Ask the Dust é unha novela escrita polo italo-americano John Fante en 1939, ambientada en California na época posterior ó crack do 29. Forma parte da tetraloxía da que é protagonista Arturo Bandini, o álter ego do autor.
O mozo Arturo Bandini, fillo de emigrantes italianos, soña con converterse nun escritor de contos. Logo de non lograr publicar nin unha soa historia, múdase de Colorado, onde vivía coa familia, aos Ánxeles, en busca de fortuna. Encóntraa aloxado nunha pensión no barrio de Bunker Hill. Vagabundeando pola cidade na procura de esperanza, coñece unha camareira mexicana, Camilla Lopez, e comezan unha difícil e atormentada historia de amor chea de paixón e litixios: a loita constante contra o espectro da pobreza e a inferioridade social.
