Pobo ávaro

Na Galipedia, a Wikipedia en galego.
(Redirixido desde "Avares")
Territorio tradicional dos ávaros (número 2) no Daguestán.

Os ávaros[1] son un pobo do Cáucaso, que habita principalmente no Daguestán, onde son o grupo predominante, a súa lingua é o ávaro, pertencente á familia das linguas caucásicas nororientais e a súa relixión tradicional o islam sunita. Aproximadamente os ávaros son un millón de persoas.

Localización[editar | editar a fonte]

A maior parte dos ávaros habitan territorios montañosos do oeste do Daguestán, unha minoría vive nas planicies desa república, en especial nos distritos de Buynaksky, Khasavyurtovsky e Kizilyurtovsky, en todo o territorio viven 850.011 ávaros. Noutras repúblicas de Rusia hai tamén minorías, así en Chechenia hai 4864[2], en especial nos distritos de Sharoysky e Shelkovskoy. En total en Rusia cóntanse 910.200, segundo o censo de 2010, aínda que hai que ter en conta que nos censos rusos inclúense como ávaros membros dalgunhas pequenas minorías andi-dido. En Acerbaixán son 50.891 segundo o censo de 1999[3] concentrados nas rexións de Balakan e Zaqatala. En Xeorxia hai 1996[4] segundo o censo de 2002 localizados na súa inmensa maioría no distrito de Qvareli. Non hai datos do número de ávaros en Turquía, algúns cífrannos en 53.000[5]

Notas[editar | editar a fonte]