Antonio Sánchez Taboada
| Biografía | |
|---|---|
| Nacemento | 16 de marzo de 1932  Sada, España |
| Morte | agosto de 2023 (91 anos) |
| Actividade | |
| Ocupación | futbolista |
| Deporte | fútbol |
| Posición de xogo | Dianteiro |
Antonio Sánchez Taboada, máis coñecido como Lexo, nado en Sada o 16 de marzo de 1932 e finado en agosto de 2023, foi un futbolista galego, que xogaba de dianteiro.
Traxectoria
[editar | editar a fonte]Despois de xogar no Canido, no Arsenal de Ferrol e no SRD Esteiro fichou polo Deportivo da Coruña.[1][2][3] Na tempada 1954/55 foi cedido ao Deportivo Xuvenil, que xogaba na Segunda División.[4] Disputou só un partido, anotando un gol, e despois volveu á disciplina branquiazul, debutando en Primeira División na xornada 20, nun derbi contra o Celta de Vigo.
Na seguinte tempada foi cedido ao Racing de Ferrol xunto a Ledo, Antelo e Rafael Franco, pero lesionouse no partido de proba nun choque con Olavide, perdendo gran parte da tempada.[5] Tras debutar e xogar só dous encontros volveu ao Deportivo para substituír nos derradeiros partidos da tempada primeiro ao lesionado Gárate e logo a Juananco. No verán de 1956 fichou polo Burgos xunto a outros tres coruñeses: Manín, Losada e Regueira,[6] e na tempada 1957/58 xogou co Cartagena en Terceira.
En 1959 marchou a Venezuela, onde levaba uns anos o seu irmán Juan.[7] Alí fichou polo Deportivo Celta, o equipo do Lar Gallego de Caracas. Foron con el o dianteiro Jaime Guillín e o adestrador Antonio Villar Chao.[8] Xogou logo no novo Deportivo Galicia e en 1961 volveu a Galicia, onde xogou algúns partidos co seu antigo equipo, o Esteiro.[9]
Posteriormente, de novo en Venezuela, xogou no Sporting Coruñés.[7][10] Faleceu en agosto de 2023, aos 91 anos de idade.[11]
Notas
[editar | editar a fonte]- ↑ "Campeonato de liga de clubs modestos". El Correo Gallego (en castelán). 1 de decembro de 1948. p. 3. Consultado o 1 de abril de 2021.
- ↑ "El Arsenal espera dar una tarde de buen fútbol". El Progreso (en castelán). 22 de outubro de 1949. p. 3. Consultado o 1 de abril de 2021.
- ↑ "El Esteiro es un gran equipo". El Correo Gallego (en castelán). 31 de outubro de 1952. p. 4. Consultado o 1 de abril de 2021.
- ↑ "Probable cesión de trece jugadores del Deportivo al Juvenil". La Voz de Galicia (en castelán). 20 de agosto de 1954. p. 5.
- ↑ "Se confirma el debut del coruñés Lexo". El Correo Gallego (en castelán). 3 de decembro de 1955. p. 6. Consultado o 1 de abril de 2021.
- ↑ "El coruñés Losada firmó por el Burgos". La Voz de Galicia (en castelán). 19 de agosto de 1956. p. 5.
- ↑ 7,0 7,1 "Juan "Lexo", un sadense en Caracas". La Voz de Galicia (en castelán). 14 de agosto de 1969. p. 20.
- ↑ Vara García, Orestes (7 de outubro de 1959). "Chao entrenador del Lar Gallego de Caracas". La Voz de Galicia (en castelán). p. 5.
- ↑ "Campeonato ferrolano de fútbol modesto". La Noche (en castelán). 23 de febreiro de 1961. p. 4. Consultado o 1 de abril de 2021.
- ↑ "Un futbolista coruñés, en Venezuela". La Noche (en castelán). 9 de outubro de 1965. p. 6. Consultado o 1 de abril de 2021.
- ↑ "Lexo, xogador sadense do Dépor na década dos 50, faleceu aos 91 anos". 14 de agosto de 2023. Consultado o 15 de agosto de 2023.
Véxase tamén
[editar | editar a fonte]Ligazóns externas
[editar | editar a fonte]- Datos do xogador en BDFutbol (en castelán).