Autol é o primeiro centro produtor de España de cogomelos e champiñóns. Foi tradicionalmente un concello agrícola cuxos cultivos básicos foron os de secaño e en menor proporción os de regadío. Así, destaca o cultivo de viñas, cereal e oliveira. Tamén ten unha rica horta, que é a base das empresas de conservas, unha das principais fontes económicas da poboación.
Autol está situado en plena conca do río Cidacos, entre a serra de Erga e pena Isasa. Caracterízase por ter un clima continental de invernos fríos e veráns secos e calorosos. Isto fai que a serra próxima ao municipio estea composta de monte baixo con abundantes herbas aromáticas, piñeiros laricios e negrales.
Respecto da fauna, destacan o xabaril e o corzo e as abellas, posto que hai unha gran cantidade de colmeas artificiais que se constrúen debido á abundancia de plantas aromáticas.
O último sábado de xuño celébrase o Miserere da montaña, representación da lenda de Gustavo Adolfo Bécquer, que se inspirou na ruínas do primeiro asentamento cisterciense que se fundou en España (situado no monte Erga a 1.100 m de altitude), levada a cabo pola Confraría do Santísimo de Autol.
.svg){kind=small}
