Alfonso de Borbón e Borbón-Dúas Sicilias
Afonso de Borbón e Borbón-Dúas Sicilias | |
---|---|
Infante de España | |
Alfonso de Borbón (1950) | |
Nome completo | Alfonso Cristino Teresa Ángelo Francisco de Asís y Todos los Santos de Borbón y Borbón-Dos Sicilias |
Nacemento | 3 de outubro de 1941 Roma, Italia |
Falecemento | 29 de marzo de 1956 Estoril, Portugal |
Sepultura | Panteón de Infantes do Mosteiro de El Escorial |
Casa real | Casa de Borbón |
Proxenitores | Xoán de Borbón María das Mercés de Borbón-Dúas Sicilias |
Na rede | |
Afonso de Borbón e Borbón-Dúas Sicilias, nado en Roma o 3 de outubro de 1941 e finado en Estoril, Portugal, o 29 de marzo de 1956, infante de España, foi fillo do infante e Conde de Barcelona Xoán de Borbón, Xefe da Casa Real de España naquel momento, e a Princesa María das Mercés de Borbón-Dúas Sicilias.
Traxectoria[editar | editar a fonte]
Nado baixo o nome de Alfonso Cristino Teresa Ángelo Francisco de Asís y Todos los Santos, o irmán máis novo de Xoán Carlos I de España acompañou a este a España para estudar Bacharelato. Esta decisión tomárona o ditador Franco e Xoán de Borbón, o seu pai, o 25 de agosto de 1948.
Case oito anos máis tarde, o 29 de marzo de 1956, mentres gozaba das vacacións de Semana Santa no Estoril (Portugal), o seu irmán máis vello (por entón cadete da Academia Xeral Militar de Zaragoza e cunha idade de 18 anos) Xoán Carlos[1] disparou un revólver accidentalmente, que acabou coa súa vida.[2].
O mozo Afonso, de 14 anos, foi enterrado en Portugal ata que o 15 de outubro de 1992 os seus restos foron trasladados ao Panteón de Infantes do Mosteiro de El Escorial, a petición do seu pai.
Ascendencia[editar | editar a fonte]
Notas[editar | editar a fonte]
- ↑ Paul Preston, Juan Carlos: A People's King, HarperCollins Publishers Ltd, London, United Kingdom, 2004, ISBN 0-00-255632-4
- ↑ Casals, Xavier (2005). Franco y los Borbones: la corona de España y sus pretendientes. Ed. Planeta.