Úbeda, Xaén

Conxuntos monumentais renacentistas de Úbeda e Baeza
	Sacra Capela do Salvador e Palacio do Deán Ortega (Parador Nacional de Turismo).
Patrimonio da Humanidade - UNESCO
País	España
Localización	38°00′42″N 3°22′18″O / 38.01167, -3.37167
Tipo	Cultural
Criterios	II, IV
Inscrición	2003 (27ª sesión)
Rexión da UNESCO	Europa e América do Norte
Identificador	522rev
	v; c; e;

Úbeda, Xaén
	Úbeda;
Localización
País	España
Comunidade Autónoma	Andalucía
Provincia	Xaén
Comarca	La Loma de Úbeda
Xeografía
Altitude	751 msnm
Superficie	403,98 km²
Demografía
Poboación	34.733 hab. (2017)
Densidade	87,08 hab./km².
Xentilicio	Ubetense, ubedeño, ebdetense
Outros datos
Código postal	23400
Alcalde	Antonia Olivares Martínez (PSOE)
	Web oficial

Coordenadas: 38°00′42″N 3°22′18″O / 38.011666666667, -3.3716666666667

Para outras páxinas con títulos homónimos véxase: Úbeda.

Úbeda é unha cidade da provincia de Xaén (Andalucía), capital da fértil comarca de La Loma. Segundo o INE en 2017 tiña 34.733 habitantes, dos cales 17.046 eran homes e 17.687 mulleres. A cidade, xunto coa próxima Baeza, foi declarada Patrimonio Cultural da Humanidade pola Unesco o 3 de xullo de 2003 debido á calidade e boa conservación dos seus numerosos edificios renacentistas e da súa singular contorna urbanística.

A cidade, situada sobre un cerro e envorcada cara ao val do río Guadalquivir fronte á impoñente Serra Mágina e cerca do centro xeográfico da provincia, constitúe un importante centro de atracción ao contar con hospital comarcal, centros educativos e escolas universitarias (UNED e SAFA), delegacións de facenda e da seguridade social, xulgados, Centro do Profesorado (CEP) etc, derivando nun dos índices de centralidade máis altos de toda Andalucía. Segundo o anuario de La Caixa, trátase da capital dunha das provincias económicas de España, cunha poboación de máis de 200.000 habitantes que acode habitualmente a comprar nela.

Úbeda vive principalmente do sector servizos, o comercio e a administración, que ocupan o 49% da poboación activa. Pero ademais o peso da agricultura é enorme, sendo un centro neurálxico do oliveiral e a produción aceiteira e un dos maiores produtores e envasadores da provincia de Xaén de aceite de oliva, pedra angular de toda a súa economía. Outras actividades complementarias son a industria, a gandería e un incipiente turismo.

O xentilicio formal da localidade é ubetense, aínda que os seus habitantes, principalmente nas vilas de ao redor como Torreperogil, Sabiote, Baeza, Villacarrillo, Rus ou Canena, tamén son coñecidos como ubedeños.

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]