Base Vandenberg da Forza Aérea
| Base Vandenberg da Forza Aérea | |
|---|---|
 | |
.jpeg) | |
| Tipo | base aérea, cosmódromo e Lugar designado polo censo |
| Nomeado en referencia a | Philip St. George Cooke e Hoyt Vandenberg |
| Eventos/Actividades | aquisição, construción, activation, deactivation, activation, deactivation, transferência, Renovación, mudança de nome e transferência |
| En | Condado de Santa Bárbara, California |
| País | Estados Unidos de América |
| 34°44′16″N 120°32′15″O / 34.737890289748, -120.53743721749Coordenadas: 34°44′16″N 120°32′15″O / 34.737890289748, -120.53743721749 | |
| Na rede | |
| https://www.vandenberg.spaceforce.mil e http://www.vandenberg.af.mil | |
      | |
| [ editar datos en Wikidata ] | |
A Base Vandenberg da Forza Aérea está situada á beira do Pacífico, na costa central de California, a uns 240 km ao noroeste de Os Ánxeles, no Condado de Santa Bárbara.[1] Úsase para lanzamentos espaciais e para probas de mísiles desde 1958. A historia da base comeza en 1941, cando o exércido dos Estados Unidos comprou uns terreos que serían a orixe da base actual e que serían coñecidos como Camp Coooke. Recibiu o seu nome definitivo o 4 de outubro de 1958 en honor ao xeneral General Hoyt S. Vandenberg.
O primeiro lanzamento dun mísil (un PGM-17 Thor) desde a base tivo lugar o 16 de decembro de 1958, e dous meses máis tarde, o 28 de febreiro de 1959, engalou o primeiro lanzamento espacial cun Thor/Agena levando a bordo o Discoverer I. O primeiro Atlas engalou desde a base o 9 de setembro de 1959 e máis tarde o primeiro Titan. En anos sucesivos diferente mísiles e foguetes espaciais foron sendo postos en servizo. Os proxectos máis ambiciosos proxectados para a base Vandenberg foron o proxecto MOL e o programa do transbordador espacial. O primeiro consistía nunha estación espacial militar tripulada que finalmente foi cancelada en 1969. En canto ao programa do transbordador, adaptouse unha das zonas de lanzamento (SLC-6) para ser usada polos transbordadores e que nunca chegou a entrar en servizo, sendo cancelada oficialmente en 1989. Esa mesma zona é usada agora polo Delta IV.
En 1995 creouse en Vandeberg o Espazoporto California, operado pola empresa Spaceport Systems International, e que fai uso das infraestruturas xa existentes na base para uso por parte de empresas comerciais.[2]
En 2020 lánzase dende alí o Sentinel 6.[1]
Notas[editar | editar a fonte]
- ↑ 1,0 1,1 "Vandenberg Air Force Base, California". www.esa.int (en inglés). Consultado o 2020-11-22.
- ↑ Mark Wade (2011). "Vandenberg" (en inglés). Consultado o 9 de marzo de 2018.
Véxase tamén[editar | editar a fonte]
 |
Wikimedia Commons ten máis contidos multimedia na categoría: Base Vandenberg da Forza Aérea |
