Alejandro Losada Rodríguez

Na Galipedia, a Wikipedia en galego.
Saltar ata a navegación Saltar á procura
Alejandro Losada Rodríguez
Información persoal
AlcumeÁlex Camba
NacionalidadeEspaña
Nacemento2 de setembro de 1999 (21 anos)
Monforte de Lemos, Galicia Galicia
Altura1,82 m
Deporte
PaísEspaña España
DeporteTaekwondo
ClubClub Taekwondo Neka
editar datos en Wikidata ]

Alejandro Losada Rodríguez, tamén coñecido como Álex Camba,[1] nado en Monforte de Lemos o 2 de setembro de 1999, é un taekwondista galego que foi campión de España en varias ocasións e participou en dous campionatos do mundo.

Traxectoria[editar | editar a fonte]

Nado en Monforte de Lemos, iniciouse no taekwondo aos sete anos no Colexio Ferroviario, no que estudou.[2] Non obstante, a súa carreira deportiva está ligada ao Ximnasio Neka, referente do taekwondo galego, situado nesa localidade. Participou en marzo de 2013 no campionato galego[3] e en abril dese mesmo ano conseguiu a medalla de prata no campionato provincial escolar na modalidade de combate.[4]

No campionato galego celebrado en marzo de 2015 foi quinto na modalidade de técnica.[5] En abril do mesmo ano acadou a medalla de bronce no Open de España disputado en Pontevedra en tríos xunto a Samuel López e Carlos Rey[6] e tamén no campionato galego disputado en Monforte de Lemos xunto a Samuel López.[7] No campionato de España disputado no mes de maio en Marina d'Or (Castelló) o trío repetiu a medalla de bronce.[8]

En outubro de 2015 o mesmo trío gañou a medalla de ouro no Open Internacional de Ribeira.[9] Nese torneo, Losada tamén conseguiu unha medalla de prata de xeito individual.[9] En novembro de 2015 gañou a medalla de ouro no Open Cidade de Vilalba.[10] No campionato de España disputado en decembro en Benicàssim (Castelló) o trío formado por Álex Losada, Carlos Rey e Rodrigo Huanay fíxose coa medalla de prata.[11] En marzo de 2016 participou no campionato galego celebrado en Teo, no que obtivo a quinta praza na categoría júnior e foi bronce en parellas con Elena Varela e en tríos con Carlos Rey e José Roca.[12] No Open de España disputado en abril en Benicàssim non puido participar debido a unha lesión.[13] En maio, o trío do Ximnasio Neka formado por Álex Camba, José Roca e Carlos Rey proclamouse campión coa selección galega no Open de Andalucía, mentres que individualmente Álex Losada foi bronce.[14] No campionato de España disputado en xuño en Marina d'Or foi oitavo, mentres que o trío acadou a medalla de bronce.[15] No torneo Cidade de Ourense foi bronce.[16]

A tempada 2016/17, no Open de Ribeira foi prata individual e bronce en parellas xunto a Elena Varela.[17] No torneo Cidade de Pontevedra foi ouro xunto a José Roca e Carlos Rey.[18] No Campionato de España disputado en decembro en Alacant foi ouro na modalidade de trío xunto a José Roca e Carlos Rey, prata de xeito individual e bronce en parellas xunto a Elena Varela.[19] En xaneiro de 2017 foi medalla de bronce no campionato galego celebrado en Cangas.[20] No campionato galego celebrado en Monforte en febreiro, gañou a medalla de ouro individual e a de bronce no dúo xunto a Elena Varela.[21] En marzo debutou na categoría sénior no campionato de España en Cartaxena coa sétima posición.[22] Foi tamén o ano do seu debut internacional (e do Ximnasio Neka) no Open de Bruxelas, en Bélxica.[23] No Open de España celebrado en Alacant foi bronce na categoría individual[24] e no Open Nacional de Marina d'Or acadou a medalla de ouro de xeito individual e tamén en parellas xunto a Elena Varela.[25]

