elder Scrolls: Arena, foi lanzado en 1994. A partir dese momento, grazas ao éxito obtido, publicáronse numerosos videoxogos relacionados. As secuelas directas, Daggerfall, Morrowind, Oblivion, e Skyrim foron publicadas en 1996, 2002, 2006 e 2011, respectivamente. Ademais, a serie tivo varios spin-offs relacionados: An Elder Scrolls Legend: Battlespire en 1997, The Elder Scrolls Adventures: Redguard en 1998 e The Elder Scrolls Travels: Shadowkey en 2004. O estudio tamén é coñecido por publicar títulos baseados en franquías populares de películas, como The Terminator, Star Trek, Pirates of the Caribbean ou Mad Max.

En 2004, Bethesda Softworks adquiriu a serie de videoxogos de rol Fallout, propiedade ata o momento de Interplay Productions, traspasando o desenvolvemento de Fallout 3 ao estudio interno Bethesda Game Studios. O videoxogo foi finalmente lanzado o 28 de outubro de 2008. Ao ano seguinte dende o seu lanzamento, foron publicadas cinco expansións de contido para dito videoxogo: Operation: Anchorage, The Pitt, Broken Steel, Point Lookout, e Mothership Zeta. O 24 de xuño de 2009, ZeniMax Media, empresa matriz de Bethesda, adquiriu o estudio de desenvolvemento Id Software, cuxos títulos, incluíndo Rage, serían publicados por Bethesda Softworks a partir dese momento.[3]

Bethesda continuou ampliando a súa rama de distribución con novas franquías. En 2009, Bethesda lanzou Wet e Rogue Warrior, e en 2010 a seguinte entrega da serie Fallout, Fallout: New Vegas, desenvolvido por Obsidian Entertainment. En maio de 2011, a empresa distribuíu dous novos títulos, Brink, desenvolvido por Splash Damage, e Hunted: The Demon's Forge, un videoxogo de acción e fantasía desenvolvido por inXile Entertainment.

Microsoft anunciou o 21 de setembro de 2020 que acordaría adquirir ZeniMax por 7,5 mil millóns de dólares, e que o acordo cerraríase na segunda metade de 2021. [4] O 9 de marzo de 2021, Microsoft anunciou oficialmente a compra tralo visto e prace da Unión Europea.

Notas[editar | editar a fonte]

  1. Walker, Jeff (Setembro de 1989). "Wayne Gretzky Hockey". Amiga Computing (en inglés) 2 (4). Consultado o 15 de agosto de 2012. 
  2. Kennedy, John (Decembro de 1989). "It is the Orangeblobs v. the Blackblobs: GRIDIRON!". Amiga Computing (en inglés): 26. Consultado o 15 de agosto de 2012. 
  3. "ZeniMax Media Acquires id Software" (en inglés). Reuters.com. 24 de xuño de 2009. Arquivado dende o orixinal o 17 de agosto de 2009. Consultado o 15 de agosto de 2012. 
  4. "Microsoft to Buy Bethesda for $7.5 Billion to Boost Xbox" (en inglés). Arquivado dende o orixinal o 21 de setembro de 2020. Consultado o 21 de setembro 2020. 

Véxase tamén[editar | editar a fonte]

Ligazóns externas[editar | editar a fonte]


Este artigo tan só é un bosquexo
 Este artigo sobre videoxogos é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.