Bangiophyceae
| Bangiophyceae | |||||||||||
|---|---|---|---|---|---|---|---|---|---|---|---|
| Bangiophyceae Richard von Wettstein 1901  | |||||||||||
| |||||||||||
| |||||||||||
| Clasificación taxonómica | |||||||||||
| |||||||||||
| |||||||||||
| Wikidata C:Commons | |||||||||||
A das banxiofíceas (Bangiophyceae) é unha clase de rodófitas (algas vermellas) que, durante moito tempo, foron consideradas como protistas, pero na actualidade inclúense no reino das plantas.[1] Comprende organismos unicelulares e pluricelulares.[2]
Taxonomía
[editar | editar a fonte]Descrición
[editar | editar a fonte]O taxon foi descito en 1901 polo, botánico austríaco Richard von Wettstein, na súa obra Handbuch der systematischen Botanik. Vol. 1. Leipzig & Wein: Franz Deuticke.[3]
Etimoloxía
[editar | editar a fonte]O nome científico Bangiophyceae está formado pola unión dos elementos do latín científico Bangi- e -phyceae, cun -o- epentético intercalado. Bangi- é a raíz do nome do xénero Bangia, o tipo da familia das banxiáceas, unha das familias das banxiofíceas. E -phyceae e un sufixo empregado para formar os nomes científicos das clases de algas, derivado do grego antigo φῦκος phỹkos, "alga".[4]
Clasificación
[editar | editar a fonte]Segundo o WoRMS, a clase inclúe unha única sublcase:[1]
- Orde Banxiales (Bangiales)
- Orde Goniotricales (Goniotrichales)
O ITIS, na actualidade (2021) acepta as dúas ordes do WoRMS, pero non considera sublcase ingunha.[6]
- Orde Banxiales (Bangiales)
- Orde Goniotricales (Goniotrichales)
Características
[editar | editar a fonte]Estas algas teñen un tamaño moi pequeno, e algunhas (as unicelulares) non son visíbeis "a ollo espido" (simple vista). Teñen un talo filamentoso non frasmificado, uniseriado ou multiseriado, ás veces foliado con crecemento intercalar. As células son usualmente uninucleadas e teñen un plasto estrelado con pirenoide.
A reprodución sexual lévase a cabo por gametos carentes de flaxelos (tanto os espermatozoides como, obviamente, as oosferas). Os espermatozoides orixínanse nos anteridios; as oosferas están contidas no carpogonio, ptoviro dun apéndice (tricóxina) destinado ao contacto cos gametos masculinos.[7] Tras a fecundación, do cigoto orixínanse case de inmediato as carpósporas, esporas diploides que ao xerminaren producen un talo chamado monosporofito. O monosporofito ten esporanxios que, por meiose, producen monospóras, esporas haploides, de cuxa xerminación se orixina o gametófito. O ciclo biolóxico destas algas é haplodiploide.
Notas
[editar | editar a fonte]- 1 2 Bangiophycidae A. Wettstein, 1901 no WoRMS.
- ↑ Kamiya, M., et al. (2017): "Rhodophyta". En: Solfgang Frey, ed. Syllabus of Plant Families. A. Engler's Syllabus der Pflanzenfamilien Part 2/2: Photoautotrophic eukaryotic Algae. Rhodophyta. Stuttgart: Borntraeger Science Publishers. ISBN 978-3-4430-1094-2.
- ↑ Bangiophyceae Wettstein, 1901 en AlgaeBase.
- ↑ -phyceae no Collins English Dictionary.
- ↑ Bangiales no WoRMS.
- ↑ Bangiophyceae no ITIS. Consukltado o 14 de febreiro de 2021.
- ↑ Órgano feminino das rodofíceas equivalente a un oogonio e constituído por unha célula máis ou menos cónica e ensanchada na súa base, rematada por unha tricóxina en forma de pelo. (carpogonio en Dicciomed].
Véxase tamén
[editar | editar a fonte] |
Wikimedia Commons ten máis contidos multimedia na categoría: Bangiophyceae |
 |
Wikispecies posúe unha páxina sobre: Bangiophyceae |
Bibliografía
[editar | editar a fonte]- Guiry, M. D. & Guiry, G. M. (2021): AlgaeBase. World-wide electronic publication, National University of Ireland, Galway. Consultada o 13 de febreiro de 2021.
- Saunders, G. W. & Hommersand, M .H. (2004): "Assessing red algal supraordinal diversity and taxonomy in the context of contemporary systematic data" Arquivado 13 de febreiro de 2021 en Wayback Machine.. American Journal of Botany 91 (10): 1494–1507.