A tempada 2017/18 comezou con dous metais de bronce no Open de València, individual e en parellas xunto a Elena Varela.[26] No Open de Ribeira conseguiu a medalla de ouro[27] e no de Navarra a de bronce.[28] En novembro foi medalla de prata na Copa Xunta de Galicia disputada en Teo,[29] mentres que no torneo Vila de Moaña foi ouro individual e prata en parellas xunto a Elena Varela.[30] No Campionato de España en Marina d'Or conseguiu dúas medallas de bronce, individual e en parellas con Elena Varela.[31] No campionato galego celebrado en Monforte en xaneiro de 2018 foi prata de xeito individual e bronce xunto a Elena Varela.[32] En xaneiro participou tamén no Open de Francia en Lille, onde foi noveno, quedando ás portas da final.[33] No Open de Madrid foi bronce individual e tamén xunto a Elena Varela,[34] medalla que repetiu no campionato de España celebrado en Valladolid.[35] Os seus bos resultados sumando medallas en todos os campionatos nacionais e autonómicos dende maio de 2017 valéronlle para ser convocado pola selección española de taekwondo.[2] No Open de Andalucía fíxose coa medalla de ouro individual e coa de prata xunto a Elena Varela. A parella debutou no mes de abril no mundial de taekwondo praia na illa grega de Rodas, no que acadaron a medalla de bronce.[36] No campionato de España foron medalla de prata.[37] Os éxitos desa tempada foron claves para ser declarado deportista galego de alto nivel pola Xunta.[38]

A tempada 2018/19 comezou con dous ouros no Open de Ribeira, en parellas con Elena Varela e tamén de xeito individual.[39] No Open de Madrid Embaixador de Corea a parella foi bronce.[40] Malia que quedaran segundos no ránking nacional, a baixa da parella líder pola lesión dunha das súas compoñentes fixo que puideran participar no Campionato do Mundo de taekwondo celebrado en Taipei (Taiwán) entre o 15 e o 18 de novembro de 2018.[41] A pesar da súa boa actuación non puideron superar a primeira fase do campionato.[42] Na Copa Xunta celebrada en Vigo acadou a medalla de prata.[43] No campionato galego celebrado en xaneiro de 2019 en Monforte acadou dúas pratas, individual e en parellas na modalidade de técnica, e un bronce, en parellas en freestyle.[44] No Open de Alemaña foi medalla de bronce, clasificándose automaticamente para o campionato de Europa.[45] En parellas foi oitavo na modalidade de técnica e sétimo en freestyle xunto a Elena Varela.[45] No Open de Andalucía conseguiu tres bronces (individiual e por parellas en técnica e freestyle)[46] e no Campionato de España en Alacant foi quinto individualmente[47] e medalla de prata en parellas. No Campionato de Europa celebrado en Antalya (Turquía) conseguiu a medalla de bronce.[48] No torneo Cidade de Ourense fíxose con tres ouros: individual, en freestyle xunto a Elena Varela e en tríos xunto a José Roca e Carlos Rey.[49]

En novembro de 2019 acadou dúas pratas no Cidade de Pontevedra, individual e xunto a Elena Varela,[50] medalla que tamén acadou en solitario no Open de París.[51] No torneo Vila de Moaña conquistou a medalla de ouro de xeito individual e a de prata xunto a Elena Varela.[52] No Campionato de España disputado en Alacant proclamouse campión, mentres que en parellas foi subcampión xunto a Elena Varela.[53] No primeiro Open de Monforte fíxose co ouro individual e en parellas, tanto en técnica como en freestyle, sendo o mellor competidor do torneo.[54] Tamén foi ouro na Copa Xunta en Sada.[55] No campionato galego disputado en Monforte obtivo dúas pratas, tanto individual como en parellas.[56] No Open de Madrid acadou a medalla de ouro no trío xunto a Carlos Rey e Alejandro Losada, ademais de conseguir a prata individualmente.[57] No campionato de España de seleccións territoriais disputado en Torrelavega (Cantabria) conquistou a medalla de ouro[58] e o Consello Superior de Deportes outorgoulle a distinción de deportista de alto nivel.[59] No Open de Ribeira acadou a medalla de ouro, resultado que o clasificaba virtualmente para o mundial de Dinamarca, cancelado pola pandemia por coronavirus. Ademais, tamén conquistou o ouro nas modalidades de trío e freestyle.[60]

