Alfredo Tella

Alfredo Tella
Nacemento	1873
Lugar de nacemento	A Coruña
Falecemento	12 de outubro de 1927
Lugar de falecemento	Madrid
Nacionalidade	España
Ocupación	xornalista
Irmáns	Mercedes Tella
[ editar datos en Wikidata ]

Exposición no Palacio de María Pita, en 1917. De esq. a der., de pé: Tella, Abelenda, Barreiro, Sobrino, Palacios, Seijo, Sotomayor, Lloréns, Castelao, Concheiro, Francés, Madariaga (co chapeu nas mans), González del Villar e dúas persoas sen identificar. Sentados: a muller de Francés, a Pardo Bazán e Picadillo.

Alfredo Tella Comas, nado na Coruña en 1873 e finado en Madrid o 12 de outubro de 1927, foi un xornalista galego.

Traxectoria

Irmán de Mercedes Tella. Xornalista xocoso, foi redactor de El Noroeste e despois de El Orzán, e colaborou en El Correo Gallego.

O 17 de febreiro de 1903 na súa crónica de El Noroeste fixo un comentario sarcástico sobre os mozos que se vestían de "madamas" no Entroido, solicitando que o alcalde tomase medidas para evitar equívocos. Ao día seguinte, o alcalde Argudín Bolívar publicou o bando de entroido, cun artigo no que prohibía que os homes se disfrazasen de muller. La Voz de Galicia ironizou con que a medida prexudicara aos homes, e non ao revés. Ao ano seguinte, Francisco Mariño, o sucesor no cargo de Argudín Bolívar prohibiu tamén que as mulleres se disfrazasen de home.

Recoñecementos

O Concello da Coruña dedicoulle unha rúa en 1966.

Véxase tamén

Bibliografía

• Couceiro Freijomil, Antonio (1951-53). Diccionario Bio-bibliográfico de Escritores (en castelán) 3. Bibliófilos Gallegos. p. 401.