Andrés Mendieta

Andrés Mendieta

Biografía
Nacemento	12 de febreiro de 1945 (79 anos) Lekeitio, España
Actividade
Ocupación	futbolista
Deporte	fútbol
Posición de xogo	Gardameta
Traxectoria   Deporte base – SD Begoña   Equipo 1964–1965 SD Indautxu 1965–1970   Real Madrid CF 1966–1968 → cesión:    Rayo Vallecano 1968–1970 → cesión:    Deportivo da Coruña 1970–1974   CD Castellón 1974–1975   Villarreal Club de Fútbol 1975–1976 CE Benicàssim
Participou en
1968	Xogos Olímpicos de 1968
Familia
Fillos	Gaizka Mendieta

Andrés Mendieta Ocamica, nado en Lekeitio (Biscaia) o 12 de febreiro de 1945, é un exfutbolista español, que xogaba de porteiro. Debutou en Segunda División co Indautxu, pasando logo ao Real Madrid. Formou parte do club branco durante cinco anos, pero non chegou a debutar, saíndo cedido dúas tempadas ao Rayo Vallecano e outras dúas ao Deportivo da Coruña, co que debutou en Primeira División. Finalmente militou durante catro anos no Castellón, co que logrou o ascenso á máxima categoría na tempada 1971/72.

É pai do tamén futbolista Gaizka Mendieta.

Traxectoria

Empezou a xogar ao fútbol nos xuvenís do Begoña, pasando logo ao primeiro equipo, que xogaba nas categorías rexionais vascas. En 1964 fichou polo Indautxu, co que debutou na Segunda División na segunda xornada da tempada 1964/65, da man do adestrador Rafael Iriondo. Disputou 31 partidos esa tempada e ao ano seguinte fichou polo Real Madrid.

Chegou ao equipo branco como terceiro porteiro e non chegou a debutar, sendo o gardameta titular Betancort. Na súa segunda tempada saíu cedido ao Rayo Vallecano, de Segunda División, onde xogou 31 encontros en dous anos, nun equipo adestrado por Eguiluz primeiro, e Olmedo despois. A continuación foi cedido outra vez, ao Deportivo da Coruña. No club galego debutou en Primeira División, pero xogou só 8 partidos, sendo Joanet o porteiro habitualmente elixido polo adestrador Cheché Martín. Ademais estudou Química na Universidade de Santiago de Compostela.

En novembro de 1969 foi recuperado polo Real Madrid, que tiña lesionados aos porteiros Betancort e Junquera, aínda que tampouco entón chegou a debutar. No verán de 1970 desvinculouse do Real Madrid e fichou polo Castellón, onde xogou durante catro tempadas, as dúas últimas na Primeira División, despois de ascender na 1971/72.

Selección española

Foi internacional coa selección olímpica española, coa que disputou os Xogos Olímpicos de 1968 en Cidade de México, obtendo un diploma olímpico.

Vida persoal

É pai do tamén futbolista Gaizka Mendieta.

Véxase tamén

Ligazóns externas

• Datos do xogador en BDFutbol (en castelán).