Palmarés[editar | editar a fonte]

Campionatos do mundo[editar | editar a fonte]

Ano Campionato Lugar Categoría Medalla Observacións
2018 Campionato Mundial de Praia Poomsae Grecia Rodas, Grecia Parellas sub-18 Bronce xunto a Elena Varela

Campionatos de Europa[editar | editar a fonte]

Ano Campionato Lugar Categoría Medalla
2019 Campionato Europeo de Poomsae Flag of Turkey.svg Antalya, Turquía Individual sub-30 Bronce

Campionatos de España[editar | editar a fonte]

Ano Campionato Lugar Categoría Medalla Observacións
2020 Campionato de España de Poomsae Torrelavega, Cantabria Sénior 1 (1990-2002) Ouro
2019 Campionato de España de clubs de Poomsae Alacant Individual +18 Ouro
Parellas +18 Prata Xunto a Elena Varela
Campionato de España de Poomsae Alacant Parellas 18-30 anos Prata Xunto a Elena Varela
2018 Campionato de España e clubs de Poomsae Marina d'Or, Castelló Parellas Prata Xunto a Elena Varela
Campionato de España de Poomsae Valladolid Individual sénior Bronce
2017 Campionato de España de clubs de Poomsae Marina d'Or, Castelló Individual sénior Bronce
Parellas sénior Bronce Xunto a Elena Varela
2016 Campionato de España de clubs de Poomsae Alacant Trío júnior Ouro Xunto a Carlos Rey e José Roca
Individual júnior Prata
Campionato de España de clubs de freestyle Parellas -17 Bronce Xunto a Elena Varela
Campionato de España de Poomsae Marina d'Or, Castelló Trío júnior Bronce Xunto a Carlos Rey e José Roca
2015 Campionato de España de clubs de Poomsae Benicàssim, Castelló Trío júnior Prata Xunto a Carlos Rey e Rodrigo Huanay
Campionato de España de Poomsae Marina d'Or, Castelló Trío júnior Bronce Xunto a Carlos Rey e Samuel López

Recoñecementos[editar | editar a fonte]

Notas[editar | editar a fonte]

  1. "Os deportistas monfortinos Alejandro Losada e Laura Álvarez recibidos polo alcalde". Diario de Lemos. 21 de febreiro de 2020. Consultado o 17 de abril de 2020. 
  2. 2,0 2,1 "Presente e futuro do taekwondo". La Voz de Galicia. 8 de marzo de 2018. Consultado o 19 de abril de 2020. 
  3. "Iago García conquistou o campionato galego de taekwondo". Diario de Lemos. 21 de febreiro de 2020. Consultado o 17 de abril de 2020. 
  4. "Pleno de medallas del Neka en el provincial". La Voz de Galicia. 1 de maio de 2013. Consultado o 17 de abril de 2020. 
  5. "El Neka conquistó cuatro medallas en el torneo gallego". La Voz de Galicia. 15 de marzo de 2015. Consultado o 17 de abril de 2020. 
  6. "Medalla de bronce para el Neka". La Voz de Galicia. 15 de abril de 2015. Consultado o 17 de abril de 2020. 
  7. "El Gimnasio Neka logró cinco medallas en el torneo gallego". La Voz de Galicia. 19 de abril de 2015. Consultado o 17 de abril de 2020. 
  8. "Alejandro Fernández conquistó su tercer campeonato de España". La Voz de Galicia. 31 de maio de 2015. Consultado o 17 de abril de 2020. 
  9. 9,0 9,1 "O Neka logrou nove medallas no Open de Ribeira". La Voz de Galicia. 20 de outubro de 2015. Consultado o 17 de abril de 2020. 
  10. "O Ximnasio Neka conquistou dezaoito medallas en Vilalba". La Voz de Galicia. 24 de novembro de 2015. Consultado o 17 de abril de 2020. 
  11. "Recoñecemento ao Ximnasio Neka". La Voz de Galicia. 22 de decembro de 2015. Consultado o 17 de abril de 2020. 
  12. "O Ximnasio Neka obtivo seis medallas no torneo galego de taekwondo en Teo". La Voz de Galicia. 6 de marzo de 2016. Consultado o 17 de abril de 2020. 
  13. "Os deportistas do Neka inician o Open de España". La Voz de Galicia. 16 de abril de 2016. Consultado o 17 de abril de 2020. 
  14. "Un trío de ouro no Neka". La Voz de Galicia. 22 de maio de 2016. Consultado o 17 de abril de 2020. 
  15. "O Neka logrou catro medallas no campionato de España". La Voz de Galicia. 14 de xuño de 2016. Consultado o 17 de abril de 2020. 
  16. "Vinte medallas para o Neka". La Voz de Galicia. 26 de xuño de 2016. Consultado o 17 de abril de 2020. 
  17. "O Ximnasio Neka conquistou dezanove medallas en Ribeira". La Voz de Galicia. 11 de outubro de 2016. Consultado o 17 de abril de 2020. 
  18. "O Neka conquistou dez medallas no Cidade de Pontevedra". La Voz de Galicia. 1 de novembro de 2016. Consultado o 17 de abril de 2020. 
  19. "Laura Álvarez, campioa de España de taekwondo". La Voz de Galicia. 9 de decembro de 2016. Consultado o 17 de abril de 2020. 
  20. "O Ximnasio Neka bordouno no campionato galego de promesas". La Voz de Galicia. 24 de xaneiro de 2017. Consultado o 19 de abril de 2020. 
  21. "Dez medallas monfortinas no campionato galego". La Voz de Galicia. 27 de febreiro de 2017. Consultado o 19 de abril de 2020. 
  22. "Laura e Alejandro, campións de España de taekwondo". La Voz de Galicia. 12 de marzo de 2017. Consultado o 19 de abril de 2020. 
  23. "Sobresaínte no debut europeo". La Voz de Galicia. 21 de marzo de 2017. Consultado o 19 de abril de 2020. 
  24. "O Ximnasio Neka non se olvida de gañar". La Voz de Galicia. 25 de marzo de 2017. Consultado o 19 de abril de 2020. 
  25. "O Neka logrou sete medallas no Open Nacional". La Voz de Galicia. 26 de abril de 2017. Consultado o 19 de abril de 2020. 
  26. "Elena Varela e Álex Camba bórdano no Open de Valencia". La Voz de Galicia. 10 de outubro de 2017. Consultado o 19 de abril de 2020. 
  27. "Os deportistas do Ximnasio Neka brillaron no Open de Ribeira". La Voz de Galicia. 16 de outubro de 2017. Consultado o 19 de abril de 2020. 
  28. "O Neka logrou dúas medallas no Open de Navarra". La Voz de Galicia. 24 de outubro de 2017. Consultado o 19 de abril de 2020. 
  29. "O Neka logrou dezaoito medallas na copa Xunta". La Voz de Galicia. 23 de novembro de 2017. Consultado o 19 de abril de 2020. 
  30. "Os deportistas do Ximnasio Neka bordárono no torneo Vila de Moaña". La Voz de Galicia. 30 de novembro de 2017. Consultado o 19 de abril de 2020. 
  31. "O Neka abónase ás medallas". La Voz de Galicia. 8 de decembro de 2017. Consultado o 19 de abril de 2020. 
  32. "Nove medallas para o Neka". La Voz de Galicia. 16 de xaneiro de 2018. Consultado o 19 de abril de 2020. 
  33. "Camba, ás portas da final do Open de Francia". La Voz de Galicia. 21 de xaneiro de 2018. Consultado o 19 de abril de 2020. 
  34. "Elena Varela e Álex Camba loitarán por ir ao mundial de Taipei". La Voz de Galicia. 31 de xaneiro de 2018. Consultado o 19 de abril de 2020. 
  35. "Medalla de bronce para Álex Camba". La Voz de Galicia. 6 de marzo de 2018. Consultado o 19 de abril de 2020. 
  36. "Bronce histórico para o Neka". La Voz de Galicia. 28 de abril de 2018. Consultado o 19 de abril de 2020. 
  37. "O deportista do Neka, Daniel Areán, novo campión de España". La Voz de Galicia. 29 de maio de 2018. Consultado o 19 de abril de 2020. 
  38. 38,0 38,1 "Álex Camba é un novo deportista galego de alto nivel". La Voz de Galicia. 24 de xullo de 2018. Consultado o 19 de abril de 2020. 
  39. "Trece medallas para el Neka en el Open de Ribeira". La Voz de Galicia. 16 de outubro de 2018. Consultado o 19 de abril de 2020. 
  40. "Marco García e Carla Pardo debutaron cun bronce no Open de Madrid". La Voz de Galicia. 4 de novembro de 2018. Consultado o 19 de abril de 2020. 
  41. "Álex Camba e Elena Varela, directos ao mundial de taekwondo". La Voz de Galicia. 27 de agosto de 2018. Consultado o 19 de abril de 2020. 
  42. "Estrea sen premio en Taiwán". La Voz de Galicia. 16 de novembro de 2018. Consultado o 19 de abril de 2020. 
  43. "O Ximnasio Neka bate o récord de medallas na copa Xunta". La Voz de Galicia. 19 de decembro de 2018. Consultado o 19 de abril de 2020. 
  44. "O Ximnasio Neka logrou 12 medallas no campionato galego". La Voz de Galicia. 29 de xaneiro de 2019. Consultado o 19 de abril de 2020. 
  45. 45,0 45,1 "Álex Camba clasifícase para o campionato de Europa". La Voz de Galicia. 3 de febreiro de 2019. Consultado o 19 de abril de 2020. 
  46. "Os deportistas do Neka logran oito medallas en Andalucía". La Voz de Galicia. 3 de marzo de 2019. Consultado o 19 de abril de 2020. 
  47. "Laura Álvarez, subcampioa de España de taekwondo". La Voz de Galicia. 10 de marzo de 2019. Consultado o 19 de abril de 2020. 
  48. "Álex Camba, bronce no campionato de Europa de taekwondo". La Voz de Galicia. 2 de abril de 2019. Consultado o 19 de abril de 2020. 
  49. "O Neka gañou o torneo Cidade de Ourense de taekwondo". La Voz de Galicia. 25 de xuño de 2019. Consultado o 19 de abril de 2020. 
  50. "O Ximnasio Neka logrou 14 medallas no Cidade de Pontevedra". La Voz de Galicia. 5 de novembro de 2019. Consultado o 19 de abril de 2020. 
  51. "O Ximnasio Neka exhíbese en París". La Voz de Galicia. 17 de novembro de 2019. Consultado o 19 de abril de 2020. 
  52. "Quince medallas para o Neka en Moaña". La Voz de Galicia. 27 de novembro de 2019. Consultado o 19 de abril de 2020. 
  53. "O taekwondo local brillou en Alacant". La Voz de Galicia. 6 de decembro de 2019. Consultado o 19 de abril de 2020. 
  54. "O Ximnasio Neka arrollou no Open de Monforte de taekwondo". La Voz de Galicia. 17 de decembro de 2019. Consultado o 19 de abril de 2020. 
  55. "O Ximnasio Neka logrou 12 medallas na copa Xunta". La Voz de Galicia. 22 de decembro de 2019. Consultado o 19 de abril de 2020. 
  56. "O Neka conquistou dezasete medallas no galego de taekwondo". La Voz de Galicia. 21 de xaneiro de 2020. Consultado o 19 de abril de 2020. 
  57. "O Neka logrou 19 medallas no open de Madrid de taekwondo". La Voz de Galicia. 27 de xaneiro de 2020. Consultado o 19 de abril de 2020. 
  58. "Laura Álvarez e Álex Camba, campións de España de taekwondo". La Voz de Galicia. 1 de febreiro de 2020. Consultado o 19 de abril de 2020. 
  59. 59,0 59,1 "Álex Camba, deportista de alto nivel". La Voz de Galicia. 20 de febreiro de 2020. Consultado o 19 de abril de 2020. 
  60. "O Ximnasio Neka posiciónase ben cara ao mundial de Dinamarca". La Voz de Galicia. 3 de marzo de 2020. Consultado o 19 de abril de 2020.